Свет
СЗО: Ублажувањето на мерките против коронавирусот мора да биде постепено
![](https://makfax.com.mk/wp-content/uploads/2020/04/SZO.jpg)
Светската здравствена организација (СЗО) предупреди дека какво било ублажување на карантинските мерки против ширење на новиот коронавирус мора да биде постепено, затоа што доколку ограничувањата се намалат премногу брзо, инфекцијата ќе се повтори.
Мерките за карантин се покажаа ефикасни и луѓето треба да бидат подготвени за нов начин на живот за општеството да функционира додека коронавирусот е под контрола, рече Такеши Касаи, регионален директор на СЗО за западен Пацифик.
Ние треба да ги приспособиме нашите животи и здравствените системи на епидемијата, рече Касаи на прес-конференција.
„Барем додека не се појави вакцина или многу ефикасен лек, овој процес мора да стане нормален за нас“, истакна тој.
Владите сметаат дека укинувањето на мерките треба да се спроведе внимателно и во фази и да продолжи да се следи епидемиолошката состојба, рече тој.
„Поединците и општеството мора да бидат подготвени за нов начин на живот“, заклучи тој.
Иако западен Пацифик во последните неколку недели беше многу помалку зафатен од епидемијата од САД или Европа, бројот на заразени лица во Јапонија и Сингапур се зголеми, меѓу другите земји.
Касаи исто така предупреди дека пандемијата не треба да ги нарушува програмите за вакцинирање против други болести како што се детска парализа, сипаници или рубеола.
Во спротивно, западен Пацифик би можел да биде погоден од нова криза кога здравствените системи веќе се преоптоварени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) На протестите во Кенија полусестрата на Обама меѓу демонстрантите погодени со солзавец
![](https://makfax.com.mk/wp-content/uploads/2024/06/vvv.jpg)
Кениската активистка Аума Обама, полусестра на поранешниот американски претседател Барак Обама, била меѓу демонстрантите кои беа погодени со солзавец пред зградата на парламентот во Најроби.
Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот, а се јавува и дека загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.
.@LarryMadowo is live on scene as protests over a controversial financial bill escalate in the Kenyan capital of Nairobi.
He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e
— CNN International PR (@cnnipr) June 25, 2024
Законот сè уште треба да го одобри претседателот Вилијам Руто.
Свет
Убиени 10 членови на семејството на лидерот на Хамас: Израелските сили извршија воздушен напад врз неговата семејна куќа
![](https://makfax.com.mk/wp-content/uploads/2024/06/dfdszgg.jpg)
Израелските сили извршија воздушен напад врз семејната куќа на лидерот на Хамас.
Членовите на семејството на Исмаил Ханије, лидерот на Хамас, беа убиени за време на израелски воздушен напад врз нивниот дом во западниот град Газа, пишува The Times of Israel. Според извештаите, најмалку 10 членови на неговото семејство биле убиени, меѓу кои и неговата сестра.
Лидерот на Хамас ги загуби своите три сина во израелски напад врз нивниот семеен автомобил во кампот Шати на 10 април.
Потврдувајќи го нападот врз семејството Ханије и бројот на загинати, Хамас објави дека ја смета администрацијата на американскиот претседател Џо Бајден одговорна за продолжување на војната за „истребување“ против палестинскиот народ во Појасот Газа, пренесува Ал Џезира.
За време на израелскиот воздушен напад, беа погодени и две училишта кои се користеа како засолништа во населбата Ал-Дарај, во источниот дел на градот Газа, како и бегалски камп, при што загинаа неколку луѓе. Власите се уште не ја потврдуваат точната бројка на загинати и повредени.
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.