Свет
Лех Валенса: Треба да се признае кој го ослободи Аушвиц
Поранешниот полски претседател Лех Валенса ја критикуваше Варшава поради одбивањето да го покани рускиот претседател Владимир Путин на одбележувањето на 75-годишнина од ослободувањето на концентрацискиот логор Аушвиц, поврзувајќи го овој чекор со одлуката на актуелниот шеф на државата да присуствува на настаните во Израел, пренесува „Спутник“.
„Бидејќи полската страна не го покани претседателот Путин на одбележувањето на 75-годишнина од ослободувањето на концентрацискиот логор Освенцим, требаше да се очекува дека Анджеј Дуда нема да има право на глас во Израел. Во таква ситуацији тој не можеше да отпатува таму“, објасни Валенса во интервју за „Онет“.
Валенса смета дека Путин треба да биде поканет на настаните во Полска и нагласи дека токму Црвената армија го ослободила овој концентрациски логор.
„Тоа е историска вистина што никој нема да ја смени. А ако полската влада сака да создаде свој сопствен историски наратив, тоа е премногу несериозно. Ако сакаме добри односи со Русија, мора да водиме дијалог со неа, но тоа треба да се прави на определен начин. Знам дека тоа е можно“, додаде поранешниот полски претседател.
Комеморативните настани во чест на годишнината од ослободувањето на Аушвиц во Полска треба да се одржат на 27 јануари. Се претпоставува дека Путин нема да присуствува на настаните. Освен тоа, во јули минатата година полските власти изјавија дека планираат да го поканат рускиот претседател.
Светскиот форум за сеќавање на холокаустот ќе се одржи на 22-23 јануари во меморијалниот центар „Јад Вашем“ во Израел. Планираната посет на Путин, кој би требало да биде главен гостин на форумот, според извештаите во медиумите, стана една од главните причини Дуда да се откаже од ова патување. Тој ја објасни својата одлука велејќи дека организаторите на настаните во Израел не му дозволиле да одржи говор.
Полските власти во 2018 година усвоија закон со кој се предвидува кривична одговорност за обвинување на земјата за соучешништво во нацистичките воени злосторства. Законот беше изложен на критки, вклучително и од Израел, кој се противи на историскиот ревизионизам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Познатата српска актерка Слобода Миќаловиќ претепана во Белград
Познатата српска актерка Слобода Миќаловиќ вчера во 18 часот и 50 минути била физички нападната од 47-годишната С.Д..
Како што неофицијално објави српски Телеграф, кај С.Д. по пристигнувањето на полицијата било утврдено присуство на алкохол во крвта.
Како што пишуваат српските медиуми, тепачката се случила на плоштад во Земун.
Актерката наводно управувала со возило и кога тргнала напред, со предниот дел од автомобилот удрила во случајниот минувач С.Д. во пределот на коленото, што довело до вербален, а потоа и физички конфликт.
Актерката потоа била префрлена во Ургентниот центар.
Свет
Два брода со мигранти се превртеа кај Мадагаскар, 25 лица загинаа
Два брода со мигранти се превртеа во Индискиот Океан кај Мадагаскар, а бројот на жртви се зголеми на 25, соопштија денеска локалните власти.
Вкупно 48 луѓе беа спасени од водите во близина на северниот дел на Мадагаскар, а официјални лица велат дека мигрантите биле на море речиси еден месец со надеж дека ќе стигнат до француската територија Мајот.
На 2 ноември чамците ја напуштиле плажата во близина на главниот град на Сомалија, Могадишу, со 73 луѓе.
Не е јасно што го предизвикало превртувањето на чамците, а истрагата е во тек.
Свет
Обвинителите се откажаа од случајот против Трамп поради напорите за поништување на изборните резултати
Американските специјални обвинители денеска побараа од судот да отфрли две кривични постапки против новоизбраниот претседател на Соединетите Американски Држави, Доналд Трамп – за обид за промена на неговиот пораз на изборите во 2020 година и за задржување доверливи документи, се вели во судската пријава.
Во предлогот од шест страници за отфрлање на случајот за мешање во изборите во 2020 година, обвинителите рекоа дека додека Трамп сè уште не е претседател, канцеларијата на генералниот совет на одделот, која обезбедува внатрешен правен совет, им кажала да го откажат случајот пред неговата инаугурацијата во јануари.
„Одамна беше ставот на Министерството за правда дека Уставот на САД забранува поднесување федерално обвинение и последователно кривично гонење на актуелниот претседател“, напиша главната заменичка на Смит, Моли Гастон.