Македонија
Хан: Кредибилитетот на ЕУ претрпе огромна штета поради Скопје и Тирана
Еврокомесарот Јоханес Хан изјави дека одложувањето на почетокот на преговори на Европската Унија со Северна Македонија и Албанија е огромна штета за кредибилитетот на Европа.
Хан денеска последен пат се обрати пред Комитетот за надворешни работи на Европскиот парламент во својство на комесар за проширување и соседска политика на ЕУ.
Тој смета дека ЕУ не може да си дозволи прво да се занимава со внатрешни реформи, а дури потоа со процесите во регионот на Западен Балкан, затоа што, како што рече, во тој случај има голем ризик од назадување на тие земји со реформите.
„Кредибилитетот претрпе огромна штета. ЕУ во светот зборува за успесите на мултилатерализмот и ние сме водечка сила во тоа, но тука не успеавме да усвоиме одлука. Нашиот кредибилитет е оштетен“, порача Хан.
Тој потсети дека кредибилитетот на ЕУ е една од нејзините најголеми предности и дека токму тие земји членки дале гаранции дека преговорите ќе почнат кога ќе биде исполнети критериумите.
„Ние не ги испорачавме нашите ветувања и се надевам дека таа одлука ќе биде ревидирана“, рече Хан.
Тој кажа дека условите кои им биле поставени на Тирана и на Скопје во јуни 2018 година биле резултат на консензус на земјите членки на Унијата, а не на Европската комисија и дека ништо на сила не им било наметнато на членките на ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нови канцеларии на Левица во Могила и Росоман
Претседателот на Левица, Димитар Апасиев, и Носителот на ИЕ4, Сашко Јанчев, вчера присуствуваа на отворање на две нови канцеларии на локални ограноци на Левица во општина Могила и општина Росоман.
„Народот сè повеќе ги препознава идеологијата и вредностите на Левица, изградени на темелите на нашите предци кои го дале животот за Македонија и на кои почиваат вистината, праведноста и еднаквоста“, велат од Левица.
Претседателот на Левица, Апасиев, како и носителот Јанчев, во своите говори нагласија дека ова е историски момент пресуден за зачувување на интегритетот на Македонија.
„Постојаниот раст на партијата е доказ дека народот ги препознава АСНОМ-ската идеологија и бескомпромисноста на Левица, како нова идеја чие време допрва доаѓа!“, се додава во соопштението на Левица.
Македонија
Постапката за екстрадиција на Палчо ќе биде спроведена преку МВР, на осомничениот веќе му е определен притвор
Јавното обвинителство на Република Северна Македонија е известено дека Министерството за правда добило официјална информација од Република Турција дека се одобрува екстрадицијата на лице осомничено за две кривични дела грабнување, како и за две убиства на свиреп начин.
Постапката за екстрадиција ќе биде спроведена преку Министерството за внатрешни работи.
По предлог на Основното јавно обвинителство Скопје на осомничениот веќе му е определена мерка притвор која треба да започне да се применува веднаш по неговото испорачување, се додава во соопштението на Јавното обвинителство на Република Северна Македонија.
Македонија
Дозволена екстрадицијата на Љупчо Палевски Палчо
Министерството за правда преку писмено соопштение информираше дека е добиено официјално известување дека екстрадицијата на Љупчо Палевски е дозволена.
Претходно министерот за правда Кренар Лога на социјалните мрежи потврди дека е дозволена екстрадиција на Палевски.
„Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда.“
Љупчо Палевски е осомничен за убиствата на 14-годишната Вања Ѓорчевска и велешанецот Панчо Жежовски.