Македонија
Клиниката за инфективни болести: Мајката и бебето се добри, ќе бидат пуштени дома кога ќе бидат готови сите тестови
Клиниката за инфективни болести и фебрилни состојби информира дека мајката и четиримесечното бебе, кои веќе 14 дека се лекуваат во болницата, нема денеска да бидат пуштени дома поради очекување на резултатот од брисот земен од мајката. Според нив, она што е најбитно е дека и детето и мајката се во одлична здравствена состојба поради што ги демантираат информациите дека тие биле занемарени.
„Во целата оваа вонредна ситуација и напорот со кој се соочуваат вработените на Инфективната клиника во борбата со коронависурсот, досега за време на лекувањето на сите пациенти што лежеле на Клиниката со Ковид-19 не сме имале реакција или незадоволство од третманот од страна на Клиниката. Жалиме што ваков тип незадоволство го дознаваме од социјални медиуми, а не за време на лекувањето, кое во конкретната ситуација трае 14 дена. Во целост ги демантираме наводите на мајката со 4-месечното бебе, која тврди дека лежат во болница и ниту еден доктор за тоа време не дошол да им ги каже резултатите од тестовите за Ковид-19, се вели во реакцијата.
Од Клиниката појаснуваат дека на мајката во повеќе наврати ѝ е објаснета здравствената состојба на детето, како и потребата за земање два последователни бриса.
„Детето секој ден редовно се прегледува и најмалку трипати влегува дежурна лекарска служба. На мајката ѝ се обезбедуваат сите расположливи услови, од бокал за греење вода, козметика за бебето, снабдување со вода и други продукти, кои Инфективната Клиника ги добива како донација. Детето е интензивно контролирано по препорака од педијатар и покрај добрата клиничка слика“, велат надлежните.
Од Инфективната клиника додаваат дека денеска нема да бидат испишани од болницата, не поради детето, чии брисОви се негативни и комплетирани, туку поради очекување на резултатот на брисот од мајката.
„Она што е најбитно е дека и детето и мајката се во одлична здравствено состојба и доколку биле занемарени во третманот, ова немало да биде случај. Разбираме дека пациентите за време на долгото лекување го губат трепнието, но ние како здравствена установа мораме да се држиме до сите протоколи за болничко лекување и не смееме да испишуваме пациенти пред тие да бидат исполнети. Дополнително, управата на Инфективната клиника, следејки ги сите стандарди за професионално работење, ќе поведе интерна постапка за разрешување на состојбата со потенцирање дека се следат сите протоколи за болничко лекување на пациентите што лежат на Клиниката. Како Клиника максимално се залагаме да се почитува куќниот ред, со цел да се не се создава паника и да имаме поголема ефикасност во работењето“, се истакнува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Муцунски на средба со шефот на дипломатијата на Обединетите Арапски Емирати
Во рамки на официјалната посета на претседателот на Владата, Христијан Мицкоски, на Обединетите Арапски Емирати, министерот за надворешни работи и надворешна трговија, Тимчо Муцунски, како дел од владината делегација, вчера оствари средба со вицепремиерот и министер за надворешни работи на ОАЕ, Н.В. шеикот Абдула бин Зајед Ал Нахјан.
„На средбата беа потврдени добрите билатерални односи и конструктивната соработка помеѓу двете земји, при што беше истакната заемната заложба за нивно понатамошно продлабочување. Акцент беше ставен на потребата од интензивирање на меѓусебниот политички дијалог, како и на унапредувањето на економската и трговската соработка. Во таа насока, министерот Муцунски, во име на Владата, потпиша два меморандуми за разбирање – за економска соработка и за соработка помеѓу дипломатските академии на двете министерства за надворешни работи“, соопшти МНР.
На средбата била нагласена и важноста од интензивирање на контактите меѓу бизнис-заедниците и стопанските комори на двете земји, со цел поголема економска поврзаност и реализација на нови инвестиции. Покрај билатералните односи, соговорниците размениле мислења и за актуелните геополитички случувања во светот.
Македонија
Косовски државјанин приведен за поткуп на Блаце, му дал 10 евра на цариникот
Косовски државјанин е уапсен на ГП Долно Блаце за поткуп. Според информациите на МВР, тој во пасошот ставил 10 евра за граничарот кој вршел проверки.
„Вчеравечер околу 19.30 часот на Граничен премин Долно Блаце, на влез во државата, полициски службеници го лишиле од слобода Ш.Б.(51) од Косово поради постоење основи на сомнение за сторено кривично дело „давање поткуп“ од член 358 став 1 од Кривичниот законик“, соопшти МВР.
Имено, при гранична контрола, тој на увид дал документи за патничко возило „фолксваген голф“ со косовски национални ознаки, кое го управувал и во патната исправа ставил банкнота од 10 евра.
Известен е јавен обвинител и по целосно документирање на случајот ќе биде поднесена соодветна пријава.
Македонија
Герасимовски: Вложуваме во проекти што го градат културниот идентитет на Центар
Стручната комисија на општина Центар ги избра најквалитетните културни проекти што ќе добијат финансиска поддршка за 2025 година, преку Конкурсот за култура.
Поддржани се проекти од различни области: визуелна и изведувачка уметност, музика, литература, театар, филм, како и програми за деца, млади и ранливи групи.
„Продолжуваме со континуирана поддршка на креативни и значајни културни иницијативи, бидејќи веруваме дека културата е срцето и препознатлив белег на нашата општина. Кога ја презедов функцијата, буџетот за култура изнесуваше 3 милиони денари, за 2025 година тој е зголемен на 13 милиони денари“, истакна градоначалникот Горан Герасимовски.
Целта на конкурсот е да се поттикне креативноста во општината, да се збогати културниот живот и да се создадат подобри услови за уметниците, културните работници и здруженијата. Со оваа поддршка се овозможува реализација на нови културни содржини кои придонесуваат за поактивна и покреативна заедница.
Повеќе информации се достапни на официјалната веб-страница на Општина Центар.
Управувал возило под дејство на алкохол и без возачка, па лажно се претставил како вработен во АНБ: уапсен 31-годишник од Крива Паланка
Денеска во 02.30 часот на булеварот „Србија“ во Скопје, полициски службеници од СВР Скопје го лишиле од слобода 31-годишниот Б.Р....
Алијанса за Албанците не излегува од „Влен“, на изборите ќе оди со свои кандидати
Алијанса за Албанците останува во коалицијата „Влен“, но на локалните избори ќе излезе со сопствена листа на кандидати за советници....
(Видео) Бајден го одржа својот прв говор откако ја напушти Белата куќа: „Трамп пука, па нишани“
Поранешниот американски претседател Џо Бајден синоќа во Чикаго го одржа својот прв голем јавен говор откако ја напушти Белата куќа,...
Голема временска прогноза за регионот и Европа: каде ќе врне пороен дожд, а каде ќе има летни температури за Велигден
Април е месец кој се карактеризира со повеќе од променливо време, па како што може да ги прикаже летните временски...
„Затворена кардиохирургија без да обезбеди алтернатива“, партијата Левица бара оставка од Таравари
„Скандалозниот случај со починат пациент на Клиниката за кардиохирургија, поради некоординираност и неодговорност на власта, мора да резултира со одговорност...
Кина: Трговското насилство на Трамп сериозно го поткопува глобалниот поредок
Кинеските власти сè повеќе ја кажуваат својата позиција за состојбата на глобалната економија додека Пекинг се подготвува за целосното влијание...
Трамп: Нема повеќе социјална помош за имигрантите без документи
Американскиот претседател Доналд Трамп синоќа потпиша меморандум кој има за цел да ги спречи недокументираните имигранти и другите неподобни лица...
Коцевски: Издадена наредба за приведување на седум полицајци, истрагата за Кочани се проширува
Издадена е наредба за приведување на седум полицајци со што практично се проширува истрагата за пожарот во дискотеката „Пулс“ во...
Антикорупциска со низа замерки за Законот за угостителска дејност
Државната комисија за спречување на корупцијата утврди низа пропусти во законите за угостителска дејност,инспекциски надзор и законот за заштита и спасување....
Сѐ уште не се знае кој го вандализирал споменикот на децата бегалци во центарот на Скопје – плочата е откорната, МВР работи на случајот
МВР работи на расчистување на случајот со откорнатата плоча од споменикот на децата бегалци во срцето на Скопје. Во полицијата...
Случаен минувач го нашол изгубеното 6-годишно девојче од Куманово, по грешка се качило во автобус за Скопје
Полицијата во Гази Баба информираше дека е пронајдено шестгодишното девојче од Куманово кое вчера од страна на неговата мајка беше...
Претреси на осум локации во Прилеп поврзани со работењето на болницата
Финансиската полиција ја тресе прилепската болница, а во тек се претреси на осум локации. „Основното јавно обвинителство Прилеп постапува во...
Маркетите, аптеките и продавниците за техника и мебел од петок мора да ги објавуваат цените на интернет
Маркетите, аптеките и продавниците за техника и мебел од петок ќе мора да ги објавуваат цените на своите производи на...
Приврзоците на ДУИ денес глумат глас на совеста, вели Тошковски
Министерот за внатрешни работи, Панче Тошковски, во статус на социјалните мрежи се огласи по критиките од опозициските партии за одговорноста...
Ако има пропусти, ќе има одговорност, рече Таравари за пациентот што почина чекајќи операција на Кардиохирургија
Министерот за здравство Арбен Таравари вели дека ќе има одговорност ако бидат утврдени пропусти во случајот со смртта на пациентот...
„Морален пораз за Тошковски и ДПМНЕ е советничка да поднесе оставка, а тој не“, велат од СДСМ
„Морален пораз за Тошковски и ДПМНЕ е советничка во Советот на општина Кочани од оваа партија да поднесе оставка од...
ДУИ: Вистинското лице на една власт што не знае што значи одговорност, ниту министерот за внатрешни работи ниту директорот на Бирото за јавна безбедност не поднесоа оставка
„Во Република Северна Македонија постои јасна традиција: кога ќе се случи голема трагедија, министрите поднесуваат оставка – како морален чин,...
(Видео) Партијата Левица: Радијата да имаат третман како телевизиите – порталите по еден вработен
Партијата Левица поднесе амандман во интерес на порталите и радијата по однос на Законот за медиуми. Пратеникот и портпарол на...
Претседателот на „Харвард“: Партиите не треба да диктираат што да учат универзитетите
Претседателот на Харвард, Алан Гарбер, вчера во јавно писмо напиша дека најстариот и еден од најпочитуваните универзитети во САД се...
„Харвард“ ги отфрли барањата на Трамп, губи 2,2 милијарди долари федерални пари
Администрацијата на претседателот Доналд Трамп објави дека замрзнува повеќе од 2 милијарди долари федерално финансирање за Харвард, само неколку часа...
