Македонија
(Видео) Марш против двојазичност во Скопје

Неколку граѓански организации се собраа денеска пред споменикот на Крсте Петков Мисирков кај МАНУ за да побараат македонскиот да биде единствен службен јазик.
„Не за двојазичност во Македонија”, „Заев мафија”, „Христијанско братство”, пишуваше на транспарентите кои ги носеа, а бројни беа и оние кои вееја знамиња со „сонцето од Кутлеш”.
На звучник се пуштаа македонски народни песни и фолк хитови. Организациите кои го предводат маршот бараат укинување на новиот Закон за јазиците, разгледување на уставноста на законот пред Уставниот суд и референдум за укинување на Законот за јазиците.
Владимир Чолаковски од „Македонска зора” изјави дека ќе се обидат да соберат потписи за организирање на референдум. Според него, Законот за употреба на јазиците е преагресивен кон македонскиот народ.
Ана Бобинкова Мијаковска од „Преродба” рече дека тие протестирале уште пред Законот за употреба на јазиците да биде донесен. „Ние не признаваме нелегитимни избори на ‘Северна”, изјави Бобинкова Мијаковска.
Искра Манојлоска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.