Македонија
Интервенирано на повеќе локации во Скопје по штетите што ги предизвика невремето
![](https://makfax.com.mk/wp-content/uploads/2020/02/88157546_1513857615430922_3623857060904435712_n.jpg)
Екипите на Градот Скопје, составени од јавните градски претпријатија и Противпожарната бригада на Скопје, во соработка со Центарот за управување со кризи, интервенираа на поголем број локации за отстранување на штетите и пречките предизвикани од невремето и силниот ветар што синоќа дуваше во Скопје и достигна брзина од над 100 километри на час.
На терен се евидентирани поголем број паднати дрвја, оштетени фасади и конструкции на покриви на поголем број објекти, оштетени билборди и возила.
До 12 часот до јавното претпријатие „Паркови и зеленило“ пристигнати се вкупно 72 пријави за паднати дрвја. Екипите од секторот „Дрвореди“ од претпријатието досега интервенираа на 42 локации во сите општини во Скопје, а активностите ќе продолжат до целосното расчистување на теренот.
Големото невреме предизвика поголемо оштетување и на конструкцијата на покривот на СУГС „Марија Кири-Склодовска“, каде што денеска не се одржува настава и екипи на ЈП „Улици и патишта“ и Противпожарната бригада работат на расчистување на теренот. Оштетување е предизвикано и на објектот на СУГС „Раде Јовчевски-Корчагин“.
Согласно со најавите од УХМР и можноста за повторни врнежи на дожд и засилен ветар во текот на денешниот ден, апелираме до граѓаните да го избегнуваат движење по патеки покриени со дрвја, како и да избегнуваат да ги паркираат возилата во близина на дрвја.
Екипите на Град Скопје ја следат состојбата на терен и смируваат дека се подготвени да интервенираат за санација на штетите предизвикани од евентуално невреме.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сончево и потопло со мала до умерена локална облачност
![](https://makfax.com.mk/wp-content/uploads/2023/08/reka-leto-1.jpg)
Времето денеска ќе биде сончево и потопло со мала до умерена локална облачност. Ќе дува слаб до умерен, а вдолж Повардарието повремено засилен ветер од северен правец. Минималната температура ќе биде во интервал од 9 до 18, а максималната ќе достигне од 27 до 34 степени. UV=8
Во Скопје сончево и топло со мала до умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 32 степена.
Следува период на претежно сончево и многу топло време, со пораст на дневната температура која од недела насекаде ќе биде над 30 степени. Во почетокот на следната седмица во попладневните часови ќе има услови за изолирана појава на нестабилност.
Скопје
Дел од Центар денеска без вода
![](https://makfax.com.mk/wp-content/uploads/2024/05/voda-chesma.jpg)
ЈП Водовод и канализација известува дека поради изведување на водоводен приклучок од Ф-80 мм на улицата Дебарца бр.63, со прекинато водоснабдување ќе бидат корисниците на дел од улицата Дебарца, дел од улицата Дане Крапчев и улицата Славка Недиќ во општина Центар.
Прекинот на водоснабдувањето ќе биде од 09:00 часот до завршување со активностите.
Македонија
Министерот Тошковски претседаваше со конститутивната седница на Управувачкиот комитет за координација и управување со системот за управување со кризи
![](https://makfax.com.mk/wp-content/uploads/2024/07/449630277_122162759648197509_1806381321720411464_n.jpg)
Министерот за внатрешни работи Панче Тошковски денес како претседавач на Управувачкиот комитет за координација и управување со системот за управување со кризи, присуствуваше на конститутивната седница на комитетот која се одржа во просториите на Центарот за управување со кризи.
На седницата присуствуваа и министерот за надворешни работи и надворешна трговија Тимчо Муцунски, министерот за одбрана Владо Мисајловски, министерот за здравство Арбен Таравари и министерот за земјоделство, шумарство и водостопанство Цветан Трипуновски.
На средбата, директорот на ЦУК Стојанче Ангелов информираше за мигрантската кризна состојба на јужната и северната граница, кризната состојба во КПУ „Идризово“, како и за бројот на пожари на отворен простор и ресурсите за нивно гаснење.
„Продолжуваме посветено да работиме на надминување на овие предизвици, обезбедување брза и ефикасна реакција во кризните ситуации, се со цел поголема безбедност за нашите граѓани“, потенцираше министерот Тошковски.