Македонија
Владата со посебни мерки за конвојот автобуси што треба од Италија да пристигне во земјава
Владата на денешната 21. седница го разгледа и го усвои записникот од вториот состанок на Главниот координативен кризен штаб за обезбедување целосна координација во врска со спречување внесување и ширење коронавирус Ковид-19, одржан на 17 март 2020 година и заклучи истиот да се достави до сите надлежни институции, со цел итно реализирање на мерките и препораките.
Истовремено, во врска со групата наши државјани, кои организирано со конвој од автобуси пристигнуваат од Република Италија на граничниот премин Деве Баир, Владата ги донесе следните заклучоци:
1. Се задолжува Министерството за внатрешни работи да го обезбеди нивниот транспорт, без запирање и без напуштање на транспортот и истите да ги смести во капацитетите на Криволак.
2. Се задолжува Армијата на Република Северна Македонија да го огради периметарот на овој капацитет на Криволак и да го обезбедува просторот во кои овие лица ќе бидат сместени, со цел лицата да не може да го напуштат.
3. Се задолжува Министерството за здравство да обезбеди лекарски тимови за овие лица.
4. Се задолжува Министерството за одбрана да обезбеди вода и храна за потребите на овие лица во текот на денешниот ден, а во текот на утрешниот ден по потреба и од Службата за општи и заеднички работи на Владата на Република Северна Македонија.
5. Се задолжува Министерството за труд и социјална политика да побара преку УНДП вода и храна за потребите на овие лица за наредниот период.
6. Се задолжуваат Министерството за одбрана, Министерството за труд и социјална политика и Службата за општи и заеднички работи да обезбедат мобилни тоалети за потребите на овие лица.
На оваа владина седница му претходеше состанокот на Главниот координативен кризен штаб за обезбедување целосна координација во врска со спречување внесување и ширење коронавирус Ковид-19, кој го раководеа Оливер Спасовски, претседател на Владата на Република Северна Македонија, и м-р Радмила Шекеринска Јанковска, заменик-претседател на Владата на Република Северна Македонија и министер за одбрана.
На состанокот присуствуваа членовите на Главниот координативен кризен штаб, и тоа: м-р Радмила Шекеринска Јанковска, заменик-претседател на Владата на Република Северна Македонија и министер за одбрана, Мила Царовска, заменик-претседател на Владата на Република Северна Македонија задолжен за економски прашања и за координација со економските ресори, д-р Бујар Османи, заменик-претседател на Владата на Република Северна Македонија задолжен за европски прашања, д-р Венко Филипче, министер за здравство, Наќе Чулев, министер за внатрешни работи, м-р Никола Димитров, министер за надворешни работи, д-р Арбр Адеми, министер за образование и наука, м-р Горан Сугарески, министер за транспорт и врски, д-р Нина Ангеловска, министер за финансии, м-р Агрон Буџаку, директор на Центарот за управување со кризи, Аднан Џаферовски, директор на Дирекцијата за заштита и спасување и Ѓоко Танаскоски, директор на Царинската управа на Република Северна Македонија.
На состанокот на Главниот координативен кризен штаб присуствуваа и Славјанка Петровска, дополнителен заменик-министер за внатрешни работи и Зоран Попов, државен секретар во Министерството за надворешни работи.
Венко Филипче, министер за здравство, ги информираше членовите на Главниот координативен кризен штаб и другите присутни лица за моменталните состојби и текот и прогресот на сите теренски екипи од сите надлежни институции, особено во подрачјата на кои постои кризна состојба. Во овој момент вкупниот број на позитивни случаи е 22 лица.
Согласно информирањето и предлозите изнесени во расправата на состанокот од членовите и другите присутни лица по однос на оваа точка, Главниот координативен кризен штаб ги усвои следниве заклучоци:
1. Ги разгледа потребите и проблемите за решавање во реоните на општините Дебар и Центар Жупа (доставени во прилог на овој записник), заклучи:
– Во однос на точките 1, 2 и 3 да се спроведат согласно протоколите за влез на Министерството за здравство, со соодветна опрема за заштита.
– Во однос на точка 4 да биде решен преку протоколот за влез на Министерството за здравство и доколку биде потврдено од Министерството за здравство и Државниот санитарен и здравствен инспекторат.
– Во однос на неопходниот дотур на храна, лекови и други итни и неопходни производи и заштитни средства, Министерството за внатрешни работи да ги спроведе лицата кои вршат дотур на овие производи за оние лица кои се затечени во тампон-зоната.
– Сите други потреби и проблеми за решавање во реоните на општините Дебар и Центар Жупа да бидат спроведени и реализирани согласно законските надлежности на сите засегнати институции, финансиските средства на овие надлежни институции и постојните протоколи на Министерството за здравство.
2. Го одобри барањето доставено од МЛ-Гари ДОО Подружница с. Гари – Дебар, под бр.0302-15 од 16.03.2020 година, во однос на продолжување на работата под посебни услови на подружницата и заклучи начинот на работата да продолжи и да се организира по услови и на ист начин како и за другите големи производствени капацитети на подрачјата на општините на кои е прогласена кризна состојба.
3. Сите единици на локалната самоуправа во Република Северна Македонија веднаш да направат план и да спроведат дезинфекција на сите улици и јавни површини на територијата на општините.
4. Во однос на извршените контроли од страна на Министерството за внатрешни работи, до одржување на седницата на Владата, Министерството да достави детален извештај од извршените контроли, кои мерки се преземени, против кои лица (со име и презиме) и во кој период.
5. На седницата на Владата да се разгледа можноста и Владата да заземе став во однос на тоа секое лице кое ги напушта границите на Република Северна Македонија, да потпише лична изјава со која ќе се обврзе во наредните три месеци да не се врати назад во Република Северна Македонија.
6. За наредниот состанок на Главниот координативен кризен штаб сите институции да ги пријават своите потреби за набавки, исклучиво кои се итни и неопходни, во функција на обезбедување целосна координација во врска со спречување внесување и ширење коронавирус Ковид-19.
7. Мила Царовска, заменик-претседател на Владата задолжена за економски прашања и за координација со економските ресори, да стапи во контакт со директорот на Државниот санитарен и здравствен инспекторат, со цел издавањето на потребните дозволи за возачите кои управуваат товарни моторни возила да биде забрзано.
8. Го прифати барањето на Фондот за пензиското и инвалидското осигурување на Северна Македонија, под бр.02-1269/1 од 12.03.2020 година (доставено во прилог на овој записник), односно одобри на Фондот да го одложи приемот на странки во инвалидските комисии.
9. Министерството за образование и наука, во соработка со Министерството за информатичко општество и администрација, Бирото за развој на образованието, УНИЦЕФ и други засегнати лица и институции, уште во текот на денешниот ден да почне со подготовка на план и начин на спроведување на онлајн настава за учениците во основните и средните училишта во Република Северна Македонија, со распоред на часови и да се искористат сите канали за комуникација и најдоцна до 19.03.2020 година (четврток) истиот да го презентира на Главниот координативен кризен штаб и на Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Бујар Османи: Предвремени избори ќе има во март или април
Кандидатот за градоначалник на Општина Чаир, Бујар Османи, ја коментираше изјавата на премиерот Христијан Мицкоски дека по локалните избори е можно одржување предвремени парламентарни избори, потврдувајќи дека според неговите сознанија и проценки, таквите избори ќе се одржат во март или април следната година.
„Тоа е всушност тоа што го кажувам јас и ние од почетокот, дека да, ќе има предвремени парламентарни избори некаде во март или април. И ова го кажувам најаргументирано, врз основа на сите разговори и договори што ги има на политичката сцена“, изјави Османи.
Тој додаде дека изјавата на премиерот само го потврдува она на што ДУИ и другите опозициски политички сили укажувале со месеци, дека сегашната влада е нестабилна и неодржлива.
„Се разбира дека на премиерот веројатно му требаа дополнителни аргументи, коишто сега ги гледа на терен, во односот на силите и тоа што се случува. Ситуацијата е неодржлива, и затоа веќе почна и тој да го спрема теренот“, рече Османи.
Тој истакна дека најавените избори ќе бидат можност да се избере нова влада со јасен европски и економски фокус.
„Јас ви тврдам дека предвремени парламентарни избори ќе има во март–април и ќе има нова влада која ќе го откочи европскиот процес, ќе го врати соживотот и економскиот просперитет на земјата“, порача Османи.
Македонија
Герасимовски и советниците спречија изградба на зграда: „Безбедноста на граѓаните на прво место“
На предлог на градоначалникот на општина Центар, Горан Герасимовски, Советот на општина Центар со 19 гласа „за“ и и еден воздржан донесе одлука за суспендирање на примената на градежна парцела во рамки на ДУП „Буњаковец 1.
Причината за суспензијата е изградба на објект чија реализација може да предизвика сериозни безбедносни и правни импликации. Градежната парцела се наоѓа на аголот на булеварите Климент Охридски и Митрополит Теодосиј Гологанов, а единствениот пристап до неа минува покрај студентскиот дом „Кузман Јосифовски-Питу“, каде се наоѓа резервоар со запаллива материја која се користи за греење, што претставува ризик од пожар и бара изработка на посебен елаборат со еколошки анализи и согласности, известува Општината.
Пристапот исто така минува преку подземни инсталации кои ја снабдуваат целата населба и студентскиот дом, како и преку објекти легализирани во минатото, пред повеќе години, за кои е потребна постапка за нивно отстанување , процес кој може да предизвика долги и комплексни правни последици.
Општината повеќе од две години работи на соодветно решавање на овој случај, но досегашните барања за соодветен сообраќаен проект не беа уважени од соодветните институции.
Поради тоа, се предлага суспензија за градење на конкретната градежна парцела се додека не се обезбедат безбедносни и правно сигурни услови за пристап и реализација на објектот, се наведува во соопштението на Општината.
„Мојот приоритет е безбедноста на граѓаните и инфраструктурата. Нема да дозволам да се загрози безбедноста на жителите на Центар, но истовремено ќе внимаваме да се заштитат интересите на сите инволвирани страни. Важно е да бидеме целосно сигурни дека сите услови се исполнети за да може да се гради објектот.Во меѓувреме, подготвуваме нов ДУП кој ќе ги реши овие прашања и ќе овозможи безбеден и законит пристап до парцелите“, истакна Герасимовски.
Македонија
Александар Трајановски: Централната пошта да стане Градски инспекторат и Центар за урбано планирање – време е за пресметка со дивоградбите и урбаниот хаос
Кандидатот за градоначалник на Град Скопје од коалицијата „Искуство за успех“, Александар Трајановски, најави конкретен план за обновување на Централната Пошта и нејзина трансформација во Градски инспекторат и Центар за урбано планирање.
„Ги засукуваме ракавите и влегуваме во директна пресметка со дивоградбите и урбаното дивеење во градот Скопје и општините. Повеќе нема да има недопирливи згради, бесправни градби и хаотичен развој. Време е институциите да си ја вратат својата сила,“ изјави Трајановски.
Со овој потег, еден од највпечатливите објекти на скопскиот модернизам ќе добие нова јавна функција со вистинска корист за граѓаните – место каде ќе бидат обединети сите градски инспекции и урбанистички служби, во транспарентен и ефикасен систем.
„Централната Пошта е дел од нашето културно наследство, но и од нашиот градски срам – ја оставивме да пропаѓа. Наместо да ја рушиме, ќе ѝ дадеме нова улога. Таа ќе стане симбол на ред, контрола и паметно урбано управување,“ изјави Трајановски.
Новиот Градски инспекторат ќе обедини повеќе од десет инспекциски служби – урбанистички, градежни, комунални, еколошки и сообраќајни. Просторот ќе биде отворен за јавноста, архитектите и стручната фела, со современи канцеларии, дигитални системи и сали за јавни консултации.
Дел од поширока визија – „Поправка на она што вреди“
Оваа иницијатива е дел од визијата за „поправка на она што вреди“ – враќање на животот во објектите што го обликуваа идентитетот на Скопје. Во истиот план се предвидени и:
· ГТЦ – нов дом на градската администрација, младите и културата,
· Кино Милениум – обновен културен простор и филмски центар,
· МКЦ – проширен центар за современа уметност и независна сцена.
„Скопје не треба да се гради одново – треба да се обнови со памет и љубов. Градот го измалтретиравме доволно, време е да го лекуваме,“ порача Трајановски.
(Фото) Кривична пријава против две лица за криумчарење мобилни телефони „Ајфон“, случајот откриен на Ново Село
Поднесена кривична пријава против две лица за сторено кривично дело „криумчарење“ мобилни телефони „Ајфон“ во вредност од 355 илјади денари....
Ѓорѓиевски ја вети подземната кај „Лимак“ што ја ветуваа и Арсовска, Шилегов и Трајановски: Ќе ја смени сообраќајната иднина на градот
Проектот за подземната сообраќајница кај„Лимак“ не е само дел од мојата програма туку е вистински пресврт за централното градско подрачје,...
М-НАВ: Македонското небо не смее да се „затвори’“
Менаџерскиот тим на М-НАВ во денешното соопштение до јавноста реагира околу најавите за штрајк и „затворањето на небото“ на 20...
Искршен штаб на СДСМ во Градско, партијата бара Тошковски веднаш да постапи
Синоќа се искршени стаклата на изборниот штаб на СДСМ во Градско. Според партијата, овој насилнички и вандалски чин го покажува...
Едно лице избодено со нож пред стоковна куќа „Мост“ во Скопје, напаѓачот е уапсен
Едно лице е избодено со нож пред поранешната стоковна куќа „Мост“ во Скопје, а полицијата го уапси напаѓачот. Според информациите...
Трамп за договорот за војната во Газа: Неверојатно е, целиот свет се обедини
Претседателот на САД, Доналд Трамп, изјави дека Иран би можел да биде дел од поширок мировен договор на Блискиот Исток...
УНИЦЕФ: Светот ги изневери Палестинците, 20.000 деца се убиени
По објавувањето на првата фаза од прекинот на огнот меѓу Израел и Хамас, во Газа владееше огромно чувство на радост...
Светските лидери му се заблагодаруваат на Трамп за договорот меѓу Хамас и Израел
Светските лидери го поздравија договорот за прекин на огнот меѓу Израел и Хамас, објавен од американскиот претседател Доналд Трамп. Еве...
Израел и Хамас се согласија за прекин на огнот во Газа
Израел и Хамас се согласија за првата фаза од планот на американскиот претседател Доналд Трамп за Газа, договор за прекин...
Филипче до Димитриевски: Со предавници на социјадемократската идеја не дебатирам
Претседателот на СДСМ, Венко Филипче, на трибината „Се бориме за нашиот дом“ од Прилеп, му одговори на Максим Димитриевски. „Слушам...
Мицкоски: Венко и Стевчо тајно во седиштето на СДСМ премерувале како да обезбедат 2.000 гласа за Јакимовски од СДСМ
На денешниот митинг во Карпош во рамките на изборната кампања за локалните избори 2025 година со слоган „Вистинскиот избор! Твојот...
Уапсена сопругата на докторот кој беше застрелан во Куманово, била вмешана во обидот за неговото убиство
Полицијата ја уапси сопругата на докторот кој беше застрелан вчера во Куманово. Тој со повреди беше пренесен во болница, но...
Евакуации во објектите околу плоштадот „ВМРО“ поради куфер оставен на плочникот, полицијата утврди дека е празен
Обезбедувањето на Јавното претпријатие за државни патишта пријавило во полиција дека две лица денес оставиле куфер на плочникот пред нивниот...
(Видео) Филипче до Мицкоски: Или сфати дека си избран да ја водиш државата или да си одиш
Претседателот на СДСМ, Венко Филипче, одговарајќи на новинарско прашање во врска со изјавите на премиерот Мицкоски, порача дека премиерот треба...
Почина Панчо Минов, поранешен пратеник и градоначалник на Кавадарци
На 67-годишна возраст денеска почина Панчо Минов, поранешен градоначалник на Кавадарци и поранешен пратеник во Собранието. Панчо Минов беше дипломиран...
Парични казни за три градинки и едно училиште по спроведени инспекциски контроли во кујните
Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во...
Кривична пријава за злоупотреби и малтретирање против две сопственички на приватни установи за сместување стари лица
Министерството за внатрешни работи поднесе кривична пријава до Основното јавно обвинителство Скопје против Н.Ј.(47) и Т.И.(58), двете од Скопје поради...
Истрага против две сопственички на домови за стари лица: сместувале женски и машки лица заедно, дел од корисниците биле заклучувани, им биле служеби оброци со изминат рок
Јавен обвинител од Основното јавно обвинителство Скопје денеска донесе Наредба за спроведување истражна постапка против две лица осомничени за кривични...
Мицкоски до Филипче: Кажи јавно што мислиш за Зоран Заев, не биди лицемерен
Претседателот на ВМРО-ДПМНЕ, Христијан Мицкоски на синоќешниот митинг во Гостивар во рамките на изборната кампања за локалните избори 2025 година...
Уапсени двајца скопјани: предизвикале пожар на две товарни и едно патничко возило кај спортскиот центар „Јане Сандански“
Денеска, во 02:20 часот во СВР Скопје е пријавен дека на паркинг простор од Спортскиот центар „Јане Сандански“ на подрачје...
