Македонија
Внатрешна контрола при МВР ќе проверува дали се вршела злоупотреба на службените возила
Техничкиот министер за внатрешни работи, Наќе Чулев, и неговата заменичка Славјанка Петровска решија одделот за внатрешна контрола да утврди дали несоодветно се користеле возилата што биле дадени на користење кај обезбедувањето на техничкиот премиер Оливер Спасовски, претседателот Стево Пендаровски и кај самата Петровска.
Ова следува по петочната телеграма на Чулев да се одземат 35 службени возила бидејќи биле користени за приватни потреби.
Од одделот за внатрешна контрола ќе се повлечат само оние возила што нужно се неопходни за кабинетот и министерот, без притоа да се наруши секојдневното работење на службениците.
„Истовремено, беше консатирано во меѓусебна координација помеѓу организациските единици да се направи соодветна распределба на возилата водејќи сметка за кабинетите на министерот и дополнителниот заменски министер“, соопштија од ресорното Министерство.
Во однос на телеграмата со која Чулев ги укинува наредбите дадени од неговиот претходник Спасовски, од Министерството известија дека заземен е став директорот на БЈБ да утврди дали има потреба од работници во организациските единици за кои тие имаат решенија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.