Свет
Училиштата во Њујорк ќе останат затворени до крајот на школската година
![](https://makfax.com.mk/wp-content/uploads/2020/04/uciliste-vo-nujork.jpg)
Градоначалникот на Њујорк, Бил де Бласио, рече дека јавните училишта во градот ќе останат затворени до крајот на учебната година поради епидемијата на коронавирус.
„Тешко ми е што морам да ви кажам дека нема да бидеме во можност да ја организираме работата во училиштата до крајот на годината, но можам да ви кажам дека тоа е вистинската работа која треба да се направи во ваква ситуација“, рече Де Бласио на прес-конференција.
Тој на 16 март донесе одлука за затворање на јавните училишта со цел да се спречи ширењето на вирусот, а според првичниот план училиштата требаше да бидат повторно отворени до 20 април.
Сепак, градоначалникот вели дека сега е јасно оти ваквата поставената цел била нереална бидејќи Њујорк е главно жариште на епидемијата во САД.
Според универзитетот Џон Хопкинс, во САД, коронавирусот е потврден кај 501.680 лица, додека 18.780 починале.
Во градот Њујорк има 5.820 потврдени смртни случаи од Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Израелските сили ги нападнаа северниот и јужниот дел на Газа, а борбите продолжија во текот на ноќта
![](https://makfax.com.mk/wp-content/uploads/2024/06/вцв.jpg)
Израелските сили денеска нападнаа неколку области низ Газа, а жителите известија дека борбите продолжиле во текот на ноќта во Рафах на југот од палестинската енклава.
Жителите изјавија дека борбите се интензивирале во населбата Тел Ал Султан во западниот дел на Рафах, каде тенкови се обидувале да се пробијат на север, пренесува Ројтерс.
Претходно денеска во израелски напад загинаа тројца Палестинци во близина на кампот Џабалија.
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.