Регион
Бугарија купува 14 беспилотни системи вредни 12,66 милиони евра
На 30 декември бугарското Министерство за одбрана распиша тендер за набавка на 12 мини и двa мали беспилотни система (УАС) меѓу 2020 и 2024 година со вкупна проценета вредност од 12,66 милиони евра, вклучително ДДВ.
Одобрени се вкупно 5,51 милиони евра за набавка на мини УАС (секој се состои од копнена контролна станица и три беспилотни летала – УАВс), со што се овозможува набавка на три системи годишно во 2020 и 2021 година, со натамошна набавка на два на годишно ниво во периодот 2022- 2024 година, јавува порталот „Тангосикс“.
Поканата за понуди и учество во преговарачкиот процес беше испратена на адресите на 24 локални и меѓународни компании.
Крајниот рок за доставување на понудите до Министерството за одбрана во Софија е 13 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.
Регион
Авион се урна во близина на Загреб
Авион со четворица членови на екипажот се урна попладнево во близина на Загреб, пренесуваат дел од регионалните медиуми. Најверојатно се работи за спортски, тренинг или туристички авион кој се урнал во Јеждовац.
Лансирани се дронови кои се обидуваат да го лоцираат авионот и да стигнат до местото на несреќата.
Таму се упатени возила на брзата помош, како и екипи на противпожарната единица.