Свет
Истражување на „Оксфорд“: Кои земји имаат најстроги мерки во борбата против Ковид-19
![](https://makfax.com.mk/wp-content/uploads/2020/04/13-oxford-2.jpg)
Според истражувањата на научниците од угледниот универзитет „Оксфорд“, Хрватска, Србија и Словенија имаат најстроги мерки за заштита од пандемијата на Ковид-19 во светот, пренесува „Спутник“.
Максимални 100 бода на скалата на строгост на мерките според „Оксфорд“ имаат Хрватска, Србија, Словенија, Индија, Пакистан, Сирија, Виетнам, Шри Ланка, Тунис, Уганда, Јужноафриканската Република, Боцвана, Мадагаскар, Хондурас и Костарика.
Најмалку бодови има Кина (42,86), земјата во која избувна епидемијата и која имаше стотици милиони луѓе под некаква форма на карантин, но во меѓувреме наводно ја сузбила епидемијата и го укина карантинот иако веќе се наѕира почетокот на вториот бран на епидемијата.
Најпозната по своите благи заштитни мерки е Шведска, која пред една недела имаше 42,86 бода, но во меѓувреме ги заостри мерките поттината од бројот на починати, па на 6 април имала 52,38 бода.
Освен Шведска и Кина, исклучително благи мерки имаат и Замбија (47,62), Гватемала (52,38), Романија (57,14) и Кенија (59,52 бода), а релативно благи мерки имаат Боливија (61,9), Алжир (61,9), Монголија (61,9), Чад (66,67), Колумбија (66,67), Јапонија (66,67), Гана (66,67) и САД (66,67).
Треба да се нагласи дека за некои земји нема достапни податоци за заштитните мерки вклучувајќи го и Туркменистан, чиј режим забрани дури и да се споменува коронавирусот во јавност, и Белорусија, чиј претседател Александар Лукашенко изјави: „Тука нема вируси. Не ги гледам“.
За сеопфатна евалуација на одделни национални стратегии, ќе треба да се почека крајот на пандемијата и да се спореди вкупниот број заболени, хоспитализирани и починати, во споредба со вкипниот број на населението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Џjинпинг: Русија и Кина мора да го задржат пријателството во тешка глобална ситуација
![](https://makfax.com.mk/wp-content/uploads/2022/12/4fea1492-8775-40f1-b2a0-d3fc7f291075.jpg)
Кинескиот претседател Шји Џјинпинг ги повика Кина и Русија да продолжат да ги координираат развојните стратегии и меѓународната стратешка координација и да останат посветени на пријателските односи во тешката ситуација во светот.
На состанокот одржан во средата со рускиот претседател Владимир Путин пред 24-тиот состанок на Советот на шефови на држави на Шангајската организација за соработка (ШСО) во Астана, Шји истакна дека Путин остварил успешна државна посета на Кина овој мај, велејќи дека двете страни работеа заедно на правење планови и аранжмани за идниот развој на билатералните односи.
„Соочени со меѓународна ситуација оптоварена со турбуленции и промени, двете земји треба да продолжат да го поддржуваат стремежот за трајно пријателство и да се држат до својата решеност да бидат од корист за луѓето“, рече Шји.
Тој ги повика Кина и Русија континуирано да ја зачуваат уникатната вредност во односите и да ја истражуваат „внатрешната движечка сила на билатералната соработка“, како и да ги заштитат легитимните права и интереси, како и основните норми на меѓународните односи, пренесува „Ксинхуа“.
„Кина ја поддржува Русија во исполнувањето на нејзините обврски како претседавач со БРИКС, обединување на глобалниот југ, спречување нова студена војна и спротивставување на нелегалните еднострани санкции и хегемонија. Кина и Русија треба да продолжат да ја зајакнуваат сеопфатната стратешка координација, да се спротивстават на надворешното мешање и заеднички да го чуваат регионалниот мир и стабилност“, рече кинескиот претседател.
Свет
Бајден откри дали ќе се повлече од кампањата: „Не си одам, никој не ме брка, во трка сум до крај и ќе победиме“
![](https://makfax.com.mk/wp-content/uploads/2024/07/1719542513-12331937-1024x683.jpg)
Американскиот претседател Џо Бајден ги отфрли гласините дека има намера да се откаже од својата кандидатура за претстојните избори и истакна дека е подготвен да победи во ноември.
„Да го кажам ова најјасно што можам: се кандидирав, никој не ме брка. Јас не си одам. Во оваа трка сум до крај и ќе победиме“, рекол претседателот, пренесува АП.
Како што беше најавено претходно денеска, демократските гувернери на Њујорк, Минесота и Мериленд ја поддржаа кандидатурата на претседателот Џо Бајден за претстојните избори во Соединетите Американски Држави.
„Претседателот отсекогаш ни го чувал грбот. Ние ќе се грижиме и за неговиот“, изјави гувернерот на Мериленд, Вес Мур за новинарите по средбата со Бајден и потпретседателката Камала Харис во Белата куќа, на која присуствуваа 24 демократски гувернери.
Гувернерката на Њујорк, Кети Хочул рече дека сите гувернери му ветиле поддршка на Бајден.
„Претседателот учествува во трката за да победи“, истакна таа.
Свет
Соборен 21 руски дрон, соопшти Украина
![](https://makfax.com.mk/wp-content/uploads/2024/07/tr.jpg)
Украина во текот на ноќта собори 21 руски дрон Шахед, додека руските сили тврдат дека контролираат дел од градот Часов Јар.
Украинската воздушна одбрана собори беспилотни летала во шест региони во северна и централна Украина, соопшти денеска Военото воздухопловство, пренесува Ројтерс.
Гувернерот на северниот регион Чернихив изјави дека повеќе од 5.000 домаќинства во регионот се без струја.