Забава
Светската премиера на новиот филм за Џејмс Бонд одложена до ноември поради коронавирусот
Премиерното прикажување на новиот филм за Џејмс Бонд – „Не е време за умирање“ – е одложено за седум месеци во услови на нарушувања предизвикани од коронавирусот, кој ги затвори киносалите во Кина и им предизвика главоболки на други холивудски продукции.
Најновото продолжение на серијалот за славниот британски агент 007, последен за Даниел Крејг како главен протагонист, дистрибуиран во светски рамки од страна на „Јуниверзал пикчрс“, наместо во април, како што беше планирано, ќе почне да се прикажува во ноември, соопштија продуцентите во средата.
„По внимателно разгледување на фактите и темелна процена на глобалниот пазар за филмови, прикажувањето на „Не е време за умирање“ ќе биде одложено до ноември 2020 година“, стои на официјалниот профил на „Твитер Џејмс Бонд“.
Во објавата не се спомнува коронавирусот, но таа доаѓа по извештаите во медиумите минатата недела за откажување на планираната премиера на филмот во Кина, најголемиот странски пазар на Холивуд.
Киносалите во Кина се затворени уште од јануари, а и други земји, вклучувајќи ги Јапонија, Јужна Кореја и делови на Италија, исто така ги затвораат кината во обид да спречат ширење на вирусот.
Серијалот „Бонд“ е еден од најпрофитабилните во светот имајќи предвид дека „Спектре“ од 2015 година заработи 880 милиони долари, односно 1,2 милијарда американски долари на благајните во светот, а „Скајфол“ од 2012 година заработи повеќе од една милијарда американски долари на глобално ниво.
„Не е време за умирање“ чини речиси 200 милиони американски долари и требаше да почне да се прикажува во кината од 2 април по светската премиера во Лондон на 31 март.
Одлагањето на светската премиера следува по многуте одложувања да се снимаат нови филмови и ТВ-емисии и откажани премиерни прикажувања на американските филмови во Кина како последица на коронавирусот.
Оваа недела фановите на Џејмс Бонд му пишаа на студиото што стои зад филмот барајќи одложување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.