Македонија
(Видео) Костадинов: Дали Мицкоски спротивно на Законот за судир на интересите бил избран како асистент кај татко му?

„Уште еден ден без одговори од Христијан Мицкоски за неговите лаги за лажните магистратура и докторат наводно стекнати во Италија и Германија. Секој ден го повикувавме Мицкоски да каже зошто ги лажеше и нашите граѓани, но и премиерот на соседна Бугарија, за тоа каде магистрирал и докторирал“, изјави Костадин Костадинов, портпарол на СДСМ и пратеник.
Според него, молчи Мицкоски, се мисли што да каже и што да излаже.
„Додека го мисли одговорот, му поставуваме уште неколку прашања: Христијан Мицкоски, дали спротивно на Законот за судир на интересите, користејќи ја позицијата на татко ти, и преку негов притисок врз целиот Наставно-научен совет на Машинскиот факултет, без никаква солидна академска подготовка, си избран како асистент на твојот татко?
Христијан, одговори им на граѓаните зошто како рецензент на твоите трудови се јавува твојот татко? Дали беше малку што те направи асистент, па мораше и на трудовите да ти се потпишува како рецензент? Мицкоски излажа за договорот со Бугарија, излажа за магистратурата и за докторатот во Германија и Италија, па, еве, шанса, нека се охрабри и нека каже како успеал да стане асистент на Машинскиот факултет во Скопје? Мицкоски е најлошиот асистент на Машинскиот факултет. Мицкоски е најлошиот директор на ЕСМ. Мицкоски е најлошиот лидер на опозицијата. Неговата кариера ниту е професионална, ниту е академска, ниту е политичка. Неговата кариера е измамничка и манипулативна. Впрочем, каква може да му биде кариерата на човек чиј ментор е Никола Груевски?“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).