Македонија
Владата ги уверува граѓаните што сакаат да се вратат во земјата дека нема место за паника и загриженост
Владата редовно ја информира јавноста за начинот и организацијата како се вршат активностите за враќање на македонските граѓани што се најдоа во странски земји и прифаќањето во нашата држава за време на вонредната состојба предизвикана од коронавирусот. Место за паника и загриженост не треба да има бидејќи целата процедура се спроведува преку постапки и договори – од транспортот (авионски и автобуски) до нашата држава, превозот до објектот/хотел утврден како државен карантин и сместувањето во државниот карантин.
Организирање авионски превоз и пристигнување во нашата држава
Владата донесе уредба преку која граѓаните што пристигнуваат на граничните премини за влез во земјата ќе бидат транспортирани до државните карантини секој ден во 10 и во 20 часот. Затоа, Владата апелира до граѓаните кои мора да допатуваат во земјата да ги планираат своите пристигнувања на граничните премини непосредно пред посочените термини со цел да не се создава метеж и чекање.
За организираните летови Владата објавува јавни повици за организирање авионски превоз за македонските државјани што се во странство, а сакаат да се вратат во земјата. Повиците се подготвуваат по претходно добиена листа од Министерството за надворешни работи на пријавени патници, македонски граѓани со моментен престој во странство, а критериум за избор на најповолен понудувач е најниска цена.
Секој македонски граѓанин, кој се враќа во нашата земја со превозот организиран од Владата, има обврска самостојно да го плати авионскиот лет и за веќе утврдената процедура запознаени се сите патници.
Цената на летот од патник се дефинира кога ќе се затвори листата на патници од авион, а цената на летот се дели со бројот на патници и така се утврдува конечната цена што секој патник е должен да ја плати кога ќе пристигне во државата. За условите под кои се организираат овие летови, сите наши граѓани затекнати во други држави навреме и детаљно се информирани.
Ден претходно граѓаните што се враќаат во државата се контактирани од Министерството за надворешни работи и ги добиваат сите информации во врска со превозот и со државниот карантин, вклучително и цената и условите за превозот.
Сместување во државен карантин без никаков финансиски надомест
Еден од условите за спроведување на овие летови е обврската на граѓаните да потпишат договор за исполнување на нивниот дел од обврските и да прифатат да бидат сместени во државен карантин во објект што го обезбедува Владата, без никаков финансиски надомест, како и да ги намират трошоците за авионскиот превоз.
Транспорт од аеродромот до локацијата за државен карантин во безбеден и строго контролиран автобуски превоз
При слетувањето на аеродромот патниците добиваат информација кон кој број на автобус треба да се упатат и на која локација со обезбеден државен карантин ќе бидат превезени.
Автобусите се со дезинфицирана внатрешност од страна на сертифицирана компанија, обезбедени со полициска придружба, а возачите се со целосна заштитна опрема и скафандери. За граѓаните има обезбедено закуска и вода.
Сместување во безбедни и строго контролирани државни карантини
За нашите граѓани обезбедено е сместување во безбедни и строго контролирани државни карантини со капацитет од 2.104 легла во моментот во целата држава, во 19 сместувачки објекти. За секој граѓанин сместен во државен карантински објект, направена е епидемиолошка анкета и определен е соодветен режим во карантинскиот објект, кој е целосно безбеден и строго контролиран и надгледуван од полицијата и војската.
Ниту еден граѓанин сместен во државен карантин во периодот од 14 дена не смее да ја напушти собата во која престојува, не смее да го напушти ниту објектот. Овие граѓани не се закана за никого.
Владата објави јавен повик за изразување интерес за сите хотели во државата што имаат повеќе од 50 легла, а хотелите што ќе ги стават своите капацитети на располагање треба да обезбедат три оброци дневно за секој граѓанин кој ќе користи легло, како и одржување на хигиената во хотелот.
Напуштање на објектите определени за државен карантин
Нашите граѓани сместени во објектите определени за државен карантин ги напуштаат 14-тиот ден од сместувањето. Тие ги напуштаат објектите со сопствен превоз или превоз што самите го имаат обезбедено.
Вработени во МВР и АРСМ, кои се задолжени за спроведување на редот и дисциплината во објектите, го воспоставуваат редот и на напуштање, при што лицата се отпуштаат според бројот на собата во која се сместени, без да дојде во контакт помеѓу сместените лица, односно соба по соба. При напуштање на објектите секое лице добива потврда дека бил сместен во карантин, потпишана од генералниот секретар на Владата и од објектот во кој биле сместени.
Превоз од објектите за државен карантин до локацијата за самоизолација
Отпуштањето на лицата сместени во објекти во државен карантин се врши по стапување во сила на полицискиот час, со цел полесно контролирање на движењето на лицата што го напуштаат објектот, за нивна и за безбедност на другите.
МВР ги најавува сите возила со кои се врши превоз на лицата што се отпуштаат од државниот карантин, со цел непречено движење до објектот каде што лицето ќе биде во самоизолација.
Лицето што го напушта објектот за државен карантин се превезува сам во возилото или заедно со лицето со кое било во соба, на задното седиште во превозното средство, во случај кога возилото го управува друг, при што сите лица во возилото задолжително носат заштитна маска и ракавици. Не е дозволено превезување повеќе лица (групирање) заради користење заеднички превоз, освен кога станува збор за семејство, кое самоизолацијата ќе ја вршат на иста адреса.
Задолжителна самоизолација во траење на 14 дена по напуштањето на државниот карантин
Лицата што го напуштаат државниот карантин задолжително спроведуваат самоизолација во траење 14 дена во согласност со упатството за спроведување државен карантин по донесена одлука на Владата.
При напуштање на државниот карантин лицата потпишуваат два примерока од изјавата за самоизолација (еден за Министерство за здравство, втор за Министерството за внатрешни работи), на кои се потпишуваат одговорниот лекар присутен за време на напуштањето и одговорниот од МВР. Пред напуштање на државниот карантин се врши проверка на здравјето на лицата сместени во државен карантин и доколку се утврдат симптоми на Ковид-19, се постапува во согласност со донесените протоколи од Министерството за здравство.
Здравјето на граѓаните е најважно
Здравјето на граѓаните и неговата заштита во оваа ситуација се најважни, важно е и нашите граѓани што биле во странство да се прифатени во Северна Македонија на највисоко ниво, затоа Владата секојдневно носи мерки, препораки, заклучоци и уредби, со цел да им се излезе во пресрет на граѓаните и да им помогне да го сочуваат здравјето. Во оваа насока се и построгите ограничувања на движењето на граѓаните за да имаме помалку новозаболени и починати, сè повеќе излекувани и побргу како земја да излеземе од кризата со коронавирусот, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
По 100 дена мандат, Ѓорѓиевски порача: „Скопје повторно почна да дише“
Градоначалникот на Град Скопје, Орце Ѓорѓиевски, објави отчет за првите 100 дена од мандатот, наведувајќи дека ја презел функцијата во услови на, како што рече, „град на раб на финансиски колапс – празна каса, блокирани сметки, јавни претпријатија со неисплатени плати, систем без дисциплина и долг од речиси 300 милиони евра“.
„Тотален колапс! Институции што одамна престанале да работат во служба на граѓаните“, наведува градоначалникот, додавајќи дека добил доверба од граѓаните и дека „таа доверба нема да биде изневерена“.
Според него, за три месеци се намалени обврските за повеќе од 40 милиони евра преку кратење на непродуктивни трошоци и воведување финансиска дисциплина, а стабилизирана е и исплатата на платите во јавните претпријатија.
Ѓоргиевски информира дека биле отстранети над 600 фиктивно вработени кои со години земале плата без да доаѓаат на работа, како и дека е спроведена акција за чистење во која, како што наведува, учествувале над 2.500 луѓе, стотина возила и биле отстранети повеќе од 4.500 тони отпад за 72 часа.
„Скопје повторно почна да дише“, наведува тој.
Градоначалникот посочува дека се деблокирани клучни инфраструктурни проекти, меѓу кои клучката кај „Момин Поток“, булеварот „Македонија“ со подземната сообраќајница, улиците „Љубљанска“ и „Перо Наков“, како и реконструкцијата на „Фрањо Клуз“.
Почнува изградба на нови кружни текови, булевари и монтажни катни гаражи, како и доизградба на булеварот „Борис Трајковски“.
Во делот на јавниот превоз, наведува дека со поддршка од Владата се работи на модернизација со нови еколошки автобуси и проекти за современ транспорт.
Ѓоргиевски информира и за уредување нови зелени површини, расчистување на Вардариште, изградба на Луна парк, како и за набавка на нов мебел, компјутери, интерактивни табли и прочистувачи на воздух за средните училишта. Посочува дека Скопје останува Европска престолнина на културата 2028.
Во обраќањето тој наведува дека буџетот за 2026 година е повисок и развоен, со рекордни капитални инвестиции во образование, култура, инфраструктура и животна средина.
„Наследивме долгови, но градиме стабилна иднина. Наследивме хаос, но воспоставуваме систем и ред. Наследивме разочараност, но ја враќаме надежта и достоинството“, наведува градоначалникот.
Ѓоргиевски упати благодарност до Советот на Град Скопје, до својот тим и до премиерот Христијан Мицкоски, наведувајќи дека „со дела, како никој во минатото покажа што значи вистинска грижа за граѓаните и вистинска поддршка за Скопје“.
Македонија
Промовирани првите акредитирани учебници по психијатрија
Амфитеатарот на Медицинскиот факултет во Скопје денеска беше полн – претставници од Министерството за здравство, деканот и продеканите на Медицинскиот факултет, раководители на катедри, голем број професори, доктори, специјализанти и претставници на студентски организации присуствуваа на свечената промоција на првите акредитирани учебници по психијатрија, со што се испиша историја во македонската психијатрија.
Уредници на првиот акредитиран учебник „Психијатрија“ се проф. д-р Славица Арсова Хаџи-Анѓелковска, проф. д-р Антони Новотни и проф. д-р Димитар Боневски. Тие се и автори на учебникот „Медицинска психологија и социологија“, заедно со Андромахи Наумовска, виш научен соработник.
Промоцијата на двата учебника ја отвори деканот на Медицинскиот факултет, проф. д-р Светозар Антовиќ, кој рече дека учебниците ќе остават траен белег во наставата по психијатрија и ќе претставува значаен чекор напред во развојот на психијатриската наука во Македонија.
„Ова е историски момент, затоа што се темели на основите поставени од нашите професори од почетоците на психијатријата во Македонија. Ова се први учебници што се акредитирани и имаат академско, научно и практично значење“, рече Арсова Хаџи-Анѓелковска, директорка на Клиниката за психијатрија и автор на учебниците.
„Информации има насекаде, често расфрлани, без контекст, без тежина, без проверка. Учебникот е нешто сосема друго – тоа е знаење, со вткаено искуство, структура, логика, клиничко размислување, сомнежи, одговори, приоритети – тоа е учебникот што се обидувавме да го направиме и се надевам така ќе го доживеат нашите колеги“, рече во своето обраќање проф. д-р Антони Новотни.
Во однос на учебникот по „Медицинска психологија и социологија“, авторите кажаа дека станува збор за издание кое треба да го прочита секој доктор, бидејќи станува збор за водич за целосно разбирање на пациентите – како личност со своја историја, ставови, надежи и ресурси и дека тука лежи суштината на медицинската психологија – во спојот меѓу науката и човечноста.
Во знак на благодарност за минатиот труд и придонес во развојот на катедрата и наставата, директорката на Универзитетската клиника за психијатрија, Славица Арсова им додели благодарници на професорите во пензија од Универзитетската клиника за психијатрија и на рецензентите, за значаен придонес во развојот и унапредувањето на психијатријата.
Со издавањето на новите учебници, заокружени со денешниот настан, македонската психијатрија добива институционална зрелост – формализирана, акредитирана и систематизирана во сопствено академско издание.
Македонија
Сиљановска-Давкова прими претставници на „Стоп за Усје“
Претседателката, Гордана Сиљановска-Давкова, прими претставници на граѓанската иницијатива „Стоп за Усје“, кои ги образложија нивните ставови врзани за влијанието на цементарницата Усје врз квалитетот на воздухот и здравјето на луѓето.
Истакнувајќи ги своите барања, тие укажаа на потребата од воспоставување мерни станици со 24/7 мерење на загадувачките супстанци, целосна транспарентност на добиените податоци, како и усогласување со препораките на Светската здравствена организација за граничните вредности на ПМ10 честичките.
Претставниците на граѓанската иницијатива „Стоп за Усје“ споделија компаративни примери од други држави каде што пропишаните параметри се пониски од македонските.
Според нив, наместо да се ангажираат приватни акредитирани лаборатории за независни мерења, треба час поскоро да се забрза процесот на акредитација на државната лабораторија.
За нив, неопходна е поголема институционална поддршка и очекуваат надлежните, доследно, транспарентно и неодложно да ги извршуваат законските обврски во интерес на заштитата на животната средина и здравјето на граѓаните.
Претседателката, пред сè како граѓанка, ја сподели загриженоста за загадувањето на воздухот, почвата и водите, како едно од најгорливите прашања.
Сиљановска-Давкова ги сослуша аргументите и истакна дека со внимание ги следи нивните активности насочени кон поздрава и побезбедна животна средина, како врвен национален приоритет.
Таа потсети дека не случајно го именувала за член на Советот за безбедност, професор и научник од областа на метеорологијата и климатските промени, д-р Спиридонов.
Соговорниците се согласија дека животната средина е заедничка одговорност и стратешка определба, оти е неопходен континуиран дијалог меѓу граѓанските организации, институциите и стопанските субјекти заради креирање одржливи и долгорочни решенија, како и дека Собранието треба, согласно Деловникот, да ги отвори портите за нив во расправата за законите од областа на животната средина и вршењето на надзорната функција.
По 100 дена мандат, Ѓорѓиевски порача: „Скопје повторно почна да дише“
Градоначалникот на Град Скопје, Орце Ѓорѓиевски, објави отчет за првите 100 дена од мандатот, наведувајќи дека ја презел функцијата во...
Донесени пресуди за случајот „Премин“, обвинителството најави жалба
Денеска, во Основниот кривичен суд Скопје, беше објавена неправосилна пресуда во предметот со кодно име „Премин“, застапуван од Специјализираното одделение...
Поранешен градоначалник на Росоман исплатил личен долг од 500.000 денари од општинскиот буџет
Полицијата поднесе кривична пријава против С.Н.(29) од Росоман поради постоење основи за сомнение дека сторил кривично дело „злоупотреба на службената...
Сиљановска – Давкова: Имаме најмало и најстаро владино авионче во регионот, секогаш имам дилема дали да летам со него
Претседателката, Гордана Сиљановска – Давкова, призна дека секогаш има дилема кога треба да се вози со владиниот авион затоа што...
Семејството на Мицкоски никогаш не го користело владиниот авион, ама затоа Заев бил со семејството на одмор во Амстердам, велат од ВМРО-ДПМНЕ
Семејството на премиерот Христијан Мицкоски никогаш не го користело владиниот авион. Но, очигледно е дека работи фројдовскиот елемент кај СДС,...
Кривични против претседатели и вработени во Здружението на инвалиди на трудот – Штип, си присвоиле над 300.000 денари
Полицијата поднесе кривични пријави против поранешни претседатели и вработени во Здружението на инвалиди на трудот – Штип за сторени продолжени...
Сопствениците на кучиња да го почитуваат законот и да ги микрочипираат милениците, апелира АХВ
Агенцијата за храна и ветеринарство (АХВ) апелира до сопствениците на домашни миленици – кучиња за исполнување на законската обврска за...
Николоски: Воведовме 23 нови линии во авиосообраќајот, имаме рекордна бројка на патници, а годинава очекувам да порасне над 4 милиони патници
Од изборот на Владата до денес имаме нови 23 директни летови, охридскиот и скопскиот аеродром поминаа 3,5 милиони патници, оваа...
(Видео) Зеленски: Десетици илјади Украинци загинаа за Донбас, не се работи за земјата, туку за луѓето
Претседателот Володимир Зеленски вчера повтори дека Украина нема да отстапи територија на Русија, ниту да се повлече од областите што...
(Видео) Дете висеше од ски-лифт на Јахорина па падна, скијачите се обидоа да го фатат
Вчера, дете падна од жичницата на планината Јахорина во Босна и Херцеговина откако некое време висеше држејќи се за седиштето....
Утре прв состанок на Одборот за мир на Трамп
Американскиот претседател Доналд Трамп утре ќе претседава со првиот состанок на Одборот за мир, во сенка на нерешени прашања за...
Една третина од американската морнарица е во близина на Иран: објавено кога би можел да започне нападот
Американската војска е подготвена да го нападне Иран уште овој викенд, иако претседателот Доналд Трамп сè уште не донел конечна...
Сообраќајот на патниот правец Скопје – Велес е нормализиран во двете ленти
Сообраќајот на патниот правец А1 Скопје – Велес е нормализиран во две коловозни ленти, извести АМСМ. Интензитетот на сообраќај на...
(Видео) Една од најсмртоносните лавини во историјата на САД: oсум скијачи загинаа, еден е исчезнат
Осум скијачи загинаа, а еден е исчезнат во лавина во планините Сиера Невада во Калифорнија, соопштија властите во среда, во...
Законот за високо образование нема да биде повлечен, јавнaта расправа продолжува
Министерката за образование и наука Весна Јаневска на пленарна седница изјави дека нема да го повлече нацрт-законот за високо образование....
Гоце Наумовски стана нов уставен судија
Собранието со 63 гласа „за“, седум „против“ и без воздржани го избра професорот Гоце Наумовски за нов уставен судија, по...
Владата нема да купува нов авион: ќе се повлечеме од набавката и ќе се молиме да останеме живи, вели Мицкоски
Владата се откажа од набавка на нов авион на што се одлучи оти стариот е дотрајан и претставува голем трошок...
(Видео) За Мицкоски контролата на цените не е популизам, туку заштита на граѓаните, најави праведност и кон оние што се обидуваат да профитираат од кризите и кон оние што избегнуваат обврски
Денешната конференција за формализирање на неформалната економија не е само експертска расправа. Таа е разговор за праведност во општеството. За...
(Фото) Изгореа викендица и куќа, се запали оџак: три интервенции на струмичките пожарникари
Струмичките пожарникари денеска уште во раните утрински часови имаа три интервенции. Во 06.55 часот, во излетничката населба Суви Лаки, запалена...
„Парите за боледувања доцнат – дали Клековски манипулира дека се редовни или фондот е празен“, прашува Левица
„Изминатиот период сѐ повеќе граѓани нѐ информираат дека одреден период Фондот за здравствено осигурување не врши навремена исплата на средства...
