Свет
Саудиските судови нема да ги признаваат тајните разводи

Саудиска Арабија сега ќе ги прекинува браковите дури и ако едниот сопружник не се појави на суд, ставајќи ѝ крај на долгата традиција која им даваше предност на мажите во однос на алиментацијата, старателството над деца и посетите, а му стави крај и на т.н. „таен развод“, пренесува РТ.
Пред оваа измена во законот, мажите можеше да го одбијат разводот едноставно не појавувајќи се на судското рочиште, без оглед на тоа дали живее со својата сопруга или не. Мажената жена во суштина беше врзана за бракот без оглед на тоа дали сопругот се преселил и потенцијално дури и создал друго семејство.
„Судството ќе одржува чекор со општествените промени што се случуваат во кралството и некои од постојните закони ќе се променат“, рече саудискиот министер за правда, Валид бин Мухамед ал Самани, повикувајќи се на програмата на Визија 2030, која вклучува обид да се спроведат голем број општествени и економски реформи.
Според сегашниот саудиски закон, мажите имаат право на втора сопруга, но жените не можат да остварат истото ниво на слобода и, згора на сето тоа, дури и бараат согласност од сопругот за голем број правни процедури, без оглед на тоа дали разделена или не.
„Системот конечно ги обврза двајцата сопружници да се појават пред судот за да се почитуваат правата на жената и на детето по разводот“, рече Рана ал-Докан, адвокат од Саудиска Арабија.
Бракоразводните парници што траеле три месеци или повеќе сега обично траат помалку од десет дена за формално да завршат. Со амандманот се става крај и на практиката на т.н. „таен развод“ во кој мажите можат слободно да се разведат од своите сопруги без согласност, па и без знаење на жената. Саудиското Министерство за правда неодамна потврди дека, во просек, сега има околу 4.000 разводи месечно во земјата, или по шест на секој час.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сирискиот претседател оди во посета на Путин

Сирискиот привремен претседател Ахмед ал-Шаара ќе ја посети Москва во обид да ги обнови односите со Русија и да пронајде нови области на политичка и економска соработка, соопшти сириската влада.
Во соопштението објавено од сириската државна новинска агенција САНА се вели дека ал-Шаара ќе се сретне со рускиот претседател Владимир Путин за да разговараат за регионални и меѓународни прашања, како и за начините за зајакнување на соработката меѓу двете земји.
Ал-Шаара, исто така, ќе се сретне со сириската заедница таму за време на престојот во Русија, се вели во соопштението.
Ова е прва посета на Ал-Шаара на Русија откако ја презеде власта минатиот декември, кога го предводеше бунтовничкиот сојуз што го собори Башар ал-Асад.
Русија е еден од најголемите сојузници на сирискиот диктатор, кој сега живее во Москва со своето семејство.
Посетата следува по телефонскиот разговор во февруари меѓу двајцата претседатели, за време на кој Путин ја нагласи поддршката на Русија за единството и стабилноста на Сирија и ја изрази својата подготвеност да преговара за договорите што Москва ги потпиша со поранешниот режим.
фото: принтскрин
Свет
(Видео) Трамп во пресрет на одлуката за Украина: „Имав добри односи со Владимир. Многу сум разочаран“

Американскиот претседател Доналд Трамп синоќа изјави дека е „многу разочаран“ од рускиот претседател Владимир Путин, неколку дена пред посетата на украинскиот лидер Володимир Зеленски на Вашингтон.
„Многу сум разочаран, бидејќи Владимир и јас имавме многу добри односи. Веројатно сè уште имаме“, им рече Трамп на новинарите во Белата куќа, додавајќи: „Не знам зошто тој ја продолжува таа војна“.
Трамп рече дека Путин не сака да го заврши конфликтот, што остава „многу лош“ впечаток, според новинската агенција ДПА.
„Тој може да го заврши. Може да го заврши многу брзо“, рече тој.
Американскиот претседател, исто така, ја пофали Украина за нејзиниот отпор кон Русија и зборуваше за посетата на украинскиот претседател Зеленски на Вашингтон во петок.
„Тој сака оружје. Би сакал Томахавки“, рече Трамп, кој не ја исклучува можноста за снабдување на Украина со овие моќни американски крстосувачки ракети со дострел до 2,5 илјади километри.
фото: принтскрин
Европа
Прекини во снабдувањето со електрична енергија во дел од Украина, вклучително и во Киев

Преоптоварувањето на електричната мрежа и последиците од претходните руски напади доведоа до прекини во снабдувањето со електрична енергија во Киев и други украински региони доцна синоќа.
Проблеми со притисокот на водата беа пријавени и во делови од украинскиот главен град, објави Ројтерс. Градската администрација на Киев соопшти на платформата Телеграм дека преоптоварувањето предизвикало проблеми во една од главните електрани во градот.
Три централни области на Киев на западниот брег на реката Днепар останаа без електрична енергија. Како резултат на тоа, метрото во Киев мораше привремено да се потпира на резервна електрична енергија за да продолжи со работа, објави Ројтерс.
Градската власт подоцна објави дека службите за итни случаи ја вратиле струјата во погодените области, иако сè уште се пријавуваат прекини на електричната енергија во некои области. Администрацијата додаде дека притисокот на водата ќе се врати на нормално ниво во рок од два до три часа.
Укренерго, компанијата што управува со високонапонските далноводи во Украина, соопшти дека проблемите предизвикани од руските напади врз електроенергетскиот систем предизвикале прекини во електричната енергија низ северна, централна и југоисточна Украина.
Русија ги фокусираше своите напади врз енергетски цели во Украина во последните недели. Серија напади врз Киев и други области оставија милион домаќинства и бизниси привремено без електрична енергија минатата недела.
фото: принтскрин