Македонија
(Видео) Николовски: Изборите треба да се одржат веднаш штом се стабилизира епидемијата
![](https://makfax.com.mk/wp-content/uploads/2020/05/02-05-2020-Nikolovski2.jpeg)
„Денеска, по онлајн координацијата со шефовите на регионалните изборни штабови на СДСМ, ви ги презентирам заклучоците до коишто дојдовме заеднички.Во име на СДСМ, во име на Централниот изборен штаб и во име на регионалните и општински изборни штабови во шесте изборни едници,им благодариме на граѓаните и на институциите за високото ниво на свест, подготвеност и одговорност при справувањето со Ковид-19.Сега на сите ни е јасно дека преоѓаме во нова фаза, кога одиме кон нова нормалност на нашето живеење, нашето ново секојдневие, изјави Љупчо Николовски, генерален секретар на СДСМ.
СДСМ ги повикува сите граѓани за уште поголема внимателност и посветеност при почитувањето на мерките и препораките.
„Само ако носиме заштитни маски и ако се држиме на 2 метри дистанца ќе можеме полека да го вратиме јавниот транспорт во поголема функционалност, компаниите ќе се вратат во погон, а наскоро ќе може да се активираат и дел од угостителските капацитети.Само на овој начин, преку обезбедена епидемиолошка контрола, преку строги протоколи за новата нормалност и преку обезбедена заштита на јавното здравје, ќе може да зборуваме и за избори.
На македонската демократија и на македонскиот развој им требаат стабилни институции и колку што е можно поскоро враќање на нормалниот колосек на европските интеграции.На македонските граѓани им треба почетокот на преговорите. На македонските граѓани им се потребни функционални институции, а пред се функционален парламент.Затоа, веднаш штом се стабилизира епидемијата, за што сме оптимисти дека брзо ќе се случи, а на основа на сите епидемиолошки и здравствени анализи на клучните надлежни институции и авторитети во здравството веднаш после тоа треба да се реализираат изборите, во првиот можен рок.Во моментот кога епидемиолозите и здравствените авторитети ќе проценат дека има услови за враќање на општествените текови во функција, изборите треба да станат реалност, што поскоро“, истакна тој.
Николовски смета дека од здравствен аспект, најдобро е демократскиот избор на новиот македонски парламент и на новата македонска политичка влада со целокупна одговорност, да се случи во период кога короновирусот е совладан, а секако пред евентуална нова закана од повторно ширење на вирусот.
„Справувањето со пандемијата принудно го стопираше изборниот процес непосредно пред стартот на предизборната кампања. Скоро на крај од сите изборни дејствија којшто беа спроведени од страна на Државната изборна комисија Собранието сега не е во функција.
А, демократијата бара Собранието да ја контролира извршната власт и да биде на располагање за нови одлуки, со полн мандат од граѓаните. Тоа е причина повеќе да продолжиме по патот на обезбедување на новата нормалност, која веќе сите ја живееме. И веднаш штом здравството и епидемиолозите потврдат дека вирусот е под целосна контрола, треба да продолжи изборниот процес и изборните дејствија, онаму каде што застана на 12 април за веќе закажаните избори.Маските и дистанцата со сигурност стануваат наше секојдневие, ќе треба да се навикнеме на овие мерки при сите активности во секој наш нареден ден.
Обврска за сите политички чинители е на прво место да го стават здравјето на граѓаните и интересот на државата. Одговорно е да се носат одлуки растеретени од личните и теснопартиски интереси, а ниту една политичка кариера не е поважна од граѓаните.Граѓаните прават јасна разлика меѓу одговорниот пристап и неодговорноста.
Во меморијата на секој од нас остана онаа срамна изјава на Мицкоски на крајот од февруари оваа година.Мицкоски кажа дека „од СДСМ молеа бога да се случи корона вирус за да не може ВМРО-ДПМНЕ да излегува со народот на протести“.Тогаш ја исмеваше и ја потценуваше оваа пандемија и криза.Што е тоа што го натера Мицкоски да добие уплав од избори после 2 месеци?Неговите неуспешни напори да го одложи членството во НАТО, да не добиемеодлука за преговори со ЕУ или неговите подметнувања и желби, здравствените институциите да не успеат во справувањето со епидемијата?
Христијан Мицкоски и ВМРО-ДПМНЕ покажаа крајно неодговорно однесување во клучните моменти за здравјето на македонските граѓани. Тие се свесни за тоа и затоа бегаат од секој еден демократски мегдан. Затоа не сакаат да функционира Собранието и парламентот, затоа не сакаат нормализација и избори.Мицкоски, граѓаните се уморни од вашето политичко и деструктивно однесување!И покрај сите ваши напори, Северна Македонија ќе успее и ќе продолжи да чекори по вистинскиот пат. СДСМ ќе продолжи да се однесува крајно одговорно и секој следен чекор, како и до сега, ќе биде исклучиво во функција на сигурната иднина на граѓаните“, додаде тој.
„Мицкоски,продолжи да спортуваш, така си најмалку опасен за македонското здравство, за македонската демократија и за македонските интеграции.Затоа што крајно неодговорно во целиот овој период е да се шират лаги и да се создава паника дека здравството имало само 100 тестови а веќе илјадници луѓе се тестирани. Или крајно неодговорно е и да се тврди дека 150 илјади луѓе останале без работа кога знаеме дека таа бројка е многу помала. Само околу 6 илјади луѓе се одјавени еве на крајот на месец април. Уште многу деструкции и неодговорност видовме во целиот овој период.
СДСМ и граѓаните сериозно се подготвуваат за новата реалност, за новата нормалност.Одговорноста на политичките партии и на институциите е да направат се, колку може побрзо да го обезбедиме нормалното секојдневие на граѓаните. Сите што се спротиставуваат на оваа цел на нормализирањето на состојбите придонесуваат земјата да ни остане во вонредна, во здравствено-економска криза, а тоа не е одговорно однесување“, додава Николовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Претседателката Сиљановска Давкова го прими постојаниот претставник на УНДП, Армен Григорјан
![](https://makfax.com.mk/wp-content/uploads/2024/06/Foto-2.jpeg)
Претседателката Гордана Сиљановска Давкова денеска го прими постојаниот претставник на Програмата за развој на Обединетите нации – УНДП, Армен Григорјан.
На средбата се разговараше за соработката и активностите на УНДП, при што претседателката Сиљановска Давкова изрази задоволство од долгогодишното и доверливо партнерство со УНДП, кое во соработка со македонските институции, општини и граѓанското општество даваат значаен продонес за севкупниот развој во нашата земја.
Во тој контекст, претседателката истакна дека високо ги цени ангажманот и иницијативите на УНДП во различни суштински области, како што се економски развој, социјална вклученост, родова еднаквост, институционално зајакнување, заштита на животната средина, ублажување на климатските промени и младинско вклучување во процесите на одлучување и креирање политики.
На средбата беше констатирано дека приоритетните активности на УНДП во нашата земја за 2021-2025 година совршено се усогласени со македонските национални приоритети, засновани на принципите за одржлив развој и целосно компатибилни со процесот на пристапување во Европската Унија.
Македонија
Собрани над 300 тони отпад од над 18.000 волонтери во Генералка викенд – најмасовната еко-акција во државата
![](https://makfax.com.mk/wp-content/uploads/2024/06/thumbnail_443718166_982972903833058_1126424978040198766_n.jpg)
Заедно со главните стратешки партнери Пивара Скопје и Пакомак, Мен енд Маунтен оваа година по четврти пат ја организираше GENERALKA WEEKEND, најголемата еколошка акција во Македонија и на Западен Балкан, во која беа собрани рекордни над 300 тони отпад.
„Нашите партнери од приватниот сектор, поддржувачите во општините и институциите, училиштата, градинките, невладините организации, спортските и пензионерските клубови, месните и урбани заедници, националните паркови, специјалците и многу други организации со здружени сили и со неспоредлив чин на национална солидарност и пријателство над сите етнички и политички граници придонесоа во GENERALKA WEEKEND! Над 18.099 волонтери собраа 301,504 кг отпад на повеќе од 400 локации за време на GENERALKA WEEKEND помеѓу 15-19 мај 2024 година!“ велат Гордана Софија и Ханес Јекл од Мен енд Маунтен.
Душан Митрев, генерален директор на Пивара Скопје, изјави дека големиот број на волонтери и постигнатите резултати даваат надеж дека заедно можеме да создадеме култура на одржливо живеење:
„Нашата определба да бидеме водечки стратешки партнер на најмасовната национална еколошка иницијатива GENERALKA WEEKEND произлегува од потребата да ја заштитиме животната средина и да бидеме двигател на позитивна промена во заедницата во која работиме. За нас како компанија е значајно корпоративната одговорност да ја преточиме во дела, а исклучителните резултати од овогодинешната акција покажуваат дека сме на прав пат. Сакам да изразам благодарност до тимот на Пиварци и до сите волонтери и партнери кои се вклучија во акцијата.“, изјави генералниот директор на Пивара Скопје, Душан Митрев.
Погледнете го видеото од чистењето на Кале https://www.youtube.com/watch?v=m_K-zmU9pYg
„Секоја година GENERALKA WEEKEND придонесува за подигнување на јавната свест за потребата од селекција и рециклирање на отпадот. Ова е најмасовната и најефикасна еколошка акција во земјава и верувам ќе станува се помасовна, но исто се надевам дека ќе собираме се помалку несоодветно одложен отпад“, е изјавата на Филип Ивановски, генерален менаџер на Пакомак.
Врз основа на меморандумот меѓу Министерството за земјоделство, шумарство и водостопанство, Национални шуми и Мен енд Маунтен, Владата на нашата земја ќе посвети по 1 дрво на секои 10 килограми на собраниот отпад за време на GENERALKA WEEKEND во рамки на нивните годишни планови за пошумување се до 2031 година. До денес се засадени повеќе од 100.000 дрвја благодарение на заложбата на народот на Македонија.
Реализацијата на GENERALKA WEEKEND се должи и благодарение на поддршката од Министерството за животна средина и просторно планирање, Министерството за одбрана и Министерството за внатрешни работи, кои придонесуваат во оваа акција уште од 2021 година.
Како и во последните години, Шпаркасе Банка и Нула Отпад се официјални партнери на акцијата, а годинава им се придружија и Макстил, Бучим Боров Дол, ЕВН, Бимилк и Костал. И повторно како и досега Црвен крст се погрижи за безбедноста на сите учесници на GENERALKA WEEKEND 24.
(ПР)
Македонија
Таравари, Фетаи и Ќоку, првата посета надвор од земјава ја остварија во Косово
![](https://makfax.com.mk/wp-content/uploads/2024/06/taravari.jpg)
Министерот за здравство Арбен Таравари, придружуван од вицепремиерот за добро владеење и транспарентност Арбен Фетаи, како и пратеникот на ВЛЕН, Беким Ќоку, првата посета надвор од земјава како дел од извршната власт, ја оствари во Република Косово.
Беше примен од министерот за здравство на Косово, Арбен Витиа, со кого разговараа за соработката и заедничките институционални приоритети.
„Денеска, придружуван од вицепремиерот за добро владеење и транспарентност, Арбен Фетаи, како и пратеникот на ВЛЕН, Беким Ќоку, ја остварив мојата прва посета надвор од земјава, во Приштина, каде што се сретнавме со мојот колега Арбен Витиа. Со Арбен остваривме братски разговор за предизвиците во нашите здравствени системи и соодветните приоритети за наредниот период“, изјави министерот за здравство Арбен Таравари.
Како што рече Таравари, се договориле за забрзување и продлабочување на соработката меѓу двете влади, „како во здравството, така и во образованието и политиките за добро владеење и во кој било друг релевантен сектор за уште поголемо зближување меѓу двете земји и зајакнување на врските меѓу нашите народи“