Свет
Имран Кан: Пакистан нема да прифати муслимански бегалци од Индија
Покренувајќи го прашањето околу неодамнешната одлука на индиската влада за укинување на специјалниот статус на Кашмир и донесувањето нов закон за државјанство, премиерот на Пакистан, Имран Кан, рече дека тоа може да доведе до милиони муслимански бегалци од Индија, создавајќи бегалска криза поголема од сите други, пренесува „Спутник“.
Кан, кој се обрати на Глобалниот форум за бегалци во Женева, Швајцарија, рече дека бегалската криза може дури и да доведе до конфликт меѓу двете соседни земји.
„Загрижени сме дека не само што може да има бегалска криза, туку дека таа може да доведе до конфликт меѓу две нуклеарни вооружени земји“, рече Кан.
Повикувајќи ги другите земји да се вмешаат, Кан рече дека Пакистан нема да смести повеќе бегалци од Индија во пресрет на полицискиот час наметнат од Индија во спорниот Кашмир.
Индија на почетокот на август го поништи специјалниот статус што го уживаше поранешната држава Џаму и Кашмир и го подели на две територии со федерално управување. Оттогаш, државата е под сериозен безбедносен штит, практично исклучена од надворешниот свет.
Иако многу ограничувања беа воведени постепено, интернетот сè уште е блокиран.
Друг законодавен потег на сојузната влада на премиерот Нарендра Моди беше изменетиот Закон за државјанство со кој се доделува државјанство на нелегални имигранти од шест верски малцинства – хиндуси, Парси, Џаини, христијани, будисти и Сики, но ги исклучува муслиманите, од Авганистан, Бангладеш и Пакистан ако пристигнале во Индија пред 2015 година.
Најновиот закон донесе до работ неколку региони во земјата во кои муслиманите се плашат дека може да бидат под закана во Индија. Федералниот министер за внатрешни работи во Индија постојано повторуваше дека ќе се донесе национален регистар за граѓани кој ќе ги идентификува сите нелегални жители што би биле исфрлени од земјата. Слична мерка во североисточната држава Асам идентификуваше над 1,9 милиони нелегални имигранти кои се соочуваат со неизвесна судбина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД велат дека мртвиот ирански претседател имал крвави раце
Иранскиот претседател Ебрахим Раиси, кој загина во хеликоптерска несреќа во неделата, имал „крвави раце“ поради поддршката на екстремистичките групи во регионот, соопшти денеска Белата куќа.
Портпаролот за национална безбедност на Белата куќа, Џон Кирби, изјави за новинарите дека САД ќе продолжат да го бараат Иран одговорен за, како што рече, дестабилизирачките активности во регионот.
„Тоа дефинитивно беше човек со многу крв на рацете“, изјави Кирби.
Иран побара помош од САД откако хеликоптерот на Раиси се урна во планинските области долж границата со Азербејџан, но САД на крајот не успеаја да помогнат поради логистички причини, соопшти Стејт департментот.
Портпаролот на Стејт департментот Метју Милер, исто така, им рече на новинарите дека смртта на Раиси нема да ја промени основната позиција на САД кон Иран.
Иранскиот претседател Ебрахим Раиси, кој долго време се сметаше за можен наследник на врховниот лидер, ајатолахот Али Хамнеи, загина во хеликоптерска несреќа во планинска област во близина на границата со Азербејџан, соопштија во понеделникот официјални лица и државните медиуми.
Остатоците од хеликоптерот што се урна во кој беа Раиси и министерот за надворешни работи Хосеин Амир-Абдолахиан беа пронајдени рано во понеделникот по бурна потрага.
Смртта на Раиси ја потврди потпретседателот Мохсен Мансури во изјава објавена на социјалните мрежи и на телевизија.
Свет
Нетанјаху: Со кое право не’ споредувате со Хамас додека водиме праведна војна
Израелскиот премиер Бенјамин Нетанјаху рече дека одлуката на обвинителите на Меѓународниот кривичен суд, со која се бара налог за негово апсење, е апсурдна и е насочена кон Израел.
„Со гадење ја отфрлам споредбата на хашките обвинители меѓу демократски Израел и масовните убијци на Хамас“, рече Нетанјаху.
„Со каква дрскост го споредувате Хамас кој убиваше, палеше, масакрираше, силуваше и ги киднапираше нашите браќа и сестри, со војниците на ИДФ кои водат праведна војна“.
Тој го нарече потегот на обвинителот на судот нов тип на антисемитизам.
„Граѓани на Израел, ви ветувам едно – обидот да ни ги врзат рацете нема да успее“, рече тој.
„Ветувам дека ниту еден притисок и ниту една одлука на ниту еден меѓународен форум нема да не спречи да ги удриме оние кои сакаат да не уништат“, додаде премиерот.
Израелскиот претседател Херцог, коментирајќи ја веста за налозите за апсење за воени злосторства, кои покрај лидерите на Хамас се однесуваат и на двајца високи израелски лидери, вклучително и самиот премиер Нетанјаху, рече дека одлуката на обвинителот „повеќе од срамна“ и ќе ги охрабри терористите ширум светот.
„Секој обид да се повлечат паралели меѓу овие ѕверски терористи и демократски избраната влада на Израел – која работи на исполнување на својата должност да ги брани и заштити своите граѓани во целосна согласност со принципите на меѓународното право – е срамота и не треба да биде прифатена од никого. “, рече Херцог.
Главниот обвинител на судот Карим Кан, побара од судиите на Меѓународниот кривичен суд да одобрат налози за апсење на тројца лидери на Хамас и двајца израелски лидери за воени злосторства и злосторства против човештвото извршени за време на седуммесечната војна во Газа, објави во понеделникот судот .
Одлуката ја критикуваа и САД.
Свет
Америка изрази сочувство за смртта на иранскиот претседател
Соединетите држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.
„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, изјави портпаролот на Стејт департментот Метју Милер.
Американскиот министер за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.
„Не можам да шпекулирам што би можело да биде причината“, рече Остин пред новинарите.
Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.