Македонија
ВМРО-ДПМНЕ порача да се прогласи кризна состојба и да се затворат сите граници за патници
Прогласување на кризна состојба, затворање на границите за патници и награда за службите вклучени во првата линија против коронавирусот, бара опозициската ВМРО-ДПМНЕ.
Игор Николов во изјава за медиумите кажа дека според партијата, неопходно е прогласување на кризна состојба на целата територија, со што ќе се зголеми и ефикасноста во носење и во спроведување на одлуките.
Тој оцени дека некои од мерките кои досега се донесени во реалноста не покажуваат реализирање односно спроведување, или нивното спроведување е делумно и недоволно, а постои простор за проширување на списокот на антикризни мерки кои мора да се исполнат.
„Освен оние работите и одлуките кои ги побаравме од претходните денови сметаме дека Владата треба да ги преземе и следниве чекори:
Прво, да се донесе одлука за затворање на сите граници за патници, освен за итните случаи и оние чиј карактер на движење тоа го налага. Досега важи одлука само за одредени гранични премини што не ја решава заканата. Мора да се затворат границите со цел да се стави под контрола на состојбите.
Второ, бараме да се спроведе „специјален режим за работа„ на продавници и пазари. Ова значи да се примени праксата од развиените европски држави кои се справуваат со истите последици, односно шалтерски систем на продажба или да се ограничи влегувањето на клиентите во продавниците и стварање на непотребни гужви и непотребни редови, а се со цел да се намали ризикот и можноста за пренесување на вирусот. Воедно во овој режим би било и воведување на бесплатни маски и гелови пред дуќаните, продавниците, маркетите и сите оние места кои што се неопходни за граѓаните. Тоа им го должиме, бидејќи можеа да се набават лубриканти, а не можат да обезбедат бесплатни маски.
Трето, да се подготви „Бел план„ за болниците во земјата да се подготват за најлошото сценарио. Најверојатно ќе има тежок удар на пациенти кои што ќе бараат помош и овој Бел план ќе значи зголемување на капацитети целосен скрининг и разработено сценарио при ескалација на состојбата.
Четврто да се побара меѓународна помош која ќе биде експертска, советодавна и материјална. Ова бараме да се спроведе по примерот на Италија, каде што Италија доби материјална и експертска помош од земјата која што беше најмногу засегната и најмногу погодена од вирусот.
Петто, огромен број на професионалци, полицајци, цариници и здравствен персонал даваат надчовечки напори во третман и превенција со корона вирусот. Бараме за нив да се воведе финансиска надокнада, посебно за оние служби кои што се во првиот ред и во првата линија во борба со епидемијата.
Сега не е време за партиски препукувања, овде се работи за здравјето на граѓаните. Очекуваме сериозен пристап од владата и министерството и прифаќање на нашите мерки. Заради тоа што секој човек вреди, секој човечки живот вреди, сега е време за хуманост, делување и подавање на рака“, изјави Николов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Костадиновска-Стојчевска: Покажавме како се почитува слободата на медиумите, „Репортери без граници“ го потврди тоа
Коносителката на ИЕ5 и министерка за култура, Бисера Костадиновска-Стојчевска, честитајќи го Светскиот ден на слободата на медиумите потсети дека СДСМ во целиот свој мандат поттикнува демократска и слобода атмосфера во општеството.
„Направивме законски измени со кои нападот врз новинар се квалификува како напад на службено лице, заради поголема заштита на луѓето кои ја вршат оваа значајна општествена професија“, вели Костадиновска-Стојчевска.
Таа додава дека наспроти децениската репресија и прогон кон медиумите и новинарите, насилното затворање медиуми и користење на институциите за пресметка со новинарите, СДСМ значително го подобри медиумскиот амбиент и критичкото новинарство.
„Не приведуваме новинари за искажан збор, не тужиме редакции за објавени текстови, не затвораме медиуми кои не критикуваат“, вели Костадиновска-Стојчевска на Светскиот ден на слобода на медиумите кога „Репортери без граници“, во својот извештај забележа прогрес за Северна Македонија.
Според овој извештај, државата годинава има напредок и е рангирана на 36 место на Индексот за слобода на медиумите, што е за две места подобор од 38 место лани. Во 2016 бевме на 118 место.
„СДСМ е демократска партија која на дело покажува како се почитува слободата на медиумите и новинарската мисла. Остануваме лидери во регионот по слободата на новинарското изразување“, вели Костадиновска-Стојчевска, додавајќи дека актуелните времиња носат и нови предизвици за медиумите и медиумските работници, а технолошкиот развој носи и бројни ризици за самата професија.
Според Костадиновска-Стојчевска, слободата на новинарската мисла и подобрување на условите за медиумските работници остануваат приоритет на социјалдемократите кои остануваат силни поддржувачи на професионалното и непречено изразување.
Македонија
Филипче: Овозможивме слободни и независни медиуми и сме први во регионот
Позитивните политики и пристап на СДСМ кон медиумите, се потврдија со тоа што Северна Македонија е најдобро рангирана земја во регионот по слобода на медиуи, истакна Венко Филипче носител на листа во Изборната единица 4 од СДСМ и Коалицијата за европска иднина.
,,Македонија во 2024 година го постигна сопствениот рекорд во последните 15 години во Индексот на слободата на медиумите според „Репортери без граници“. Годинава се наоѓа на 36-то место и е најдобро рангирана од сите земји во регионот. Ова е потврда за позитивните политики и пристап на СДСМ кон медиумите. Слободни медиуми се слика на секое демократско општество”, смета Филипче.
Тој посочи дека граѓаните не треба да дозволат да ја изгубиме демократијата и слободата.
,,Без слобода, без независни медиуми, без професионални новинари ќе го изгубиме и развојот и напредокот на државата. Уште многу треба да се направи за подобрување на општата медиумска ситуација во земјата, но курсот кој го поставивме е правилен” вели Филипче.
Носителот на листата во Изборната единица 4 од СДСМ и Коалицијата за европска иднина, Филипче истакна дека во следниот мандат СДСМ мора да се фокусира на повисок животен стандард на новинарските и медиумските работници.
,,Тоа директно ќе влијае на објективноста во известувањето, во служба на граѓаните, а не во политичките и бизнис елити”, рече Филипче.
Македонија
Николоски: Која е улогата на Груби во криминалот во Лотарија и доделувањето на трите лиценци за онлајн игри на среќа?
Можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот, вели Александар Николоски, потпретседател на ВМРО-ДПМНЕ и носител на изборна единица 4.
„Мислам дека од овде е право време и место да повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа“, истакнува Николоски.
„Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред“, додава тој.