Македонија
Ешерихија коли пронајдена во повеќе бунари, извори и чешми во Скопско

Од ЈЗУ Центар за јавно здравје – Скопје известуваат дека е пронајдена ешерихија коли и други бактерии во повеќе бунари, извори и чешми во Скопје. Како што информираат од Центарот за управување со кризи, водата за пиење – каптиран извор – јавна чешма сретсело во Чучер Сандево – општина Чучер Сандево не одговара на правилникот за безбедност на водата поради наод на ешерихија коли и зголемен број колиформни бактерии.
Исто така, водата за пиење – каптиран извор – чешма со осум шопурки – село Чучер Сандево – општина Чучер Сандево не одговара на правилникот за безбедност на водата поради наод на ешерихија коли и зголемен број колиформни бактерии.
Водата за пиење – каптиран извор – чешма во Свети Никита – село Горњане – општина Чучер Сандево не одговара на правилникот за безбедност на водата поради наод на Pseudomonas Spp и зголемен број колиформни бактерии. Водата за пиење – каптиран извор – чешма во Свети Николе не одговара на правилникот за безбедност на водата поради зголемен број колиформни бактерии, како и водата од чешма сретсело во Горњане – општина Чучер Сандево.
Водата за пиење – каптиран извор – стара чешма во село Горњане – општина Чучер Сандево не одговара на правилникот за безбедност на водата поради наод на ентерококус, а водата за пиење – каптиран извор – јавна чешма сретсело во Бањани – општина Чучер Сандево не одговара на правилникот за безбедност на водата поради наод на ешерихија коли и зголемен број колиформни бактерии.
Понатаму, се додава дека и водата за пиење – каптиран извор – јавна чешма во дворот на „Свети Илија“ – село Бањани – општина Чучер Сандево не одговара на правилникот за безбедност на водата поради зголемен број колиформни бактерии. Водата за пиење – каптиран извор – чешма во дворот на „Свети Илија“ – село Бањани – општина Чучер Сандево не одговара на правилникот за безбедност на водата поради наод на Pseudomonas aeruginosa.
Водата за пиење – каптиран извор – јавна чешма Сељац – село Бањани – општина Чучер Сандево не одговара на правилникот за безбедност на водата поради наод на ешерихија коли и зголемен број колиформни бактерии, како и водата од чешмата до рибникот „Дуло“ – село Бањани – општина Чучер Сандево, чешма во Горно Маало – село Мирковци – општина Чучер Сандево. Водата за пиење – каптиран извор – чешма сретсело во Мирковци – општина Чучер Сандево не одговара на правилникот за безбедност на водата поради зголемен број колиформни бактерии.
Бактерии се пронајдени и во водата за пиење – каптиран извор – селска чешма долна во село Мирковци – општина Чучер Сандево, кој не одговара на правилникот за безбедност на водата поради зголемен број колиформни бактерии. Водата за пиење – каптиран извор – чешма – село Мирковци – општина Чучер Сандево не одговара на правилникот за безбедност на водата поради зголемен број колиформни бактерии и зголемен вкупен број колонии на 37 Целзиусови степени. Водата за пиење – каптиран извор – јавна чешма сретсело во Бразда – општина Чучер Сандево не одговара на правилникот за безбедност на водата поради зголемен број колиформни бактерии. Водата за пиење – каптиран извор – јавна чешма сретсело во Глуво – општина Чучер Сандево не одговара на правилникот за безбедност на водата поради наод на ешерихија коли.
„Водата за пиење – дупчен бунар – чешма во двор – село Кучевиште – општина Чучер Сандево не одговара на правилникот за безбедност на водата поради наод на ешерихија коли.
Водата за пиење – каптиран извор – јавна чешма сретсело во Побожје – општина Чучер Сандево не одговара на правилникот за безбедност на водата поради наод на ешерихија коли и зголемен број колиформни бактерии. Водата за пиење – каптиран извор – чешма во Горно Маало – село Кучевиште – општина Чучер Сандево не одговара на правилникот за безбедност на водата поради наод на ешерихија коли. Водата за пиење – каптиран извор – чешма Попова – село Кучевиште – општина Чучер Сандево не одговара на правилникот за безбедност на водата поради наод на ешерихија коли.
Водата за пиење – каптиран извор – чешма Усова – село Кучевиште – општина Чучер Сандево не одговара на правилникот за безбедност на водата поради наод на ешерихија коли. Водата од чешмата во црквата – општина Чучер Сандево не одговара на правилникот за безбедност на водата поради наод на ешерихија коли. Водата од чешмата во црквата „Свети Архангел“ – село Кучевиште – општина Чучер Сандево не одговара на правилникот за безбедност на водата поради наод на ешерихија коли.
Водата за пиење од јавна чешма во дол – општина Чучер Сандево не одговара на правилникот за безбедност на водата поради наод на ешерихија коли. Водата за пиење од чешма сретсело во Кучевиште – општина Чучер Сандево не одговара на правилникот за безбедност на водата поради зголемен број колиформни бактерии. Водата за пиење од јавна чешма во дол – село Бразда – општина Чучер Сандево не одговара на правилникот за безбедност на водата поради наод на ешерихија коли и зголемен број колиформни бактерии, како и од копан бунар – двор – село Кучевишка Бара – општина Чучер Сандево. Неисправна е и водата за пиење – каптиран извор – кај Чамите – село Боговиње – општина Чучер Сандево, која не одговара на правилникот за безбедност на водата поради зголемен број колиформни бактерии“, се наведува во соопштението.
Од ЦЈЗ Прилеп известуваат дека бактериолошки и физичко-хемиски се неисправни водите за пиење во следните населени места: с. Сланско – двор, с. Модриште – продавница, с. Самоков – продавница, ОУ во село Д. Манастирец, село Манастирец – продавница, с. Пласница – продавница, ОУ во с. Пласница, с. Преглово – здравствена станица. Додека само бактериолошки се неисправни водите од регионалниот водовод с. Лисичани – двор и ОУ „Браќа Миладиновци“, село Самоков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: ДУИ не враќа назад, Левица руши и безмилосно ја цицаат и самата партија, а Филипче мисли на Дубаи

Претседателот на ВМРО-ДПМНЕ, Христијан Мицкоски, на денешниот митинг во општина Јегуновце, во рамки на изборната кампања за локалните избори 2025 година со слоган „Вистинскиот избор! Твојот човек! Твоето место! За твојата иднина!“, имаше свое обраќање и зборуваше за опозициските партии и нивните претседатели, кои како што вели тој, водат црна кампања и функционираат како непринципиелна коалиција. Мицкоски потсети на тоа што правеше Левица, кога рушеше се што е на народот, и каква кампања водат Али Ахмети и ДУИ, од кои СДСМ зборува за дом, а имаа 7 години да зборуваат и направат нешто за тоа, додека ДУИ ја враќа кампањата со децении наназад, што не соодветствува со светските стандарди.
„Кога сме кај политичките пораки, мојата политичка порака е за да нема дилема. На овие локални избори, бираме помеѓу две концептуално спротивставени опции. Едната е онаа тивка коалиција, која што ја сочинуваат три политички партии, тоа е СДСМ, ДУИ, и политичката партија Левица. Тоа се трите политички партии коишто ја сочинуваат онаа концептуално различна понуда од нашата, која што ја предводи ВМРО-ДПМНЕ и коалицијата. Тие се тие две практично концепти. Тие се тие две спротивставени страни коишто ќе се соочат на овие избори“, рече Мицкоски.
Мицкоски зборуваше за коалицијата Ахмети, Филипче, Апасиев, и истакна дека нивната заедничка поврзаност е гневот кон ВМРО-ДПМНЕ.
„Оваа непринципиелна коалиција, составена од овие три чинители. Венко Филипче, Али Ахмети и Димче Апасиев се здружила, жедна и гладна за власт, моќ, привилегии. Но исто така, најважната работа којашто нив ги поврзува, е големиот гнев кон ВМРО-ДПМНЕ. Тоа е точката која што овие три политички партии ги поврзува. Гневот кон ВМРО-ДПМНЕ“, кажа Мицкоски.
Мицкоски се осврна на сите политички партии потсетувајќи прво што правеше Левица како дел од Шарените кои рушеа се што е создадено со народни пари, дека земаа пари од СЈО кое имаше за цел да го руши ВМРО-ДПМНЕ, а денес безмилосно ја цицаат самата партија.
„Сетете се 2015-2016 што правеа тие низ Македонија. Фарбаа, уништуваа, палеа државен ваш имот направен, со ваши народни пари, за да по насилен пат симнат една влада која што имаше легитимитет од народот. Тоа беше врхушката на денешната политичка партија Левица. Дел од нив станаа составен дел од СЈО, кое што имаше една задача пред себе, а тоа беше да врши тортура и политички прогон врз членовите и активистите на ВМРО-ДПМНЕ. Тоа беше единствената задача кое што ова СЈО ја имаше пред себе. До ден денеска кога гледаме како ја цицаат сопствената партија Левица “.
Мицкоски се осврна и на кампањата на ДУИ и Филипче.
„Венко Филипче излезе пред граѓаните со слоган „Се бориме за нашиот дом“ . Прашањето е за кој дом? За хациендите во Дубаи, за хациендите на Халкидики, за јахтите на Халкидики, за фирмите во Петрич. За што се борат? Имаа тие можност да се борат за својот дом 7 години. ДУИ и Али Ахмети, цела кампања ја водат враќајќи не наназад цели децении, 30-40 години, потсетувајќи не за некакви средби со генерали, или не знам што. Во кампања во која што треба да зборуваме за иднина, во кампања во која што светот зборува за вештачка интелигенција, кога светот зборува за големиот зелен договор, кога светот зборува за освојување на космосот“, заклучи Мицкоски.
Македонија
Костадиноски: Продолжуваме да работиме со уште позасилено темпо за модерно Јегуновце со инвестиции во паркови, во спортот и во младите

Димитар Костадиноски, кандидат за градоначалник за општина Јегуновце од редовите на ВМРО-ДПМНЕ, на денешниот митинг одржан во рамките на изборната кампања, под слоганот „Вистинскиот избор! Твојот човек! Твоето место! За твојата иднина!“, ги истакна сите реализирани проекти за неговиот четиригодишен мандат во општина Јегуновце.
Костадиноски истакна дека во општина Јегуновце е регулирано речното корито на реката Вардар, отворени се две нови градинки, асфалтирани улици, и нови тротоари.
„Во изминатиот период го регулиравме речното корито на река Вардар, обезбедивме вода за пиење, изградивме фекални канализации во неколку населени места, отворивме две детски градинки, асфалтиравме локални улици, изградивме тротоари, им дадовме нов живот на училиштата, на парковите, но најмногу од се ја вративме надежта“, истакна Костадиноски.
Во новата програма Костадиноски потенцираше дел од важните проекти и тоа изградба на нови фекални канализации, нови улици, тротоари и земјоделски патишта за земјоделците, како и изградба на современи паркови.
„Во новата програма планираме да изградиме нови фекални канализации во останатите населени места, нови локални улици, тротоари и земјоделски патишта за нашите највредни земјоделци. Изградба на современи паркови опремени во сите стандарди, ќе продолжиме со инвестиции во образованието, културата и спортот, набавка на нови возила за собирање на комунален смет, противпожарно возило кое е потребно за сите жители на општина Јегуновце“, рече Костадиноски.
Македонија
Стојаноска: Вистинскиот избор на овие локални избори е бројот 9

Дафина Стојаноска, член на Извршниот комитет на ВМРО-ДПМНЕ на митинг во Јегуновце во рамки на кампањата за локалните избори која е под слоганот „Вистинскиот избор! Твојот човек! Твоето место! За твојата иднина!“ се осврна на работата на Димитар Костадиновски, кандидат за општина Јегуновце.
„Диме е неуморен, не се плаши од критика, од проблеми, напротив запознаен е со се и знае што може, а што не може и кажува зошто не може. Во Јегуновце нема неасфалтирана улица, нема дете што чека за упис во градинка“, рече Стојаноска.
Според Стојаноска Јегуновце може да стане привлечно место за сите посетители, за вкусна храна, центар за спортски настани.
„Диме добро знае што значи поддршка од централната власт. Тоа го виде во овие 15 месеци откако Влада е на ВМРО-ДПМНЕ, а поддршката за него и ќе продолжи во следниот период“, кажа Стојаноска.
Стојаноска упати пораки и до актуелниот и идниот градоначалник Костадиновски и до личностите кои се на советничката листа на ВМРО-ДПМНЕ за Советот во општина Јегуновце.
„Продолжи со исто темпо и продолжи ја својата приказна. Општината е доказ дека може да се успее, иста е и пораката и до советниците. Ние во ВМРО-ДПМНЕ успеавме поради истрајноста, упорноста, вербата и јасна визија за иднината. Советници следете ја јасната визија на градоначалникот сегашен и иден и јасната визија на претседателот Христијан Мицкоски“, заклучи Стојаноска.
Стојаноска повика и укажа дека вистинскиот избор на овие локални избори е бројот 9.