Иако често го доживуваме како едноставен зачин или декорација на чинијата, магдоносот е многу повеќе од тоа.

Ова скромно растение крие изненадувачко богатство од хранливи материи и може значително да придонесе за нашето здравје – под услов да му дадеме шанса.

Извор на витамини што го зајакнуваат имунитетот

Магдоносот е исклучително богат со витамин Ц, дури и повеќе од лимонот. Само две лажици свеж магдонос содржат околу 16 % од препорачаната дневна доза витамин Ц, кој е клучен за нормално функционирање на имунолошкиот систем и за одбраната на телото од инфекции. Покрај тоа, магдоносот е добар извор на витамини А и К, кои се важни за здравјето на очите и на коските и против згрутчување на крвта.

Го прочистува телото и го поддржува варењето на храната

Магдоносот дејствува како природен диуретик – го поттикнува елиминирањето на вишокот течности и токсини од телото. Ова го прави корисен сојузник за оние што се борат со задржување вода или имаат благ оток. Дополнително, есенцијалните масла од магдоносот, особено апиолот и миристицинот, може да ја намалат надуеноста и да го подобрат варењето на храната.

Богат со антиоксиданти

Магдоносот содржи моќни антиоксиданти, како што се флавоноидите (на пример, лутеолин), каротиноидите и витаминот Ц, кои помагаат во борбата против оксидативниот стрес. Редовното внесување на овие соединенија може да го намали ризикот од хронични заболувања, вклучувајќи срцеви заболувања и дијабетес.

Природен сојузник против лошиот здив

Благодарение на својот освежителен вкус и природните масла магдоносот може да помогне во неутрализирање на лошиот здив – нешто што нашите предци добро го знаеле, кои го користеле по оброци богати со лук и кромид.

Како најдобро да го искористите?

Најголеми придобивки од магдоносот добиваме кога го јадеме свеж. Додајте го на крајот од готвењето во супи, чорби, сосови или наросете го во салати. Можете да го додадете и во смути, да го користите како основа за зелен сок или да направите песто од магдонос наместо босилек.

Јадењето јајца може да помогне во намалувањето на ризикот од Алцхајмерова болест, најчестата форма на деменција.

Деменцијата е прогресивен синдром, кој ги засега милиони луѓе, предизвикувајќи постепено губење на когнитивните способности, проблеми со меморијата и промени во однесувањето.

Иако генетиката може да игра значајна улога во развојот на болеста, научниците веруваат дека речиси 45 % од случаите на деменција може да се спречат со одредени промени во животниот стил. Меѓу најважните препораки се откажување од пушење, намалување со внесување алкохол и регулирање на крвниот притисок. Исхраната исто така игра клучна улога, а експертите препорачуваат балансирано мени или медитеранска исхрана.

Истражувањето објавено во „Џурнал од нутрејшн“ покажа дека јајцата се поврзани со помал ризик од развој на Алцхајмерова болест. Авторите на студијата истакнуваат дека јајцата се богати со хранливи материи важни за здравјето на мозокот вклучувајќи холин, омега-3 масни киселини и лутеин.

Во студијата американските научници ги анализирале навиките во исхраната на повеќе од илјада постари лица користејќи прашалници за внесувањето храна. Во период од речиси шест години Алцхајмеровата болест била дијагностицирана кај 280 испитаници. Беше заклучено дека луѓето што јаделе повеќе од едно јајце неделно имале помал ризик од развој на деменција.

Авторите нагласија дека честото јадење јајца може да ги подобри когнитивните функции, особено вербалните способности, иако сè уште не е сосема јасно дали внесувањето јајца директно го намалува ризикот од Алцхајмерова болест. Особено е нагласена улогата на холинот, супстанција присутна во јајцата, и неговата поврзаност со намалувањето на ризикот од деменција:

„Речиси 39 % од ефектот на јајцата врз појавата на Алцхајмеровата деменција може да се припише на внесувањето холин преку исхраната“.

Како заклучок: студијата сугерира дека редовното јадење јајца може да биде поврзано со намален ризик од Алцхајмерова болест делумно поради ефектите на холинот.

Слични резултати беа потврдени и во студијата од 2022 година објавена во списанието „Граници во исхраната“, која исто така го поврза внесувањето јајца со помал ризик од деменција, особено кај луѓе што не се придржуваат строго кон медитеранската исхрана.