Свет
Бајден: Трамп ќе се обиде да ги одложи изборите
![](https://makfax.com.mk/wp-content/uploads/2020/03/dzo-bajden-juzna-karolina.jpg)
Џо Бајден, демократски кандидат за претседателските избори во САД кои треба да се одржат на 3 ноември, смета дека Доналд Трамп ќе стори сé за да ги одложи изборите и со тоа да ги зачува своите шанси за победа.
„Запомнете што ви велам, мислам дека ќе се обидат да ги одложат изборите на овој или оној начин и да најдат причини истите да не се одржат“, рече Бајден вчера на настан за собирање донации преку интернет.
Поранешниот потпретседател на САД, кој има 77 години, смета дека Трамп може да победи само на овој начин.
Поради пандемијата на Ковид-19, од која во САД починаа 50.000 луѓе, а без работа останаа 26,4 милиони, патот до победата се чини потежок отколку што предвидуваше Трамп, кој досега можеше да смета на добрите економски показатели и верната база на гласачи.
Коментирајќи ја неодамнешната закана на Трамп дека ќе стави вето на вонредното финансирање за Американски пошти, Бајден рече дека тоа покажува оти претседателот има намера да стори сé за да го отежни гласањето.
Американските гласачи кои не се во можност да излезат на гласање, можат да го испратат своето гласачко ливче по пошта пред или по денот на изборите, што помага да се спречи ширењето на вирусот. Но, Трамп смета дека тоа ја зголемува можноста за измама.
Десетици американски држави ги одложија демократските предизбори на кои и официјално треба да се потврди демократскиот претседателски кандидат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
![](https://makfax.com.mk/wp-content/uploads/2023/04/zatvor-960x614.jpg)
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.