Забава
Џастин Бибер открива ексклузивни снимки од неговата свадба

Поп-ѕвездата, кој во септември се ожени со манекенката Хејли Болдвин, месецов на „Јутјуб“ ќе објави документарен филм во 10 продолженија.
Серијалот насловен Justin Bieber: Seasons ќе почне на видеоплатформата на 27 јануари. Во меѓувреме тој го привршува долго очекувантиот албум, прв по пауза од четири години. Во 2017 година Џастин ги шокираше фановите со откажување на неговата светска турнеја.
Документарецот ќе им овозможи на фановите да погледнат во личниот живот на Џастин со никогаш претходно видена интимна снимка од неговата венчавка.
Во изјавата се вели: „Филмот е сиров, моќен и интимен поглед на процесот на создавање музика и мотивација за новиот албум раскажан низ објективот на неговите најблиски пријатели, соработници и самиот Бибер“.
Џастин (25) и Хејли (23) се венчаа во септември 2018 година. Сите нивни пријатели и семејството присуствуваа на раскошната свадба во Јужна Каролина.
Филмот ги бележи моменти од приватниот живот на хитмејкерот во 10.000 часови, откако за првпат ја почна својата музичка кариера објавувајќи домашни видеа од него како пее на видеоплатформата.
Подоцна го открил менаџерот за таленти Скутер Браун и му бил понуден првиот договор за снимање со Исланд Деф Џем кога имал 15 години.
„Кога започнав ‘Јутјуб’ ми обезбеди платформа и заедница каде можам да споделам музика, искуства и моменти со моите обожаватели. Убаво е чувството да бидеш партнер со ‘Јутјуб’за оваа оригинална серија документарци. Сакам моите фанови да бидат дел од ова патување“, вели пејачот.
Џастин денес (3 јануари) треба да го објави својот нов сингл Yummy, а во мај тргнува на турнеја низ Северна Америка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Уапсен е мажот кој ја прогонуваше Скарлет Јохансон

Мажот кој Скарлет Јохансон го обвини дека ја демнел е уапсен поради закани со бомба.
Мајкл Бранхам, кој беше уапсен од њујоршката полиција во средата, наводно се заканил дека ќе активира бомба поставена во студиото на шоуто „Сатрдеј најт лајв“, каде со години работи Колин Џост, кој е во брак со Јохансон од 2020 година.
Ен-Би-Си објави дека Бранхам на сослушувањето се изјаснил за невин за лажното пријавување на инцидентот и заканата со бомба.
Јохансон во ноември 2023 година побара забрана за приближување против Мајкл Бранхам во Калифорнија. Актерката во документите навела дека Бранхам ја демнел од август 2022 година.
Судот минатата година го одби нејзиното барање. Покрај тоа, се тврди дека мажот споделил неколку објави за Скарлет Јохансон на социјалните мрежи во текот на изминатиот месец. Меѓу нив наводно има и селфи на кое е прикажана тетоважа со срце на која е испишано името на актерката.
Забава
Принцот Хари се жалел за време на крунисувањето на Чарлс

Иако тоа се случи пред речиси 2 години, повеќето луѓе сè уште се сеќаваат на крунисувањето на кралот Чарлс. Некои и до ден денес го анализираат, а меѓу нив е и читачот на усни Џереми Фримен, кој тврди дека принцот Хари се пожалил за време на церемонијата.
Хари седеше до Џек Бруксбанк, сопругот на неговата братучетка, принцезата Јуџин. Според „Сан“, принцот му рекол: „Преку глава ми е од начинот на кој се однесуваат со мене. Тоа не е идеална ситуација“. Иако не го спомна Чарлс, многумина веруваат дека тој мислел на кралското семејство.
Крунисувањето на Чарлс беше првпат Хари да се фотографира со кралското семејство откако се пресели во Калифорнија со неговата сопруга Меган Маркл. Повеќето веруваат дека принцот сакал максимално да ја скрати посетата на Велика Британија, бидејќи веднаш по церемонијата се упатил кон аеродромот за да се врати во Америка.
Односите меѓу Хари и кралското семејство се затегнати со години. Сè започна кога Хари и Меган се откажаа од своите службени должности во 2020 година и се преселија во САД. Оттогаш, Хари ја посети Велика Британија само неколку пати, а освен за крунисувањето на Чарлс, тоа го направи и за погребот на кралицата Елизабета Втора. и кога на Чарлс му беше дијагностициран рак.
Забава
Трите најдоминантни хороскопски знаци

Има луѓе кои тивко го набљудуваат светот околу себе, не се наметнуваат и не бараат внимание… А потоа се оние другите. Оние кои знаат што сакаат, ја водат играта, донесуваат одлуки и не се откажуваат додека не ги постигнат своите цели.
Нивното присуство се чувствува веднаш штом ќе влезат во просторијата, а кога ќе кажат нешто – сите слушаат. Ако некогаш сте се запрашале кои хороскопски знаци владеат со секоја ситуација, откријте ги трите најдоминантни знаци.
Лав
Ако постои знак роден да доминира, тоа е Лавот. Овие харизматични, моќни поединци не само што знаат да преземат контрола, туку и уживаат. Лaв не е некој што ќе чека некој друг да му даде зелено светло – тој го пали рефлекторот и самиот излегува на сцената. Лавовите сакаат да бидат лидери, шефови и главни лица во секое општество, а ако се обидете да ги ставите во втор план – подгответе се за драма од епски размери. Нивната самодоверба е заразна, а енергијата неодолива, па не е ни чудо што сите сакаат да ги следат.
Шкорпија
За разлика од Лавот, кој доминира отворено, Шкорпијата владее од сенка. Овие мистериозни поединци не бараат внимание – но моќта е секогаш на нивна страна. Нивната сила лежи во интелигенцијата, страста и способноста да ги „читаат“ луѓето за неколку секунди. Тие секогаш се три чекори пред вас. Шкорпиите се оние луѓе кои ги знаат сите ваши тајни, а вие речиси ништо не знаете за нив. Имаат неверојатна моќ на контрола и се исклучително стратешки настроени – во деловниот свет се незапирливи, а во приватниот живот фатални и неодоливи.
Јарец
Ако Лавот сака да биде крал, а Шкорпијата е куклар во сенка, тогаш Јарецот е император кој ја гради својата империја. Овој знак е амбициозен, упорен и неверојатно дисциплиниран. За разлика од другите знаци кои сакаат да доминираат поради егото или моќта, Јарецот го прави тоа затоа што знаат дека се најдобри. Нивната доминација доаѓа преку работа, труд и непоколеблива волја. Јарецот е оној кој секогаш има план и никогаш не се откажува, дури и кога сите други креваат раце. Не сакаат да губат време на неважни работи – ако нешто не носи резултати или не ги води до целта, едноставно не им е грижа.