Свет
Гутереш: Итно да се стави крај на хуманитарниот кошмар во Идлиб

Генералниот секретар на ООН, Антонио Гутереш, повика на итен прекин на, како што рече, хуманитарниот кошмар во сириската провинција Идлиб, но не најави никаква иницијатива за прекин на конфликтот во областа.
„Пораката е јасна. Нема воено решение за сириската криза. Единственото решение е политичко. Важно е да се разбие злобниот циклус на насилство и страдање“, рече Гутереш пред новинарите.
Околу 900.000 луѓе ги напуштија своите домови во Идлиб од 1 декември.
„Хуманитарна помош е потребна за 2,8 милиони луѓе во северозападна Сирија“, рече генералниот секретар на ООН, барајќи дополнителни 500 милиони американски долари за покривање на трошоците за хуманитарна помош во текот на следните шест месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Трамп на митинг: Демократите ме мразат, но и јас ги мразам, не можам да ги поднесам

Претседателот на САД, Доналд Трамп, повторно предизвика бран реакции со шокантна изјава.
„Тие ме мразат, но и јас ги мразам“.
Зборувајќи на митинг во Ајова, Трамп коментираше за фактот дека демократите не го поддржаа неговиот закон, кој го нарекува „одличен, прекрасен закон“. Во таа пригода, тој рече: „Тие го мразат Трамп, но и јас ги мразам, знаете? Навистина не можам да ги поднесам. Бидејќи верувам дека ја мразат нашата земја“.
BREAKING: In a shocking moment, Trump declares that he is unable to be a President to ALL Americans, as he hates Democrats. "They hate Trump, but I hate them too. I really do, I hate them. I can’t stand them."
What a small, hateful man. pic.twitter.com/hUKIGMs9g5
— Really American 🇺🇸 (@ReallyAmerican1) July 4, 2025
Изјавата веднаш предизвика остри реакции, особено од демократската страна. Ова не е прв пат Трамп да користи слична реторика кон политичките противници. Така, неодамна го нарече демократскиот кандидат за градоначалник на Њујорк, Мамдани, „луд комунист“, според написите во медиумите.
Конгресот вчера го одобри законот на Трамп, кој демократите го нарекоа „одвратна гнасотија“. Трамп тврди дека ќе ја зајакне Америка со даночна реформа и инвестиции во војската и безбедноста, додека демократите предупредуваат на укинување на бројни социјални мерки, даночни олеснувања за најбогатите и дополнително зголемување на огромниот американски јавен долг.
Свет
Зеленски се договорил со Трамп за зајакнување на заштитата на украинското небо

Претседателот на Украина, Володимир Зеленски, изјави дека за време на телефонскиот разговор со неговиот американски колега, Доналд Трамп, се согласил да „ја зајакне заштитата“ на украинскиот воздушен простор по новиот масовен напад од страна на руски беспилотни летала и ракети.
„Разговаравме за опциите за противвоздушна одбрана и се согласивме да работиме заедно за зајакнување на заштитата на воздушниот простор“, рече Зеленски на Телеграм и додаде дека разговорот бил значаен.
Шефот на кабинетот на Зеленски, Андриј Јермак, изјави претходно денес дека телефонскиот разговор меѓу Зеленски и Трамп „бил многу важен и богат“.
Трамп претходно разговараше по телефон со рускиот претседател Владимир Путин, но немаше напредок кон прекинување на руската војна во Украина, пренесуваат светските агенции.
Свет
Мелони: Трамп сè уште го поддржува Киев, само го преиспита видот на оружје што го испраќа

Соединетите Американски Држави не престанаа да снабдуваат оружје за Украина и да ја поддржуваат, туку ја преиспитаа одлуката за снабдување на одредени компоненти, изјави денес италијанската премиерка Џорџа Мелони.
Таа оцени дека ова е „релевантен факт“, но дека станува збор за поинаква одлука во споредба со тврдењата за целосно повлекување на САД, пренесува Анса.
„Лично разговарав со Доналд Трамп за Киев, а исто така и за царината, и се надевам на позитивен развој на настаните во тоа прашање“, изјави Мелони на средбата во Месина.
Во исто време, порталот Аксиос објави дека Трамп му рекол на претседателот на Украина, Володимир Зеленски, дека е подготвен да му помогне со воздушната одбрана, пренесува Танјуг.