Регион
Дипломатски скандал: Црногорски министер го спореди Вулин со нацистите
Српско-црногорскиот конфликт кој деновиве е на точка на вриење по носењето на спорниот Закон за слобода на вероисповедта во Црна Гора, дојде на ново ниво и на чекор од скандал кога еден од црногорските министри го спореди својот српски колега со нацистите, пренесува „Вечерње новости“
„Однесувањето на српскиот министер за одбрана, Александар Вулин, при посетата на Црна Гора е трагикомично и претставува политички перформанс. Сè што прави и изјавува Вулин во последно време би било навистина смешно да не е министер за одбрана на Србија. Вака станува трагикомично и неговиот национал-социјализам најмногу им штети на интересите на Србија“, оцени црногорскиот министер за одбрана Предраг Бошковиќ.
Тој додаде дека таквиот пример е политички перформанс и дека Црна Горда секогаш ќе се однесува во согласност со законот и Уставот.
„Ја почитуваме државата Србија и секој нејзин државен орган, па дури и во ситуација кога господинот Вулин и нему сличните не нè почитуваат ниту нас, ниту нашите закони, ниту вообичаената дипломатска пракса“, посочи црногоракиот министер.
Вулин подоцна реагираше на изјавата на својот црногорски колега.
„Многумина го потценуваат и му се потсмеваат на Божковиќ, но грешат. Не плаши се од оној што не се плаши од ништо туку од оној што не се срами од ништо, а тој не се запознал со срамот. Бошковиќ без срам ги навредува сите жртви на нацизмот“, посочи тој.
„Кога на гробот на убиен министер за заедничката држава Србија и Црна Гора нема да дојде министерот за одбрана на Црна Гора, тогаш тоа е трагично. Кога за обидот за спречување на доаѓањето на српската делегација ќе го обвини Министерството за култура, тоа е комично. Кога црногораки министер мисли дека може да го понижи митрополитот на СЦП, тоа е тажно“, додаде Вулин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.