Забава
Би-би-си пишува за групната фотографија на потенцијални оскаровци
Холивудските ѕвезди во понеделникот беа наострени и спремни за традиционалниот оскаровски ручек, пренесува британски Би-би-си, а нивниот репортер Стивен Мекинтош пишува за неколку интересни работи што ги забележал на групната фотографија.
Како и секоја година, така и оваа, номинираните во сите категории се собраа на пријателско дружење и пријатен оброк. И на настанот не се канат само познати актери туку и номинирани кинематографери, тон-мајстори, костимографи и сите други вклучени во правење на филмовите.
Врвот на овој настан, секако, е голема групна фотографија за која позираат сите 162 номинирани.
А репортерот на британскиот јавен сервис „ја извлекол лупата и забележал неколку чудни и дискутабилни модни комбинации или избор на облека кај некои од присутните“.
Еве што забележал Стивен Мекинтош од Би-би-си:
Костумот на Квентин Тарантино веројатно останал на хемиско чистење
Барем да можеме да претпоставиме зошто се појави во црно-жолта маица за куглање додека останатите поканети носеа поформална облека.“
Деветтиот филм на овој режисер, „Беше еднаш во Холивуд“, има голем број номинации, вклучувајќи ја и онаа за Тарантино во категоријата најдобар режисер.
За групната фотографија тој стоеше позади актерот Леонардо Дикаприо, но уште едно познато лице беше веднаш до него.
Од левата страна на Квентин е Роберт де Ниро – а овие двајца се повторно заедно по повеќе од две децении кога работеа заедно на филмот „Џеки Браун“ во 1997 година.
Оваа година, Де Ниро беше потенцијален кандидат за улогата во филмот „Ирецот“. Иако не е номиниран за најдобар актер, тој присуствуваше како продуцент на филмот.
Овој пар личи како од замрзнато кралство
Ако сте меѓу бројните лица кои ги излуде до бесвест песната Let It Go (Пушти, нека оди) од филмот „Замрзнато кралство“, можеби ќе сакате да го прескокнете овој дел.“
Бидејќи она што кантавторскиот пар Кристен Андерсон-Лопез и Роберт Лопез не „пушта да замине“ е еден другиот. Дуото е номинирано за најдобра оригинална песна „Into The Unknown” за филмот Замрзнато кралство 2. Парот Лопез делуваат подеднакво вљубени еден во друг како и на нивната венчавка во 2003 година.
Бред Пит ужива во мир и тишина
Оваа групна форографија е најверојатно единствениот момент кога номинираниот за најдобра споредна улога можел малку да одмори.
На Пит наводно му барале селфиња повеќе од кој било друг на ручекот. А еве зошто – тој е топ-ѕвезда на Холивуд со враќање во голем стил во оваа сезона на делење награди, по неколку тешки години во приватниот живот.
Тој веќе освои награда на Златните глобуси и на Асоцијацијата на филмски актери (САГ) за најдобра споредна улога во „Беше еднаш во Холивуд“.
Овој човек навистина сака да добие Оскар
Толку многу што се помоли во себе во текот на свеченоста што се одржа во понеделникот.
Ив Пиат можеби звучи како име на новиот парфем на Сен Лоран, но во случајов говориме за режисер н афилмот „Фудбалкси клуб Нефта“, кој е номиниран за најдобар краткометражен игран филм.
Пиат ја освежи овогодишната групна фотографија, заземајќи место покрај статуетката Оскар со споени дланки како на молитва. Можеби со ова му се заблагодарува на Господ што е толку близу до Шарлин Терон, која стои веднаш пред него.
Скарлет Јохансон побегна од карфиолот
Ако некој навистина требаше да се појави на овогодишната групна фотографија тоа е Скарлет Јохансон бидејќи има две номинации.
За две различни улоги што ги имаше минатата година – „Приказна за брак“ и „Зајакот Џоџо“ – номинирана е за најдобра главна актерка и најдобра споредна актерка.
Но Би-би-си не ја обвинува што го прескокнала ручекот. Имено, оброкот се состоел од веганско сирење и салата од цвекло и цитрус како мезе, а главно јадење – маитаки печурки со зимски тиквички, карфиол и забранет црн ориз.
Таа не е единствената личност којашто клинка „Не одам“ на фејсбук-страницата на овој настан. Јоакин Феникс, Ентони Хопкинс, Антонио Бандерас, Адам Драјвер, Саоарс Ронан и Марго Роби не дојдоа.
Костимографите носеа импресивни дизајнирани облеки
Номинираните за најдобар костим или костимографија имаат предност ког астанува збор за облекување за свечени настани.
За оскаровскиот ручек, Сенди Пауел во потполност ја искористи светложолтата ткаенина што ѝ преостана од работата на филмот „Ирецот“. Пауел има работено со Мартин Скорсезе на неколку претходни филмови – Авијатичар, Иго, Затворен остров и Волкот од Вол Стрит.
Тука позира со Кети Бејтс, која е номинирана за надобра актерка и која носи очила за сонце за да нè потсети колку е убаво времето во Холивуд.
Двете најголеми актерски надежи на Обединетото Кралство оваа година го разведрија морето сиви костуми и досадни вратоврски.
Флоренс Пју, ѕвезда на филмот „Мали жени“, номинирана е за најдобра споредна улога и изгледаше едноставно, како по дома, стоејќи покрај холивудските ѕвезди во преубав портокалов фустан.
А ѕвездата на филмот Харијет, актерката Синтија Ериво, носеше дречливо зелена јакна што се согласуваше со нејзините зелени очила за сонце.
Таа упеа да одолее на искушението да стави зајачки уши позади Рене Зелвегер, која речиси сосема сигурно ќе победи во категоријата најдобра актерка за улогата Џуди Гарланд
Лора Дерн зеде слободен ден
Секоја година актерката Лора Дерн е задолжена за распоредување на луѓето во текот на заедничкото фотографирање.
Но оваа година дојде до мал конфликт на интереси, затоа што е една од номинираните.
Наместо да се занимава со мултитаскинг, оваа година Дерн реши да земе мал одмор.
„Се извинувам што годинава нема да можам да го работам тоа, иако многу сакам“, рече Дерн пред почетокот на ручекот. „Но постои убава причина зошто е така“, додаде таа.
Овогодишната фотографија изгледа… поинаку?
Првпат настанот оваа година беше преместен од хотелот Беверли Хилтон бидејќи тој се одржа порано од претходните.
Затоа Академијата ја изнајми балската сала Реј Долби во Лос Анџелес, а на истото место ќе се одржи и главната церемонија на 9 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Тејлор Свифт го најави 12. студиски албум The Life of a Showgirl
Пејачката Тејлор Свифт официјално го најави својот 12. студиски албум насловен „The Life of a Showgirl“. Претходниот албум на Свифт, објавен минатата година, го собори рекордот на „Спотифај“ за најмногу стримувања во еден ден.
Сè уште не е познат точниот датум на издавање на новиот албум. Фановите кои го нарачале претпродажбено добиле порака дека нема да го добијат пред 13 октомври, но тимот на Свифт посочува дека тоа не е официјален датум на објавување.
Забава
(Видео) „Јадранскиот Титаник“ потонал пред 111 години: денес е атракција за нуркачите во близина на омиленото место на Тито
Некогаш најубавиот брод на австриската компанија Österreichischer Lloyd – елегантен, брз и луксузен – лежи веќе 111 години на дното на Јадранското Море, на околу 13 километри од Бриони, речиси спроти Ровињ.
Носел име SS Baron Gauč (Барон Гауц), а историјата го памети како најголемиот патнички брод што потонал во Јадранот.
Луксузниот брод бил изграден по нарачка на австрискиот Лојд со седиште во Трст, заедно со неговиот сестрински брод Prinz Hohenlohe, во бродоградилиштето Gourlay Brothers & Company во шкотскиот град Данди.
Запловил на 16 јуни 1908 година, во време кога за погон се користел јаглен. Во 1911 година бил прилагоден на нафта.
Бродот бил модерен за своето време – имал панорамски стаклени ѕидови кои ја штителе променадата од ветер, елегантна трпезарија за 96 гости украсена со даб. Но, класите на патување биле строго поделени – патниците од трета класа немале класични кабини.
Редовната рута на бродот почнувала од Трст, со пристаништа во Пула, Мали Лошињ, Задар, Сплит, Хвар, Дубровник, Херцег Нови и Котор. На оваа линија, Барон Гауц поставил рекорд во брзината на пловење – просечни 17 јазли (околу 30 км/ч).
Бродот бил долг 85,4 метри, широк 11,64 метри и имал капацитет за 300 патници и 64 членови на екипажот.
Колку патници имало?
По избувнувањето на Првата светска војна, сите трговски бродови на Австроунгарија преминале во воена служба. Така и Барон Гауц бил ставен во служба на морнарицата на 27 јули 1914 година. За време на четири воени пловења, тој поминал 2.900 километри и превезол 2.855 лица, главно војници и материјал до Котор, а на повраток евакуирал цивили.
Откако до 11 август ги завршил сите воени задачи, бродот бил вратен во цивилна служба на компанијата Лојд.
Последното патување и трагедијата
На последното патување, бродот превезувал дипломатски лица, државни службеници и цивили од воените подрачја. Бидејќи качувањето на бродот било дозволено и без карта, точниот број патници никогаш не бил утврден.
Познато е дека имало 64 члена на екипажот, но според сведоци, бројот на патници бил многу поголем од дозволените 300, меѓу кои околу 100 деца.
Бродот пловел близу крајбрежјето
На 12 август 1914 година, луксузниот брод испловил од Котор кон Трст. Задоцнил околу еден час, поради што не пристанал во Пула.
Капетанот Паоло Винтер (43 години) од Трст, се повлекол од командното место за ручек и одмор, оставајќи го првиот офицер Ѓузепе Лупис да управува со бродот, кој подоцна ја предал командата на вториот офицер Ѓузепе Тенце.
Во исто време, австроунгарскиот брод Basilisk поставувал мини за заштита на пристаништето во Пула. По трагедијата, капетанот Винтер и првиот офицер Лупис изјавиле дека не издале наредба за промена на курсот и дека не виделе предупредувачки сигнали од Basilisk, па бродот продолжил да плови опасно близу до крајбрежјето.
Паника на палубата
Околу 14:45 часот, Барон Гауц удрил со левиот бродски брод во претходно поставена мина на околу 13 километри од Бриони. Водата брзо влегла и поплавила кабини. Бродот се накосил на страна, а првите жртви биле членови на екипажот.
Настанала паника на палубата. Патниците трчале кон спасувачките чамци кои биле пренатрупани или не можеле да се ослободат. Многумина скокнале во морето каде што ги пречекала густа нафта од пукнатите резервоари, која им ја иритирала кожата, очите и спречувала нормално дишење.
Иако бродот имал осум спасувачки чамци со по 30 места и 166 појаси за спасување, опремата не помогнала, тврделе преживеаните. Тие дури раскажале дека дел од екипажот ги занемарил и се обидувал да си ги спаси сопствените животи.
Барон Гауц потонал за само пет до седум минути по експлозијата. Во близина се наоѓале австроунгарските разурнувачи Csepel, Triglav и Balaton, кои спасиле 159 лица од морето. Загинале најмалку 127 луѓе – главно жени, деца и членови на екипажот.
Капетанот Винтер и првиот офицер Лупис преживеале и биле ставени во домашен притвор. На воен суд биле прогласени за виновни за трагедијата, но во 1920-тите работеле како капетани во италијанската компанија Lloyd Adriatico. Деталите од судењето не биле познати поради воена цензура.
Барон Гауц под заштита на државата
Првата потрага по олупината започнала неколку дена по несреќата, кога загинал еден од нуркачите. Дури во 1958 година, Либеро Ѓурасини заедно со сонародникот Ѓаконо Сток ги пронашле остатоците на Барон Гауц.
Бриони подоцна станала резиденција на Јосип Броз Тито, па нуркањето и пловењето било забрането долго време во тоа подрачје. Обидот за подигнување на бродот во 1968 останал само сон.
Денес тој е заштитен како културно добро од Министерството за култура на Република Хрватска. Нуркањето е дозволено само со овластени професионалци.
Забава
Хороскопски знаци што изгледаат ладно, но се екстремно емотивни
На прв поглед, тие изгледаат недопирливи и целосно мирни, но зад таа надворешна фасада се крие богат внатрешен свет полн со емоции. Овие знаци ретко им дозволуваат на другите да ѕирнат во нивната ранливост, но кога го прават тоа, откриваат изненадувачка длабочина на чувства.
Јарец
Јарците изгледаат ладни затоа што ретко ги покажуваат своите чувства јавно. Нивниот пристап кон животот се базира на дисциплина и разум, но тоа не значи дека не се емотивни. Тие се длабоко погодени од зборовите и постапките на другите луѓе, но ги обработуваат своите чувства сами, без сведоци. Кога ќе го отворат своето срце кон некого, тоа е знак на целосна доверба.
Шкорпија
Шкорпиите се познати по нивното силно присуство и продорен поглед, но зад ова лежи извонредна чувствителност. Иако ретко признаваат ранливост, тие долго време се сеќаваат на емоционалните рани. Нивното очигледно студенило е всушност одбранбен механизам против повторна повреда.
Девица
Девиците се рационални и практични, но многу емпатични. Тие ја кријат својата емоционална страна зад логиката и критичкото размислување. Ги изразуваат своите чувства со дела, а не со зборови, и честопати се тешки за читање. Сепак, кога веруваат некому, тие се подготвени да се отворат и да ја покажат својата топлина.
Уапсени двајца мажи од Росоман, му се заканувале на градоначалникот на Кавадарци
Денеска по полноќ, во 02:20 и 02:50 часот во Росоман, полициски службеници од ОВР Кавадарци ги лишиле од слобода М.Д.(33)...
Скопјанец почина на Клинички откога бил донесен во тешка здравствена состојба: телото дадено на обдукција
Вчера во 17:20 часот во СВР Скопје, од Комплекс клиники „Мајка Тереза“ било пријавено дека во тешка здравствена состојба кај...
Претреси во село Гајре во врска со пукањето во Тетово: уапсени четворица, пронајдени предмети
Вчера во периодот од 12:50 до 15:00 часот во село Гајре, тетовско, согласно судска наредба, а во врска со вооружената...
(Видео) Густ чад го обвива Петровац, сцените од плажата се морничави: Црна Гора сè уште се бори со пожарот
Црна Гора сè уште се бори со пожарот, иако ситуацијата во Чањ и во Буљарица се чинеше дека се смирува,...
(Видео) СДСМ: Нов скандал во Националната агенција „Еразмус“, Ана Михајлов, осомничена од ОЛАФ, назначена за в.д. директорка?
„Денеска објавуваме нов скандал на власта. Како пред очите на целата јавност, Владата на ВМРО-ДПМНЕ и Христијан Мицкоски повторно ја...
(Видео) „Како со лекарска плата Венко стигна до луксузно пловење“, прашува Лефков
„Чија е јахтата на која уживаат Филипче и Заев и со чии пари е платена, како со лекарска плата Венко...
Директорката на гимназијата во Демир Хисар на информативен разговор во полиција
Директорката на Гимназијата во Демир Хисар, Маја Лозановска, денеска се јави на информативен разговор во полициската станица во Демир Хисар....
(Видео) Пожари беснеат во Буљарица и Чањ, пожарникарите се борат со силниот ветер и густиот чад
Црна Гора за кусо време беше погодена од катастрофални пожари, од кои најкритични беа во Чањ, Буљарица и недалеку од...
Патот Брезница – Македонски Брод целосно затворен поради пожар
Поради пожар, утрово целосно е затворен за сообраќај патниот правец од Брезница, преку Националниот парк Јасен, до Македонски Брод. Според...
23,7 отсто од младите во земјата ниту учат ниту работат – „Хера“ со порака до кандидатите за градоначалници
Додека светот денес го слави 12 август – Меѓународниот ден на младите, младите луѓе во државата сè уште живеат во...
Обид за убиство во Виница: маж избоден четирипати пред угостителски објект
Вечерта на 7 август, пред угостителски објект во Виница, мирното место се претвори во сцена на насилство кога Н.В. (32)...
(Видео) Рекорден топлотен бран во Европа – во Италија почина четиригодишно дете
Во топлoтниот бран, кој вчера ја зафати Европа, едно дете почина од топлотен удар во Италија, шумските пожари се му...
Штедачите на Еуростандард банка: Пет години нема ниедно обвинение, ниеден обвинет, ниедно рочиште
Пет години по затворањето на „Еуростандард банка“, оштетените штедачи повторно јавно реагираат дека истрагата на Основното јавно обвинителство за гонење...
Трамп: Ќе се обидам да вратам дел од територијата на Украина, за танго се потребни двајца
Претседателот на САД, Доналд Трамп, изјави во Белата куќа дека неговата средба со Владимир Путин ќе биде „разговор за да...
(Видео) „Јадранскиот Титаник“ потонал пред 111 години: денес е атракција за нуркачите во близина на омиленото место на Тито
Некогаш најубавиот брод на австриската компанија Österreichischer Lloyd – елегантен, брз и луксузен – лежи веќе 111 години на дното...
Сончево и многу топло, максималната температура до 40 степени
Времето денеска ќе биде сончево и многу топло. Ќе дува слаб до умерен ветер од југоисточен правец. Минималната температура ќе...
Се’ уште гори кај Јасен, активни пожари на четири локации низ Македонија
Денес до 18 часот се регистрирани вкупно 10 пожари на отворен простор. Од нив, четири се активни и моментално се...
Најмногу туристи ни дојдоа од Турција во јуни
Според податоците од Државниот завод за статистика, во јуни годинава во земјата биле регистрирани вкупно 126.415 туристи, од кои 20,1...
Стоматолошката комора тврди – нема неправилности, Министерството за здравство ја брани одлуката за преземање на лиценцирањето
Претседателот на Стоматолошката комора, Маријан Денковски, на прес-конференција изјави дека повеќекратните контролни надзори не откриле неправилности во работењето на Комората....
Почувствуван земјотрес во Битола и околината
Телеметриската сеизмолошка мрежа на Република Северна Македонија, на сеизмолошките станици инсталирани на нашата територија, одржувани од Сеизмолошката опсерваторија при Природно-математичкиот...
