Украинскиот претседател Володимир Зеленски денес изјави дека Крим, како и цела Украина, мора да биде слободен, наведувајќи дека сите империи низ историјата биле уништени.

По повод Денот на борбата за правата на кримските Татари, кој денес се слави во Украина, Зеленски во објава на Фејсбук потсети дека советските власти ја започнале депортацијата на кримските Татари од Крим пред 81 година, објави Укринформ.

„Денес е ден што нè потсетува зошто сите брутални империи заслужуваат да паднат“, рече Зеленски, истакнувајќи дека пред 81 година, цел народ бил протеран од својата родна земја „и фрлен на пат што станал смртна пресуда за илјадници и илјадници луѓе, за многу семејства“.

Тој потсети дека најмалку една третина од кримските Татари починале поради болести, глад, исцрпеност и злоупотреба.

Според Зеленски, оваа трагедија била овозможена од „криминалниот тоталитарен систем и неказнивоста на лидерите во Москва“.

Зеленски рече дека таква трагедија никогаш повеќе не треба да се случи, но дека во 2014 година имало уште една руска окупација на Крим и дека како резултат на тоа, илјадници семејства сега се повторно разделени.

„Мораме повторно да се бориме за слободата и за нашиот дом“, рече Зеленски.

Русија има намера да изврши тест лансирање на интерконтиненталната балистичка ракета RS-24 од комплексот „Јарс“ во ноќта меѓу 18 и 19 мај 2025 година, објави УНН, повикувајќи се на Главната разузнавачка управа на Украина (ГУР).

„Со цел демонстративно да изврши притисок и заплашување врз Украина, како и врз земјите-членки на ЕУ и НАТО, руската држава планира да ја лансира интерконтиненталната балистичка ракета ‘RS-24’ од комплексот ‘Јарс ‘во ноќта помеѓу 18 и 19 мај 2025 година“, се наведува во извештајот.

Според ГУР, лансирањето на ракета опремена со тренинг боеви глави од мобилен копнен комплекс било наредено од екипажот на 433-от полк на 42-та дивизија на 31-та армија на Стратешките ракетни сили на Русија.

Местото за лансирање е област во близина на селото Свободни, Свердловска област, Русија. Дострелот на тристепената ракета е повеќе од 10 илјади километри.

Телата на лидерот на Хамас во Газа, Мохамед Синвар, и десет негови соработници беа пронајдени во тунел во Кан Јунис, објави саудискиот телевизиски канал Ал-Хадат, повикувајќи се на извори.

Ал-Хадат, исто така, објави дека командантот на бригадата Рафах, Мохамед Шабана, е убиен во израелските напади заедно со Синвар.

Пред приближно пет дена, Израелските одбранбени сили и Шин Бет извршија прецизен напад врз милитантите на Хамас кои беа лоцирани во командно-контролен комплекс во подземната инфраструктура под Европската болница во Кан Јунис. Целта на нападот бил Синвар, според Ал-Хадат.

☪️ 🇮🇱 Israel’s attack on a command building in the European Hospital complex in Khan Yunis targeted Mohammed Sinwar, brother of Yahya Sinwar. The strike, like Operation New Order that killed Nasrallah, used dozens of bunker-busting bombs. pic.twitter.com/qjwUUZfpBp

— nextmars (@Nexttmars) May 14, 2025

Да потсетиме, Мохамед Синвар е палестински политичар и воен командант кој е лидер на Хамас во Појасот Газа од октомври 2024 година, откако неговиот брат Јахја Синвар беше убиен во израелско-хамасовата војна.

Роден е во 1975 година во бегалскиот камп Кан Јунис, а е познат и како водач на Бригадите Ал-Касам, военото крило на Хамас.

Синвар бил сведок на киднапирањето на израелскиот војник Гилад Шалит во 2006 година и преживеал повеќе обиди за атентат од страна на Израел.

Израелските служби го сметаа за еден од клучните организатори на нападот врз Израел на 7 октомври 2023 година и еден од најбараните лица во Газа, со награда од 300 илјади долари (269 илјади евра) за информации за неговото местоположба.