Македонија
(Видео) Костовски: По улиците на Бутел хараат банди, со нож е прободено малолетно момче
Скопје е претворено во фавела во која царува криминал, насилство и банди, рече денеска во изјава за медиуми, Дарко Костовски, претседател на ОК на ВМРО-ДПМНЕ Бутел.
Според него, најголеми жртви на ова се граѓаните, а како што кажа, институциите немо посматраат и како статистичари бројат настрадани.
„Вчера на неколку метри од општинската зграда во Бутел, беше прободено со нож едно малолетно момче, а друго кое било со него, беше физички нападнато. Жртва беше 13-годишно дете, а утре може да биде некој друг. Улиците се претворија во зони по кои хараат банди. Родителите се плашат да ги пуштат децата на улица, во училиште или во парк, бидејќи не знаат кој може да ги нападне“, истакна претставникот на опозициската партија.
Додаде дека очекува надлежните институции итно да го разрешат овој случај и сторителите на крвавиот напад врз детето да ги изведат пред лицето на правдата и најостро да ги санкционираат.
„Оливер Спасовски додека во камера уверува дека граѓаните се безбедни, во реалноста деца се претепувани, бодени со ножеви, мафијаши се пукаат по улици и хотели, а банки, домови и други објекти се ограбуваат. Животот на секој човек е во опасност. Се сомневаме дека ваквите ликови му се многу добро познати на градоначалникот Велимир Смилевски и дека тој со нив е близок пријател. За жал Смилевски ништо не презема за безбедноста на граѓаните во Бутел, и за заштита на нивните животи и имоти“, порача претседателот на ОК на ВМРО-ДПМНЕ Бутел.
Тој истакна дека неговата партија бара итна седница на општината Бутел на која што задолжително треба да присуствува и командирот на полициската станица со две точки на дневен ред.
„Прво – целосно разрешување на вчерашниот немил настан и апели за остро санкционирање и второ да се разговара општо за безбедносната состојба во општината Бутел која е веќе сериозно загрозена“, нагласи Костовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Спасовски: Насилниците од 27 април никако не смее да се нарекуваат уставобранители, ниту пак да бидат помилувани
Денешниот ден 27 април не смее да биде заборавен, ова е најцрниот ден во историјата на македонската демократија, рече денеска на прес-конференција, Оливер Спасовски, носител на ИЕ2 од СДСМ.
„На 27 април 2017 година се случи напад на Собранието, со план да се убијат пратеници, новинари и стручни служби на Собранието. Насилници коишто беа поттикнати од ВМРО-ДПМНЕ влегоа да ја остварат оваа цел. Затоа никако не смееме да дозволиме насилниците да се нарекуваат уставобранители, ниту пак да бидат тие коишто ќе бидат помилувани и на коишто ќе им биде простено за стореното“, рече Спасовски.
„Затоа е многу важно да разбереме сите дека овој десничарски режим во тоа време направи удар врз Уставот, државата и демократијата. Важно е да знаеме дека ваквиот пристап на една политичка партија може да ја сруши демократијата и слободата на граѓани и државата“, изјави тој.
Прес конференцијата се одржа пред Собранието каде беше поставен видео бим на кој се емитуваа снимки од инцидентите во Собранието. Веднаш до видео-бимот беа расфрлани и неколку искршени столчиња и други предмети.
Македонија
Стојаноска: Да се обединиме околу ВМРО-ДПМНЕ, за конечно ДУИ и СДСМ да ги испратиме во опозиција
Носителката на листа од коаилициката Твоја Македонија предводена од ВМРО-ДПМНЕ во изборната единица 6, Дафина Стојаноска се обрати пред тетовчани.
Дафина Стојаноска истакна дека е време за целосно обединување на сите, без разлика на партиска, верска или национална определба. Раката на ВМРО -ДПММЕ е подадена, време е ДУИ и СДС да заминат во опозиција.
Вчерашниот мини-митинг во старо Тетово – Под Балтепе испрати силна порака дека тетовчани ги има и се со одличен резултат во првиот круг претседателски избори. Мотивирани се и за 8-ми мај. Велат дека е редно оваа криминална власт да се испрати во пензија и да дојдат луѓе кои со работа ќе го покажат патриотизмот кон Македонија.
Македонија
Ковачки: 1 милијарда евра ќе се слеат од централниот буџет во општинските буџети
1 милијарда евра ќе се слеат од централниот буџет во општинските буџети, ветува носителот на третата изборна единица на ВМРО-ДПМНЕ, Драган Ковачки.
„Само за Кочани планираме да одвоиме 17 милиони евра во првиот четири годишен мандат. И тука предвидуваме продолжување на експресниот пат Кочани до Делчево, реконструкција на патот Кочани до Зрновци, секако целосна реконструкција на железничката линија Кочани до Велес и во градот Кочани предвидуваме изградба на катна гаража, изградба на старечки Дом и јужниот булевар. Така што ова е еден инвестициски бум кои што ги чека нашите општини после промената на власта. Ги повикувам сите граѓани на 8мај да ни се приклучат, за проекти, реформи и да си ја вратиме Македонија повторно горда и твоја“, изјави Ковачки.