Свет
(Видео) Бродот со 5,7 тони кокаин и црногорски поморци го гасел сигналот при пловидбата, објавени снимки од апсењето
Се проценува дека 5,7 тони кокаин, колку што засега се пронајдени на товарниот брод „Ареса“ во водите на Аруба, а на кој беа уапсени црногорски државјани, вреди вртоглави 250 милиони евра, а бројот на уапсени сега се искачи на 11, пренесуваат црногорските медиуми.
На веб-страницата Флетмон, која ги следи товарните бродови, се наведува дека бродот кој пловел под знаме на Камерун испловил од Суринам. Сепак, според пишувањата на тамошните медиуми, истражителите забележале дека „Ареса“ од Суринам го изгаснал сигналот и дека се појавил на системот на 23 февруари, во текот на ноќта, во Заливот на Венецуела, пренесува црногорски „Вијести“.
Mas cu 5000 kilo di droga confisca y 10 Europeo deteni riba barco Aress
Mas cu 5000 kilo di droga confisca y 10 Europeo deteni riba barco Aress
Posted by 24ora on Вторник, 25 февруари 2020
За сето тоа време, безбедносните служби на повеќе држави го следеле движењето на бродот. Кога испловил од Венецуела и се упатил кон островот Аруба тамошните власти го пресретнале и го придружувале до пристаништето каде што почнало „чешлањето“ на бродот.
Прво, откриен беше еден тон кокаин и беа уапсени четири лица од Црна Гора, поточно од Котор и Бар, но бројот на уапсените и количината на запленетата дрога постојано растеше.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.