Свет
Конгресменот Бен Мекадамс хоспитализиран со проблеми со дишењето
Американскиот конгресмен Бен Мекадамс, кој е заразен со коронавирус, бил хоспитализиран викендов поради потешкотии при дишењето, пренесува „Њујорк пост“.
Демократот од Јута, кој минатата недела имаше позитивен тест на Ковид-19, во изјавата рече дека прима кислород за да го регулира нивото на кислород во крвта.
„Искуството ми покажа колку е важно да се следат советите на ЦДЦ и Министерството за здравство на Јута за да се запре ширењето на овој вирус“, рече тој.
Мекадамс се разболел на 14 март откако се вратил од Вашингтон, каде што гласаше за пакетот за помош поради коронавирусот кој беше преточен во закон минатата среда. Лекарот прво му кажал дека неговата треска и кашлица не оправдуваат тест за коронавирус, но неговата состојба навистина се влошила минатиот понеделник.
„Имав температура од 39,4 и белите дробови ми беа навистина како блокирани, се чувствував како да имам ремен околу градите“, рече тој.
Неговиот доктор дури тогаш го тестирал за вирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.