Македонија
Арсова: Мијте ја косата, коронавирусот се пренесува и преку неа

„Ковид-19 може да се пренесе на косата, со допир или по пат на капки во воздухот“, вели трихологот д-р Елена Арсова. Таа потенцира дека треба да бидете внимателни, на пример, додека чекате во редот во маркет да не ја допирате косата, но исто така да внимавате да бидете на дистанца од другите на 2 метра.
Освен што треба да ги миете рацете, треба да ја миете и вашата коса доколку сте биле излезени надвор од својот дом. Со самиот факт дека речиси секоја жена несвесно констатно ја допира својата коса, со тоа и ги зголемува можностите за пренос на вирусот.
„Коронавирусот ни е познат само неколку месеци, така што немаме доволно информации за неговиот капацитет на преживување. За сега е познато дека може да остане активен во воздухот неколку часа, а на разни површини до неколку дена. Иако уште нема точни информации за тоа колку долго може да опстане на косата, но факт е дека може да преживее на влакното пократко отколку на мазни површини. Сепак, вирусот може да се пренесе од коса на лицето, носот или очите на два начина: кога прамните коса ни паѓаат директно на лицето или кога со прстите ја допираме косата, а потоа лицето, носот или очите“, објаснува д-р Елена Арсова, трихолог и сопственик на Hair Clinic Beograd, и потенцира дека вирусот најчесто се пренесува преку прстите бидејќи во текот на денот со прстите допираме најмногу површини, несвесно, а потоа своето лице.
Миењето на рацете со сапун е најдобар начин да го деактивирате коронавирусот, дури поефикасен од употреба на средства за дезинфекција. На ист начин со миењето на косата со адекватен шампон можете да го уништите Ковид-19 на влакното.
„Важно е кога ќе избирате шампон за вашата коса, треба да го земете оној што содржи SLS (Sodium Laureth Sulphate), кој е одличен сурфактант. Сурфактанти се молекули што имаат амфифилни својства, односно врзуваат и масти и вода. На пример, ако во еден сад ставиме масло и вода, тие нема да се помешаат. Но, ако додадеме детергент, сапун или шампон, ќе дојде до дисперзија на маслото затоа што амфифлите фактички го разградуваат маслото на мали честички“, додава Арсова.
Таа препорачува да останете дома, сè што ви е потребно да го набавите онлајн и така сите заедно да го победиме Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Митески: Наместо Градот, ние го собираме отпадот во Аеродром

Кандидатот за градоначалник на општина Аеродром, Дејан Митески, изјави дека општината самоиницијативно се справува со зголемените количества отпад, иако надлежноста за комуналната чистота е на Град Скопје.
„Сликата е жалосна во цело Скопје, но ние во Аеродром не чекаме – дневно депонираме повеќе од 10 тони отпад во Дрисла,“ изјави Митески.
Тој нагласи дека, пред да се воведат казни, неопходно е граѓаните да имаат услови каде да го одлагаат отпадот.
„За првпат како општина воведовме редовни акции коишто траат два месеци на пролет и на есен за одлагање на кабаст отпад, понудивме услуга преку нашето јавно претпријатие да може на повик, граѓаните дојдат и го депонираат отпадот за симболичен надоместок, за првпат лиценциравме јавно комунално претпријатие коешто може да одвезува и да транспортира неопасен отпад“, рече Митески.
Во гостување на Телма, тој додаде дека Аеродром веќе има лиценцирано јавно комунално претпријатие што може да одвезува и транспортира неопасен отпад.
Покрај тоа, Митески најави и дел од инфраструктурните и еколошките проекти од програмата – топлификација на Лисиче, нов културен дом и зелена офанзива со засадување нови садници во соработка со инвеститорите.
Македонија
Во тек голема акција: Финансиската полиција ја тресе прилепската болница, има приведени

Во тек е голема акција на финансиската полиција во Прилеп, поврзана со сомнежи за криминал во работењето на прилепската болница.
Според информациите за „Макфакс“, приведени се повеќе лица кои раководеле со болницата.
Од Основното јавно обвинителство, попладнево, соопштија дека Финнсиската полиција постапува по нивна наредба.
„Се преземаат дејствија во врска со постапка за наводи против повеќе лица за злоупотреби во работењето на прилепската болница. Акцијата е во тек“ соопштија од Обвинителството.
Повеќе детали ќе бидат познати во текот на утрешниот ден.
Македонија
Мециновиќ: Не планирам да водам деструктивна политика, ќе соработувам со сите советнички групи

Кандидатот за градоначалник на Скопје од Левица, Амар Мециновиќ, на првата прес-конференција по почетокот на вториот изборен круг обвини дека Левица е неправедно исклучена од медиумскиот простор, откако АВМУ не ѝ дозволи политичко рекламирање.
Според него, со тоа, нанесен е удар врз демократијата, но најавува позитивна и проактивна кампања, иако, како што рече, условите не се рамноправни.
„Јас не сум најпаметен, ниту најдобар од сите скопјани“, рече тој. „Но знам дека скопјани заслужуваат град каде што нивниот глас нешто значи. Локалната политика е нашето секојдневие: улиците, воздухот, јавниот превоз, зеленилото. Тие работи не смеат да зависат од партиски договори“.
Тој порача дека нема да води деструктивна политика и ќе соработува со сите советнички групи. Нагласи и дека проблемите во претходниот мандат произлегле од партиски суети и лични конфликти. Ги повика и разочараните граѓани да излезат на гласање:
„Овојпат изборот е реален – старите партии веќе не се најголемиот фактор.“
На крај, му порача на својот противкандидат: „Подготвен сум на дебата, па и на јавен дуел под отворено небо. Нека народот нè слушне и избере.“