Црна хроника
Притвор за разбојник од Кочани кој ограбил казино, па бил фатен на граница
Кочанското Основно јавно обвинителство нареди истрага против осомничен, кој на 22 декември во казино на кочанската улицата Маршал Тито употребил сила врз двајца вработени и одзел 76.400 денари.
Тој се товари за сторено кривично дело разбојништво.
Како што информираат од Обвинителството, кога вработена во казиното од апарат за игри на среќа извадила кутија со пари, осомничениот ѝ пришол, на сила почнал да ја турка и да ја влече кутијата. При обидот да ѝ ја одземе кутијата ѝ нанел и повреди на рацете.
Друг вработен се обидел да ја заштити својата колешка, но осомничениот и него почнал да го удира, турка и влече. Кога ја зел кутијата во која имало пари од разни валути, осомничениот излегол од казиното и побегнал упатувајќи се кон граничниот премин со Бугарија кај Делчево, со намера да ја напушти државата.
Таму бил забележан и уапсен од страна на полициските службеници.
Надлежниот јавен обвинител ги ценел сите околности во случајот, особено опасноста од бегство на која упатува однесувањето на осомничениот веднаш по настанот и фактот што тој од 2009 година имал пријавено престојувалиште во Италија, каде што живее негов близок роднина и каде што имал намера да замине со семејството.
Покрај тоа, обвинителот оценил дека постои опасност осомничениот да влијае врз сведоците во постапката, па до судијата на претходна постапка доставил предлог за притвор, која судот ја прифатил и одредил притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.