Македонија
Почнува скопската недела на дизајн во Јавна соба
Денес под мотото „Ментална хигиена” се отвора деветтото издание на Скопската Недела на Дизајн во Јавна соба. Влезот за сите посетители на дневна и вечерна програма е слободен.
„Менталната хигиена ја одбравме пред сè како иницијатива со која би го промениле сето она што го навредува дизајнот, а го поддржува сопствениот стил на живот, работа и моментите кои не дефинираат нас. Дизајнот можеме да го сретнеме насекаде, во секојдневниот живот, низ различни форми, пишан збор, фотографија, музика, индустриски дизајн, активизам итн. На нашето општество потребен му е бран на ментална “чистка”, пред се преку потврда на нашата работа овие девет години“,изјави Тамара Георгиевска, менаџер на Skopje Design Week.
За прв пат годинава, Скопската Недела на Дизајн нема земја во фокус, но затоа им оддаде почит на сите дизајнери и дизајн сцени од бившите Југословенски просторино и пошироко. Артисан (БиХ), Газда (БиХ), Гир (Србија), Група (Хрватска), Просторија (Хрватска), Занат (БиХ), ПалтформатаYoung Balkan Designers (Словенија, Хрватска, Србија, Бугарија, Албанија и Македонија), Здружението на дизајнери од лица со посебни потреби „In My Shoes”(Македонија), актуелниот добитник на престижната награда за германски дизајн – Завар Дизајн (Македонија), дизајнерката на внатрешен ентериер Ивана Пешликовска, како идизјнерот на внатрешен ентериер Кирче Стојоски (Македонија), брзо растечкиот домашен производител Софа Студио (Македонија), Спектра (Македонија), Natuzzi, и уникатната работилница составена од дизајнери од Холандија, Велика Британија, Белгија и Македонија за дизајн на мобилна градина за лица со посебни потреби „On the point”.
Во рамките на работната програма, се случуваат различни типови на работилници и предавања кои ја опфаќаат менталната хигиена во целост. Работилниците и предавањата се стационирани во Cosy Room на третиот кат: „Како до нови клиенти употребувајќи дизајн размислување”, „Дизајнот и неговата бескорисност”, „Измисли ја својата маица” (наменета за деца), “Базилико – презентација за софтвер за вински барови и ресторани”, „Чувајте го вашиот ментален мир додека водите бизнис”, „Што е дизајн” – презентација на уникатниот продукт дизајнер Никола Узуновски, „Користете го паметно вашиот кревет”, „Секс, врски и (себе) дизајн”.
Она што можеби ги врзува сите на едно место е храната, затоа за прв пат на Скопската Недела на Дизајнот се организира час по готвење под капата на мастер готвачот Ренато Краљев, на 30.11.2019 со почеток во 12:30, додека по овој час следи вечерата „Вкусот на Задар” која започнува во 19 часот.
Со почеток од 21 часот со настапот на футуристичкиот грув состав „El Jazzeyra” составен од Жарко Марковиќ, Александар Милојковиќ, Владимир Богосављевиќ и Андрија Минчиќ кој изведува DJ перформанс во живо на различни инструменти (гитара, саксофон, пијано, труба, кларинет, бас) официјално се отвора Скопската недела на дизајн. Од нив може да се очекуваат уникатни музички импровизации користејќи ги различните музички жанрови како jazzy, funk, nu disco, deep & tech house.
Додека во наредните денови можеме да ги видиме „The three of us” (четврток, 21:30), „Lincoln Letter” (четврток, 22:30), „Retro Ringtones” – македонски евергрини (петок, 21:30), „Naked” (сабота, 21:30), DJ Александар Мискоски (недела, 13 часот). Детална програма на настанот на: www.ministryofpleasure.net.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..