Свет
Канадските власти стравуваат од дискриминација кон Азијците поради вирусот
Во Канада досега се регистрирани само три случаи од новиот коронавирус, но во земјата се јавија стравувања дека посериозно зголемување на бројот на заболени повторно би можело да доведе до негативен став кон Азијците, како што тоа беше случај во времето на епидемија од САРС, кога во регионот на Торонто, на почетокот на 2000-тите умреа десетина луѓе.
Повеќе од 9.000 луѓе потпишале петиција, барајќи од училишните одбори во една област да им забранат на децата чии членови на семејството неодамна се вратиле од Кина да посетуваат настава, додека, пак, некои продавници во кинескиот кварт во Торонто веќе бележат пад на продажбата, пренесува „Ројтерс“.
Регионалниот училиштен одбор во областа Јорк реагирал на петицијата, при што се наведува дека ја разбира загриженоста на учениците и нивните семејства, но посочува дека секој може да го добие и пренесе вирусот.
Одборот предупреди дека ситуацијата може да прерасне во дискриминација врз основа на перцепција, стереотип и омраза.
Министеркaта за здравство, Пети Хајду, рече дека постои опасност Канаѓаните со кинеско потекло да се почувствуваат како да се мета поради потеклото на вирусот и дека тоа може да им наштети на нивните бизниси.
Ејми Го, привремен претседател на Националниот совет на Кинезите во Канада, вели дека ситуацијата е иста како во времето на епидемијата на САРС.
„Мора да внимаваме да не поттикнуваме ирационален страв и непотребна паника“, истакна Го.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.