Свет
Следната недела би можело да почне судењето за отповикување на Трамп
Претставничкиот дом на американскиот Конгрес денеска ќе гласа зa резолуцијата, која содржи формално обвинение против Доналд Трамп, да се достави до Сенатот, со што ќе се отвори патот за почеток на судењето на американскиот претседател во горниот дом на Конгресот.
Лидерот на републиканското мнозинството во Сенатот, Мич Меконел, најави дека судењето би можело да почне во вторник, на 21 јануари, а некои прелиминарни чекори би можеле да бидат финиширани до крајот на неделава.
Во декември Претставничкиот дом изгласа импичмент на Трамп под обвинение дека ја злоупотребил својата позиција така што веќе одобрена воена помош користел како средство за уцена врз украинските власти да отворат истрага против неговиот демократски противник Џо Бајден и дека го опструирал Конгресот, потсетува „Гласот на Америка“.
По состанокот зад затворени врати на демократите во Претставничкиот дом, претседавачката Нанси Пелоси најави дека ќе назначи тим на демократски членови од Конгресoт, таканаречени менаџери, кои на судењето ќе ги изнесат обвиненијата против претседателот.
„Следниот чекор е едноставен. Сенатот треба да одржи фер судење “, изјави демократскиот конгресмен Хаким Џефрис.
Пелоси веќе еден месец го одложува испраќањето на резолуцијата за отповикување во Сенатот, неуспешно обидувајќи се да го натера републиканскиот лидер во ова тело, Мич Меконел, да се согласи во сведочењето да вклучи и нови сведоци.
Меконел, кој вети дека ќе се координира со Белата куќа, оцени дека случајот на демократите е слаб и дека не е работа на Сенатот повторно да отвора истрага.
„Ако постоечкиот случај е силен, нема потреба судијата и поротата повторно да ја отворат истрагата. Ако случајот е слаб, тогаш демократите во Претставничкиот дом не требаше да усвојат импичмент за претседателот“, рече тој.
Неколку републиканци навестија дека нема да ја поддржат иницијативата за отфрлање обвиненија против претседателот, без соодветна постапка во Сенатот.
Потребни се само 51 глас за да се принудат сведоците да сведочат за време на судењето.
Џон Болтон, поранешниот советник за национална безбедност на претседателот, се понуди да сведочи во случајот доколку го добие задолжителниот повик, но претседателот Трамп најави дека би можел да ја искористи својата извршна привилегија за да го спречи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.