Свет
Бројот на луѓе што гладуваат во Западна Африка може да се зголеми петкратно по пандемијата
Бројот на гладни луѓе во Западна Африка може да се зголеми петкратно ако глобалната епидемиолошка ситуација продолжи да се влошува, вели координаторот за отпорност на Организацијата за храна и земјоделство (ФАО) за Западна Африка, Кумба Соу, пренесува ТАСС.
Според Соу, проблемот со недостигот од храна предизвикан од сушата, појавата на скакулци и конфликтите во Западна Африка и регионот Сахел сега е влошен поради пандемијата.
„Во Западна Африка, заклучно со април, повеќе од 11 милиони луѓе имаат потреба од итна помош во храна – најмногу поради конфликтите. Овој број ќе продолжи да расте и може да достигне 17 милиони во периодот од сеидбата до жетвата (јуни-август) ако не одговориме бргу. Ако се влоши пандемијата, дури 50 милиони повеќе луѓе би можеле да се соочат со криза за храна во регионот“, рече таа.
Според Соу, оние што се веќе гладни или се веќе гладни и раселени, ќе бидат под најголем ризик.
„Стапките на неисхранетост во Сахел се едни од највисоките во светот. Речиси 2,5 милиона деца – повеќе од една четвртина во Буркина Фасо, Мали и Нигер – страдаат од тешка и акутна неисхранетост“, објаснува таа.
Пандемијата ќе влијае на локалните земјоделци, кои може да се соочат со намалено снабдување со ѓубрива и семиња, затворање продавници и пазари и намалена помош во текот на пандемијата.
„Бидејќи поголемиот дел од Западна Африка е веќе погоден од други сложени кризи, наш прв приоритет е да го заштитиме и одржуваме сегашниот одговор на итните случаи, особено активностите за поддршка на претстојната земјоделска кампања, што ќе помогне да се ублажат ефектите на Ковид-19 врз безбедноста на храната“, рече Соу.
Во исто време таа додаде дека мерките од одговорот на ФАО во регионот се соочуваат и со недостиг од финансирање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.