Свет
Трамп и Бајден добија противник во трката за претседател на САД
Американскиот претставник, Џастин Амаш, кој ги напушти републиканците минатото лето по судирот со претседателот Доналд Трамп и гласаше во прилог на неговото отповикување, објави дека се подготвува да се кандидира на претседателските избори во ноември.
Пратеникот од Мичиген најави дека иницирал формирање подготвителен одбор, што е силен знак дека ќе се натпреварува за Белата куќа.
Избран за пратеник во 2010 година, Амаш (40) е независен пратеник по напуштањето на својата партија минатото лето. Тој има намера да ја добие номинацијата на либертаријанците, партија што силно се залага за индивидуални слободи и минимално количество закон.
„Ние сме подготвени за претседателство што ќе го врати почитувањето на нашиот Устав и повторно ќе ги зближи луѓето“, напиша тој на „Твитер“.
Актуелниот претседател Трамп и демократот Џо Бајден, поранешен потпретседател, ќе се соочат на претседателските избори на 3 ноември.
Доколку тој официјално ја потврди својата кандидатура, Амаш би можел да ја добие поддршката на некои републиканци, фрустрирани од политиката на Доналд Трамп, како и од демократите незадоволни од изборот на Џо Бајден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Прага ги забрани ноќните туристички обиколки во баровите: „Не ги сакаме тие што доаѓаат да се опијанат“
Прага ги забрани тури во барови организирани од туристички компании, во обид да ја спречи бучавата што ја создаваат пијаните туристи, пренесува Политико.
Забраната, која ја усвоија градските советници, значи дека вечерните обиколки во баровите и пабовите каде што туристичките групи ги обиколуваат просториите веќе нема да бидат можни меѓу 22 часот и 6 часот наутро, јавуваат чешките медиуми.
Во предлогот на градот се наведува дека „неразумното консумирање алкохол и однесувањето во пабови може да создаде впечаток на недостаток на култура во заедницата, да го намали чувството на сигурност и да има негативно влијание врз перцепцијата на градот од страна на туристите, потенцијалните инвеститори и граѓаните“.
Заменик-градоначалникот на Прага, Зденек Хриб, им рече на новинарите дека „нема да биде можно да се организираат тури со водич навечер“, додека неговиот колега, исто така заменик-градоначалник Јиржи Поспишил, рече дека градот „бара покултурни и богати туристи, а не оние кои доаѓаат само на кратко да се опијанат“.
Жителите на центарот на Прага долго време се жалат на бучава и несигурност поради масовниот туризам. Улиците се полни со пабови и пивски сали во земјата која бележи најголема потрошувачка на пиво по глава на жител во светот.
Свет
(Видео) Во израелските напади во текот на ноќта во Газа загинаа 29 Палестинци
Најмалку 29 Палестинци се убиени во нападите извршени од израелската армија во различни делови на Појасот Газа.
Израелските сили започнаа напади врз бегалскиот камп Џабалија и градот Газа на север, Кан Јунис на југ и бегалскиот камп Нусејрат во централниот дел на Појасот Газа.
Според информациите добиени од медицински извори во болницата „Кемал Адван“, четворица Палестинци се убиени во напад на куќа во населбата Ал-Фалуџа во Џабалија, а тројца во напад на куќата на семејството Ед-Дахдух во Аз-Зејтун, градот Газа.
Како што јави палестинската новинска агенција ВАФА, десет лица загинаа во напад на куќа во која беа сместени раселените Палестинци во регионот Бени Сухејла во Кан Јунис, а седум во Ал-Фухари.
Петмина Палестинци загинаа во напад на куќа на запад од бегалскиот камп Нусејрат.
Европа
Русија го ракетираше Миколаев, едно лице загина
Најмалку едно лице загина, а 16 се повредени во ракетен напад што го изврши руската војска во областа Миколаев во Украина.
Виталиј Ким, шеф на Воената управа на Миколаевската област, изјави дека Русија го нападнала регионот со ракети С-300/400.
Тој изјави дека руската армија во текот на ноќта го нападнала градот Миколаев со ракети С-300. „Оштетени се зградата, ресторанскиот комплекс, комерцијалните објекти, куќите и возилата. Избувнал пожар. Во нападот загинала една жена, а 16 лица се повредени“, изјави Ким.
Вадим Филашкин, шеф на воената управа на регионот Доњецк, ја сподели информацијата дека во вчерашниот руски напад врз регионот се повредени пет цивили.
Командата на украинските воздухопловни сили соопшти дека синоќа Русија ги нападнала украинските позиции со седум противвоздушни ракети „С-300/400“ во Миколаев, две ракети „Х-59“ во областите Чернихив и Суми и 17 „Шахед“ тип беспилотни летала“ низ целата земја.