Свет
Москва нема да соработува со Вашингтон за сириската нафта
Русија нема да соработува со САД по прашањето на сириската нафта, тоа е имот на народот на Сирија со кој би требало да располагаат граѓаните на таа земја, изјави заменик-министерот за надворешни работи на Русија, Сергеј Вершињин, пренесува ТАСС.
„Станува збор за сириската нафта т.е. за националниот имот на целиот сириски народ. Уверени сме дека токму сирискиот народ треба да управува со своите природни ресурси, вклучувајќи ја и нафтата“, додаде Вершињин.
Претходно „Асошиејтед прес“ објави дека американскиот претседател Доналд Трамп одобрил проширување на американската воена мисија за обезбедување на нафтените полиња во источна Сирија. Агенцијата додаде дека таквиот потез на Трампа отвора низа тешки правни прашања – дали американската војска ќе може да ги напаѓа сириските, руските или други сили во случај на закана за нафтените полиња. Исто така се истакнува дека одлуката на Трамп предвидува присуство на стотина американски војниц во Сирија, иако претходно објави повлекување на трупите од оваа земја.
Вершињин наведе дека Москва е спремна да соработува со сириската влада на обезбедувањето контрола и безбедност на територијата на која се наоѓаа камповите на Сириските демократски сили во кои беа заробени припадниците на Исламската држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.