Забава
Цел живот криела дека е слепа, дури на 40-годишна возраст им признала на родителите
Зена Купер (42) од Велс е родена со Марфанов синдром (наследна болест на сврзното ткиво што може да предизвика оштетување на видот) и има ослабен вид уште од раѓање, кое со текот на годините се влошува и сега е слепа. Сепак, никој не знаел за нејзиниот проблем, дури ни нејзините родители, сè додека не наполнила 40 години.
Зена има четири деца, работи како школски советник, дипломирала и живее со губењето на видот толку долго што своето семејство го препознава по чекорите и други карактеристики.
„Јас секогаш планирав сè. Се водев броејќи ги чекорите, го помнев чувството на подлогата под нозете. Кога бев помлада, не сфаќав дека сум поинаква. Мислев дека сите ги гледаат другите луѓе нејасно и дека сите ја препознаваат храната по мирис, а облеката по шевовите кога ќе ја облечат“, изјави таа за „Дејли мејл“.
Пред четири години таа им откри на сите дека е слепа, и тоа поради грешката што ја направила на работа кога заменила двајца студенти. Исто така, почнала да паѓа на тротоарот затоа што не се концентрирала на броење на чекорите и сфатила дека е време да побара помош.
Таа набавила куче водич и сè ѝ признала на својата мајка.
Just received the first copy of our book What You See When You Can't See which is out 24th September ?. What a fantastic…
Posted by Zena Cooper on Сабота, 24 август 2019
„Мајка ми се чувствуваше ужасно. Таа не знаеше колку ми е лош видот кога бев дете. Носев очила со висок диоптер, па таа мислеше дека сè е добро и можам да гледам. Како што растев, не им кажав на моите родители за мојот проблем бидејќи знаев дека само непотребно ќе се грижат“, кажа таа.
Зена напиша книга за своето искуство со наслов „Што гледате кога не гледате“ за да покаже како е да се живее без вид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.