Македонија
СДСМ го поддржа предлогот на Спасовски за разрешување на Мизрахи
![](https://makfax.com.mk/wp-content/uploads/2020/02/12_2_2020_izjava_Bogdanka_Kuzeska.jpg)
„Техничката министерка за труд и социјална политика, Рашела Мизрахи, мора да биде разрешена поради своето неодговорно и несериозно однесување. Мизрахи, кадарот на Никола Груевски и Христијан Мицкоски, свесно и намерно го крши Уставот и го погазува историскиот договор од Преспа, со што во ризик ги стави односите со соседите и процесот на евроинтеграциите“, изјави Богданка Кузеска, портпаролка на СДСМ.
Според неа, наместо да се стави во функција на обезбедување слободни и демократски избори, Мизрахи како министер во техничката Влада одлучи да спроведува наредби дадени од Мицкоски и Груевски.
„Мизрахи се осмели да злоупотреби државна институција во партиски цели, се осмели да го прекрши Уставот само за да ги исполни нарачките на Мицкоски и Груевски. Штетите од овие анти-НАТО и анти-ЕУ дејствување на ВМРО-ДПМНЕ може да бидат огромни за граѓаните, за државата, за нашата евро-атлантска иднина. Нема да дозволиме граѓаните и државата да бидат заложници на неодговорноста и да ја платат цената за овие штети што ги нанесува Мизрахи постапувајќи по насоките на Мицкоски и Груевски. Загрозувањето на договорот од Преспа е на директна штета на НАТО и ЕУ-членството и тоа мора итно да биде спречено. Затоа, го поддржуваме предлогот на претседателот на преодната Влада, Оливер Спасовски, за разрешување на техничката министерка Рашела Мизрахи“, додаде таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Црвена Младина со герила акција пред седиштето на СДСМ: Вратите на Левица се отворени за сите вистински левичари
![](https://makfax.com.mk/wp-content/uploads/2024/07/crvena-mladina-gerila-akcija.jpg)
Црвената Младина со герила акција пред седиштето на СДСМ за време на внатрепартиските избори за претседател.
„Во период кога партијата се соочува со криза на лидерство и членството е во бунило, ние, како авангарда на работничката класа, одлучивме да подадеме рака на малкумината искрени и чесни левичари кои веруваме дека ги има во СДСМ“, велат од Црвената Младина.
„Со акцијата, им порачавме на сите вистински левичари во СДСМ дека вратите на Левица се отворени за нив. Спремни сме да ги пречекаме сите кои се борат за праведно и солидарно општество. На присутните им поделивме пристапници за членство во политичката партија Левица. Црвена Младина ќе продолжи со своите активности и ќе стои на страната на работниците и ситр угнетени. Нашата борба е борба за социјална правда, еднаквост и слобода“, соопшти Црвената Младина.
Македонија
Изгаснат пожарот во станот во Ѓорче Петров
![](https://makfax.com.mk/wp-content/uploads/2023/02/Pozarnikari-Skopje.jpg)
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.