Македонија
Нови регионални благајни на државна лотарија за исплата на добивки над 5.000 денари
Државна лотарија, со цел да одговори на барањата на играчите, отвора нови регионални благајни за исплата на добивки од игрите на среќа Лото7, Џокер и инстант лотарија, во вредност над 5 000 денари.
Во мапата на благајни на Државна лотарија, покрај двете благајни во Скопје и благајната во Кочани, се впишуваат Неготино и Кичево кои ќе функционираат како уплатно-исплатни места, односно, како регионални благајни 2 дена во неделата
– вторник и четврток во период од 10.00 до 13.00 часот во:
• Неготино ул. „Партизанска“, бр 2 (во центар на градот)
• Кичево бул. „Ослободување“ бр 32 ( на главна улица)
Со оглед на вонредната состојба во државата, отворени се и благајни од времен карактер во Битола и Струмица., кадешто во соработка со деловни соработници, Државна лотарија ќе врши исплата на добивките од игрите на среќа еднаш неделно
– среда од 10:00 до 13:00 часот во:
• Битола, продажно место „ВАГАБОНТ“,ул: „Широк сокак“ бр.51
• Струмица, продажно место „КРЕЧЕВИ“, бул. „Маршал Тито“ бб (до Тинекс маркет),
Целта на отворање регионални благајни е да се излезе во пресрет на играчите ширум земјата, да се намалат нивните трошоци за подигање на добивките а да се зголеми задоволство од учеството во игрите на среќа на Државна лотарија. Играчите кои оствариле добивка на игрите на среќа коишто ги приредува Државна лотарија: Лото 7, Џокер и Инстант лотарија, во износ и над 5.000 денари, за исплата на добивката веќе не мора да доаѓаат само на благајната во Скопје, од сега ќе може да се обратат и во регионалните благајни во Кочани, Неготино, Кичево, како и Струмица и Битола.
Благајните на Државна лотарија во Кочани и Скопје (МТВ и Буњаковец), се отворени секој работен ден, од 10 – 14:00 ч.
Дополнителни информации, на броевите на контакт центарот: 02 323 7777 и вибер бројот 076 313 052, секој работен ден работи од 9 – 14.00, на www.loto.mk и социјалните медиуми на Државна лотарија..
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Аеродром и Шуто Оризари денеска без струја
Од ЕВН Македонија АД известуваат дека денеска без електрична енергија ке останат:
· од 09.00 до 11.00 часот корисниците, од булевар Јане Сандански бр. 30. (Општина Аеродром)
· од 09.00 до 11.00 часот дел од корисниците на ул. Индира Ганди. (Општина Шуто Оризари)
Македонија
Намалена видливост поради магла на Плетвар, Ѓавато и Пресека
Сообраќајот на државните патишта се одвива во зимски услови, по влажни коловози, на некои повисоки места со остатоци од кашест снег на коловозот по интервенција на дежурните екипи на ЈП МакедонијаПат.
Намалена видливост до 100 метри поради магла има на планинскиот превој Плетвар, Ѓавато и Пресека, извести АМСМ.
Од 05:25 часот на патниот правец P1105 Удово-Валандово има излевање на Калковска Река на коловозот, се воведува забрана за сообракајот на тој патен правец и се пренасочува на патниот правец Р1401 село Марвинци-Валандово.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Променливо облачно со повремен слаб дожд и ветер
Времето денеска ќе биде облачно со слаб ветер од променлив правец. Минималната температура ќе биде во интервал од -4 до 2, а максималната ќе достигне од 2 до 9 степени.
Во Скопје, променливо облачно со повремен слаб дожд. Минималната температура ќе се спушти до 2, а максималната ќе достигне до 7 степени.
Времето во наредните денови
Денеска наместа ќе има услови за слаби врнежи од дожд и снег. Потоа во следните два дена времето ќе биде променливо облачно со сончеви периоди. Нови врнежи од дожд, а на планините снег се очекуваат од четврток.

