Забава
Рита Ора порано била исмејувана дека е мигрант
![](https://makfax.com.mk/wp-content/uploads/2020/04/20200409_rita_bang-1.jpg)
Британската пејачка по потекло од Косово, Рита Ора, тврди дека во минатото била исмејувана од своите врсници поради тоа што таа и нејзините родители имале статус на бегалци.
Хитмејкерката дошла во Велика Британија како новороденче од Косово, кога нејзините родители избегале од конфликтите што го обележаа распадот на Југославија во раните 90-ти.
И иако Рита пораснала во Нотинг Хил, Лондон, таа сепак се соочила со предрасуди од луѓето околу неа, кои го користеле зборот бегалец како навредлив термин.
„Нашите родители нè научија да се бориме за она што го сакаме, да работиме напорно и да продолжиме да одиме напред без оглед на околностите. Тие го избраа Лондон затоа што татко ми ја сакаше музиката и културата, но започнувањето нов живот беше исклучително тешко.
29-годишната пејачка текстописец вели дека растењето ѝ било тешко и дека се дружела со деца на странци затоа што имале нешто заедничко.
„Растењто беше тешко, имаше многу предрасуди. Честопати бев нарекувана бегалец на навредлив начин, сепак, имав многу пријатели странци и сите се дружевме – добра конекција заснована на различности. ”
Рита честопати патува во родното Косово и вели дека е горда на своето наследство.
Во разговор со „Вог Арабија“, таа вели: „Косово секогаш ќе биде наша татковина и ние секогаш ќе бидеме горди на нашето потекло. Јас се чувствувам понизна што сега ќе можам да се вратам во мојата земја како почесен амбасадор.“
„Секогаш кога имаме можност ние се враќаме таму со моето семејство,“ вели Рита во интервјуто за „Вог Арабија“.
Рита на своите родители им купи луксузна вила во Приштина, вредна 1.7 милиони британски фунти. Таа неодамна изјави дека родителите Бесник и Вера се најзаслужни за нејзиниот планетарен успех.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.
Забава
Ортега призна дека ѝ е тешко да се справи со славата: „Тоа е страшно чувство“
![](https://makfax.com.mk/wp-content/uploads/2024/09/39915bbe-69d4-4b14-b543-9a6ffc626f0a.jpg)
Џена Ортега, ѕвездата на новото продолжение на „Бубимир“, откри дека тешко се справува со славата.
Ортега, која се прослави со улогата во серијата на Тим Бартон во средата, ја почна својата кариера на 10-годишна возраст во серијата „Заглавени во средината“ на каналот „Дизни“ и во хит-серијата Jane the Virgin, а глумеше и во филмот Iron Man 3“.
21-годишната актерка во интервју за МТВ зборуваше за својата почит и восхит кон колешката Винона Рајдер, ѕвезда на филмот „Бубимир“ од 1988 година, која исто така се појавува во продолжението.
Ортега објасни како разговарала со актерката за сличностите меѓу нив. Имено, и Рајдер ја почнала својата кариера на рана возраст. На 15-годишна возраст глумела во филмот „Лукас“ од 1986 година, а наполнила 16 години за време на снимањето на „Бубимир“.
„Седнавме и разговаравме за тоа долго време. И тоа е навистина, навистина охрабрувачко и утешно, особено затоа што кога го снимавме продолжението на ‘Бубимир’, немаше ниту една година откако излезе, па сè беше уште ново“, изјави Ортега и објасни дека не е лесно да се справиш со славата.
„Тоа е страшно чувство. И не го велам тоа за да се пожалам. Се случуваат многу работи. И, дефинитивно, е приспоосбување“, признала таа.
„Многу сум благодарна што сум таму каде што сум, а и Рајдер ми го кажа тоа. Не знам, тоа беше една од работите околу кои се врзавме“, рече таа.
Во новото продолжение на „Бубимир“ играат и Мајкл Китон, кој повторно се најде во главната улога, и Кетрин О’Хара, која исто така глумеше во филмот од 1988 година.