Забава
Севернокорејскиот лидер има воз за задоволство со харем од девици
Ким Џонг-ун, лидерот на Северна Кореја, има каки-зелен воз, кој e толку оклопен што мора да го движат два мотора со брзина од 60 километри на час. Бидејќи во последните неколку недели се шпекулира дека Ким не е жив, кога неговиот воз пристигнал на приватната станица во склоп на неговата палата во одморалиштето „Вонсан“, медиумите почнале да нагаѓаат што значи тоа.
Шпекулациите дека Ким починал се шират од 15 април кога не присуствувал на роденденот на својот дедо, првиот комунистички диктатор на Северна Кореја, Ким Ил-сунг. Оттогаш се објавува дека прекумерното пушење и дебелината му го загрозиле животот на 37-годишниот диктатор, кој завршил на итна операција на срцето.
Додека не се открие, Сеул и Вашингтон будно го следат возот. Бидејќи е голем и бавен, не им е проблем да го следат.
Возот има 20 или повеќе вагони, во кои има дневна соба во корално-розови кожени софи, модерна, целосно бела конференциска сала, канцеларија опремена со сателитска телевизија и најсовремена кујна во која се готват деликатесите што Ким ги јаде со сребрени стапчиња.
Свеж јастог, најдобри вина и привлечни кондуктерки се незаобиколни во диктаторските излети на Ким. Се зборува дека иако е во брак со шест години помладата Ри Сол-ју, Ким ја оживеал практиката на својот покоен татко, позната како бригада за задоволство. Станува збор за млади девојки, кои имаат задача да даваат сексуални и други задоволства за време на патувањето.
Сите девојки во бригадата се високи и убави, а лекарите проверуваат дали се девици. Доколку се согласат да бидат дел од бригадата, девојките добиваат 160 евра, што е огромна сума во Северна Кореја.
Едни од омилените пијалаци на Ким се шампањ „кристал“ и коњак „хенеси“, а љубител е и на швајцарски сирења. Се зборува дека ги засакал за време на школувањето во Швајцарија, каде што се претставил како дете на вработен во амбасада.
Неговиот оклопен „мерцедес“ е во возот. За разлика од татко му, Ким не се плаши од авиони, кои често ги користи.
Рускиот службеник Константин Пуликовски еднаш патувал со Ким Џонг-ун и раскажа дека можел да избира помеѓу руската, кинеската, корејската, јапонската и француската кујна во време кога земјата се борела со глад. За време на патувањето на станиците ги чекале свежи јастози, чија цена во тоа време била огромна, пренесува „Дејли мејл“.
Северна Кореја покажа нешто од што стравува целиот свет! (ВИДЕО)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најагресивните кучиња кои не се препорачуваат за неискусни сопственици
Секое куче може да биде агресивно, без разлика на расата. Порталот „Дог академи“ посочува некои од најагресивните раси кучиња и додава дека одредени раси на кучиња се посклони кон агресија за разлика од други. Во продолжение се расите на кучиња кои не се препорачуваат за неискусни љубители и сопственици кои немаат доволно време за обука, тренинг и за дружење со миленикот.
Чивава
Иако ова е мало, верно куче, одгледувачите многу добро знаат за неговата агресивност и проблеми со однесувањето. Чивавите може да бидат многу непријателски настроени кон туѓинци и кон други животни. Поради својата големина, не се сметаат за „најопасната“ раса, но доколку не се правилно одгледани и социјализирани, може да предизвикаат штета со каснувања.
Ротвајлер
Ова куче има вродена агресија поради што некои луѓе ги користат, пред сѐ, за борба со кучиња. Ова куче е заштитнички настроено и верно на својот сопственик, но има голем нагон за барање плен и затоа му треба добар тренинг. Сепак, ротвајлерот е интелигентно милениче и брзо учи, поради што не е проблем за сопствениците кои имаат искуство со агресивни раси.
Питбул-териер
Како силни, мускулести и кучиња со силна вилица, и питбул-териерите често се користат во уличните борби. Во погрешни раце, овие кучиња стануваат и сериозна опасност за околината, со доволно чести смртни исходи. Се препорачуваат само за искусни сопственици.
Неаполски мастиф
Овие кучиња станаа светски познати веројатно и поради кучето Фанг кое се појавува во серијалот „Хари Потер“. Иако големо и силно, ова куче е исклучително верно. Агресивно е кон туѓинци и кон секое лице или животно што го смета за закана. Тренингот и социјализацијата на мастифот треба да почнат кога сѐ уште е мало куче – за да се спречи агресивното однесување подоцна.
Чау-чау
Иако изгледаат како „плишани мечиња“, и овие кучиња се познати по својата недружељубива и агресивна природа. Тие обично може да се одгледуваат за лов и чување имот. За ова куче да ја потисне својата агресија, му треба постојана обука и строга контрола.
Аргентинска дога или мастиф
Бара строго воспитување, доследен тренинг и искусен сопственик за да се спречи секакво агресивно однесување. Не треба да се чува во домаќинства со други животни.
Германски овчар
Во погрешни раце, и овој домашен миленик може да биде опасен и агресивен, бидејќи е природен заштитник на својата територија, па така и на своето семејство. Поради неговата висока интелигенција и брзо учење, денес често се користи и како полициско-воено куче.
Германската армија почна со обука на службени кучиња за откривање на инфекција со коронавирусот.
Мексиканската армија оваа недела стана побогата за еден член – тримесечен германски овчар. Тој ќе биде дел од специјалната единица за наоѓање и помош на преживеани лица по земјотрес и други п
Јазовчар
Како и чивавата, и јазовчарот е мало куче склоно кон агресија. Поради нивната големина, тие често се чувствуваат загрозени и тоа обично резултира со ‘ржење, лаење и гризење заради заштита. Ним им треба тренинг и социјализација што почнува што е можно порано, поради потиснување на агресијата.
Далматинец
Познатите точкести кучиња се заштитен знак на противпожарните единици, но и тие важат за агресивни кучиња, што произлегува од нивната тврдоглавост и нагонот за бранење на својата територија. Покрај тоа, далматинецот има и висок нагон за плен, поради што може да нападне и дете. Со соодветни вежби и социјализација, и ова куче може да биде одлично семејно милениче.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.