Свет
(Видео) Австралиски „диносауруски дрвја“ спасени во тајна пожарникарска акција
Специјалната австралиска противпожарна служба со огромни напори успеала да го спаси единственото познато природно живеалиште на борови волеми од уништувачките пожари.
Националниот парк „Волеми“ се наоѓа во Нов Јужен Велс и ги содржи единствените познати диви примероци на борови волеми (Wollemia nobilis), вид за кој се смета дека исчезнал пред околу триесет милиони години, но повторно бил откриен во 1994 година во областа.
Мисијата за спасување вклучувала авиони, хеликоптери и специјални противпожарни единици, пренесува „Сидни морнинг хералд“.
„Изгледаше како воена операција. Немавме друг избор. Моравме да ги преземеме сите можни мерки. Националниот парк Волеми е единственото место во светот каде што се наоѓаат околу 200 од овие дрвја“, рече Мет Киан, австралиски министер за животна средина и енергија.
Иако изгорел голем дел од националниот парк „Волеми“, специјалните противпожарни единици сепак успеале да го спасат подрачјето каде што се наоѓаат познатите „диносауруски дрвја“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Дачиќ му пееше на Ердоган на турски
На интернет стана вирално видео од Ивица Дачиќ, министерот за внатрешни работи на Србија, како пее за време на ручек во Палатата Србија, на кој присуствуваше и турскиот претседател Реџеп Таип Ердоган.
Panta najvio na KZN da će Koferče pevati bratu Erdoganu "Osman aga"…i Koferče pev'o 💪💪💪 pic.twitter.com/NDd4g2TDOw
— Danijela Rankovic (@DanijelaRankov4) October 12, 2024
Дачиќ го зграпчи микрофонот и ја отпеа песната Осман Ага (на турски), истата што му ја отпеа на Ердоган за време на неговата посета на Белград во 2017 година. На видеото се гледа масата на која седат Ердоган, неговата сопруга Емине и српскиот претседател Александар Вучиќ.
Ердоган дојде во Белград во четвртокот, откако претходно беше во Тирана. Вучиќ изјави дека Турција е еден од најважните инвеститори во Србија и оти посетата на Ердоган им значи многу.
Свет
Зеленски: Северна Кореја испраќа војници во руската армија
Украинскиот претседател, Володимир Зеленски, денеска ја обвини Северна Кореја дека испраќа војници во руската армија за да ја нападне Украина.
„Гледаме растечки сојуз меѓу Русија и режими како Северна Кореја. Повеќе не се работи само за трансфер на оружје. Се работи за испраќање луѓе од Северна Кореја во окупаторските вооружени сили“, рече тој.
Свет
САД му испраќаат на Израел голема помош: „Го правиме тоа за да го одбраниме“
Соединетите Американски Држави најавија дека ќе испратат напреден противракетен систем до Израел и американски војници да управуваат со него, во обид да ја зајакнат воздушната одбрана на земјата по ракетниот напад од Иран.
Американскиот претседател, Џо Бајден рече дека го испраќа системот за да го одбрани Израел.
Портпаролот на Пентагон, Пат Рајдер, рече дека распоредувањето на системот за одбрана ќе го зајакне интегрираниот израелски систем за воздушна одбрана.
„Ова е дел од поширокото прилагодување на американската војска во последните месеци за поддршка на одбраната на Израел и заштита на Американците од нападите на Иран и проиранските милиции“, рече Рајдер.
Претходно во неделата, иранскиот министер за надворешни работи Абас Аракчи ги предупреди Соединетите држави дека ги загрозуваат животите на нивните војници со тоа што „ги испраќа да управуваат со американските противракетни системи во Израел“.
„Иако направивме неверојатни напори во изминатите неколку дена за да спречиме војна од целосен обем во нашиот регион, јасно ќе кажам дека немаме црвени линии во одбрана на нашиот народ и интереси“, објави Аракчи на „Икс“.
Иран истрела проектили и беспилотни летала кон Израел во април. На 1 октомври повеќе од 180 балистички ракети беа истрелани кон Израел поради ескалацијата на борбите меѓу Израел и Хезболах во Либан. Многумина беа пресретнати, но некои ја пробија одбраната.