Македонија
Почна чествувањето на 4 Ноември, Денот на ослободувањето на Битола
Почна чествувањето на празникот 4 Ноември, Денот на ослободувањето на Битола. Во следните неколку денови ќе се одбележи 75 годишнината од ослободувањето на градот Битола во 1944 година, од фашистичкиот окупатор за време на Втората светска војна.
Во НУУБ „Св. Климент Охридски“, беше отворена изложбата „Книги: историја, иднина“, во организација на Македонското научно друштво-Битола. Претседателот на МНД, д-р Марјан Танушевски посочи дека на изложбата се изложени над 400 книги чиј издавач е МНД-Битола или поранешно ДНУ-Битола, во рамките на неговото 60 годишно постоење.
Изложбата ја отвори градоначалничката на Општина Битола, Наташа Петровска.
„Нема ништо помоќно од пишуваниот збор, збор кој остава голем траг на тоа што се случувало во минатото, а може да користи на идните генерации, и затоа 75-то одбележување на Денот на ослободувањето на Битола го почнуваме со изложбата на МНД-Битола“, рече Петровска.
Во малата сала на Центарот за култура, започна 27 издание на интернационалниот фестивал на аматерскиот документарен филм „Камера 300“.
Плакетата за најдобра камера што ја доделува Општина Битола, а ја додели градоначалничката Петровска, отиде во рацете на Томе Љушев, за аматерскиот документарен филм „Од Трпејца преку Св. Заум до Св, Наум“. Највисоката награда гран-при на фестивалот „Плакета Милтон Манаки“ му беше доделена на Џејмс Калмерс од Велика Британија, за документарниот филм „Реквием за Тин“.
Во Магазата, беа промовирани две книги, пропратени со изложба. Книгата „Вермахтот и Егејскиот дел на Македонија 1941-1944 година“ од д-р Роберто Трајковски беше промовирана од Александар Литовски, додека пак неговата „Попатни паралипомени“, ја промовираше Роберт Алаѓозовски. Изложбата насловена „Битолските Евреи во македонското партизанско движење“ е дело на д-р Александар Манојловски и д-р Александар Литовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.
Македонија
Оштетени билборди и рекламни паноа на политичка партија во Тетово
Вчера на улицата ,,Киро Ристовски-Дрнц” и на улица „Маршал Тито” во Тетово биле оштетени билборди и рекламни паноа од парламентарните избори од една политичка партија.
Се преземаат мерки за расчистување на случајот, објави МВР.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.