Свет
Индија и официјално му ја укина автономијата на Кашмир
![](https://makfax.com.mk/wp-content/uploads/2019/10/31-кашмир.jpg)
Индија и формално го примени законот со кој му се одзема полуавтономниот статус на Кашмир под контрола на Индија и се наметнува директна федерална власт во спорната област, пренесува РТ.
Денеска, индиската муслиманска држава Џаму и Кашмир беше официјално поделена на две нови територии на унијата – Џаму и Кашмир на запад и Ладах на исток.
Хиндуистичката националистичка влада на премиерот Нарендра Моди испрати илјадници дополнителни војници и ги апсеше антииндиските, како и проиндиските активисти, пред да наметне промени во мнозински муслиманскиот регион. Највпечатливо беше укинаувањето на знамето и на Уставот на Кашмир, кои се елиминирани како дел од новиот статус на регионот.
Меѓутоа, најпроблематична промена е заканата дека Индија ќе ја присвои територијата со формалното укинување на клаузулата во индискиот Устав, со која се чуваше ексклузивното право на Кашмир над сопствеништвото на земјата.
„Сè се менува денес. Од држави сме сведени на општина. Целиот овој процес е неуставен. Начинот и методологијата беа недемократски. Луѓето беа понижени и никој не ги консултира“, вели пензионираниот кашмирски судија Хаснаин Масуди, член на индискиот парламент.
Пред најголемите политички промени во индиски Кашмир властите го изгаснаа пристапот до интернетот, до мобилните и фиксните телефонски услуги и до кабелската телевизија за 12,5 милиони луѓе во регионот под образложение дека бунтовниците веројатно ги користат за организирање на антииндиските протести и насилства.
И покрај опсадата од десетина илјади владини сили, стотици антииндиски протести и судири избија во регионот. Владините сили користеа солзавец и огнено оружје за да ги спречат демонстрантите да протестираат на улиците. Најмалку три лица загинаа, а стотици беа повредени во судирите.
Последната надеж на жителите на Кашмир сега е Врховниот суд на Индија, кој треба да почне расправа на почетокот на ноември за барањата што ја оспоруваат законитоста на укинувањето на членот 370 од Уставот, со кој на Кашмир му се даваше посебен статус. Одлуката се очекува во рок од неколку месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.