Свет
(Видео) Нeнси Пелоси го поддржа Џо Бајден во трката за претседател на САД
![](https://makfax.com.mk/wp-content/uploads/2020/04/27-pelosi.jpg)
Спикерот на американскиот Претставнички дом, Ненси Пелоси, објави дека го поддржува Џо Бајден во трката за претседател на САД, пренесува „Спутник“.
„Џо Бајден се бореше за нашата здравствена заштита, за нашите семејства и за иднината на нашите деца. Во својата работа тој внесува вредности и интегритет. Тој е глас на разумот и отпорот, кој ќе се бори за народот. Денес, се гордеам што ќе го поддржам во трката за претседател на САД“, напиша Пелоси на „Твитер“.
.@JoeBiden has fought for our health care, for our families & for our children’s future.
To his work, Joe brings values & integrity. He is a voice of reason & resilience who will fight #ForThePeople. Today, I am proud to endorse him for President of the United States. -NP pic.twitter.com/Qdc9vTgWHP
— Nancy Pelosi (@TeamPelosi) April 27, 2020
Бајден стана најверојатен кандидат на Демократска партија, што ќе се соочи со Трамп на изборите во ноември по повлекувањето на сите ривалски претседателски кандидати од Демократската партија, вклучително и Берни Сандерс.
Претходно во април, сенаторот од Вермонт, Берни Сандерс, кој се повлече од трката, ја повика својата база да го поддржи неговиот поранешен ривал Бајден велејќи дека им е потребен на Американците во Белата куќа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) На протестите во Кенија полусестрата на Обама меѓу демонстрантите погодени со солзавец
![](https://makfax.com.mk/wp-content/uploads/2024/06/vvv.jpg)
Кениската активистка Аума Обама, полусестра на поранешниот американски претседател Барак Обама, била меѓу демонстрантите кои беа погодени со солзавец пред зградата на парламентот во Најроби.
Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот, а се јавува и дека загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.
.@LarryMadowo is live on scene as protests over a controversial financial bill escalate in the Kenyan capital of Nairobi.
He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e
— CNN International PR (@cnnipr) June 25, 2024
Законот сè уште треба да го одобри претседателот Вилијам Руто.
Свет
Убиени 10 членови на семејството на лидерот на Хамас: Израелските сили извршија воздушен напад врз неговата семејна куќа
![](https://makfax.com.mk/wp-content/uploads/2024/06/dfdszgg.jpg)
Израелските сили извршија воздушен напад врз семејната куќа на лидерот на Хамас.
Членовите на семејството на Исмаил Ханије, лидерот на Хамас, беа убиени за време на израелски воздушен напад врз нивниот дом во западниот град Газа, пишува The Times of Israel. Според извештаите, најмалку 10 членови на неговото семејство биле убиени, меѓу кои и неговата сестра.
Лидерот на Хамас ги загуби своите три сина во израелски напад врз нивниот семеен автомобил во кампот Шати на 10 април.
Потврдувајќи го нападот врз семејството Ханије и бројот на загинати, Хамас објави дека ја смета администрацијата на американскиот претседател Џо Бајден одговорна за продолжување на војната за „истребување“ против палестинскиот народ во Појасот Газа, пренесува Ал Џезира.
За време на израелскиот воздушен напад, беа погодени и две училишта кои се користеа како засолништа во населбата Ал-Дарај, во источниот дел на градот Газа, како и бегалски камп, при што загинаа неколку луѓе. Власите се уште не ја потврдуваат точната бројка на загинати и повредени.
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.