Свет
НАТО ја почна воената вежба „Железен волк“ близу границите на Русија
Литванското Министерство за одбрана соопшти дека околу 4.000 војници од 11 држави членки на НАТО, вклучувајќи ги и САД, Велика Британија, Германија, во моментов учествуваат во вежбата „Железен волк“.
Активната фаза на вежбите што се одржуваат во близина на градот Пабраде ќе трае до 18 октомври. Вежбата е насочена кон зајакнување на офанзивните и одбранбените операции, како и на соработка меѓу силите на НАТО.
НАТО редовно одржува големи меѓународни вежби во балтичките земји. Вежбата „Сајбер страјк“ мобилизираше околу 18.000 војници од 19 сојузници и партнери во јуни 2018 година, додека последните воени игри, со кодно име „Сребрена стрела“, завршија во средината на октомври и собраа над 3.000 војници од 12 сојузници на НАТО.
На состанокот на Комонвелтот на независните држави (КНД) во октомври рускиот претседател Владимир Путин рече дека иако обидите за создавање тензии на границите не се добредојдени, Русија сепак ќе остане мирна за време на вежбите на НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.