Свет
(Видео) На раката на Ким Џонг-ун забележан белег кој укажува на медицински третман?
Севернокорејскиот лидер Ким Џонг-ун за прв пат по 20 дена отсуство се појави во јавноста. По неколкунеделните шпекулации за неговото здравје, се појавија снимки кои ги негираат тврдењата дека тој е во лоша состојба, па дури и дека починал.
На новите снимки се гледа како лидерот на земјата разговара со различни службеници, пуши цигари и се смее. Дури не користеше ни бастун како поддршка при одењето, што на пример, беше случај во 2014 година кога се појави во јавноста по наводна операција на глуждот.
Сепак, наскоро медиумите на снимката забележаа еден интересен детаљ – точка на неговата рака која можеби укажува дека лидерот на Северна Кореја неодамна бил подложен на некоја медицинска процедура.
Според државната агенција КЦНА, Ким Џонг-ун присуствувал на церемонија за отворање на фабрика за вештачки ѓубрива, каде ја персекол свечената лента.
Севернокорејскиот лидер, до денеска, во јавноста последен пат веше виден на 11 април, кога претседаваше на конгресот на социјалистичката партија. Во меѓувреме, се шпекулираше дека тој имал операција на срце и бил во кома, а подоцна и дека се заразил со коронавирус.
Денеска, државните медиуми објавија снимки на кои се гледа лидерот на Северна Кореја како се вози во електрично голф возило за време на посетата на фабриката и весело разговора со службените лица. Но, наскоро се појавија шпекулации околу мистериозната трага на неговата рака, објави „НК Њуз“.
Со оглед на тоа што информациите кои доаѓаат од Северна Кореја се многу често се контролирани и ограничени, државните власти досега не доставиле никакви податоци или коментари за трагата на раката на Ким Џонг-ун.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
13 земји испратија предупредувачко писмо до Израел
Министрите за надворешни работи на 13 земји преку писмо го предупредија Израел против сеопфатна воена офанзива врз градот Рафа во јужниот дел на Појасот Газа, се вели во извештајот на медиумите.
Германскиот весник Зидојче Цајтунг објави дека потписниците исто така повикале на поголема помош за палестинското население. Сите членки од групата Г7, големи индустријализирани земји, го потпишаа писмото на четири страници, со исклучок на Соединетите држави.
Во писмото до израелскиот министер за надворешни работи, Израел Кац, министрите го истакнаа правото на Израел на самоодбрана и ги осудија терористичките напади на 7 октомври од страна на Хамас и другите исламистички групи.
Истовремено, тие ја повикаа владата на премиерот Бенјамин Нетанјаху да направи се што е во нејзина моќ за да ја ублажи катастрофалната и влошена хуманитарна криза во Појасот Газа.
Според извештајот на Зидојче цајтунг, тие исто така го повикале Израел да ги отвори сите гранични премини во крајбрежната зона за испорака на помош, вклучувајќи го и преминот Рафа со Египет.
Писмото го потпишаа министрите за надворешни работи на земјите од Г7 на Германија, Франција, Велика Британија, Италија, Јапонија и Канада и нивните колеги од Австралија, Данска, Финска, Холандија, Нов Зеланд, Јужна Кореја и Шведска.
Пред нешто повеќе од една недела, израелската армија напредуваше од исток кон Рафа и покрај силните меѓународни предупредувања. Оттогаш, армијата го контролира и палестинскиот дел од граничниот премин Газа кон Египет. Важниот граничен премин оттогаш е затворен за хуманитарна помош. Израел и Египет меѓусебно се обвинуваат за ова.
Израелскиот министер за одбрана Јоав Галант вчера најави распоредување дополнителни трупи во Рафа. Таму веќе се погодени стотици цели и уништени се неколку тунели, соопшти израелската армија. Според ОН, околу 600.000 луѓе веќе го напуштиле градот на границата со Египет.
Свет
Марихуаната ќе биде класифицирана како помалку опасна дрога во САД: „Историска одлука“
Американската влада одлучи да ја категоризира марихуаната како помалку опасна дрога, што значи дека луѓето кои ја користат или поседуваат супстанцијата веројатно нема да одат во затвор во иднина.
Too many lives have been upended because of our failed approach to marijuana.
So today, the @TheJusticeDept is taking the next step to reclassify marijuana from a Schedule I to a Schedule III drug under federal law.
Here's what that means: pic.twitter.com/TMztSyyFYm
— President Biden (@POTUS) May 16, 2024
„Премногу животи се превртени наопаку од нашиот неуспешен пристап кон марихуаната“, напиша американскиот претседател Џо Бајден на социјалната мрежа Икс.
Today, my administration took a major step to reclassify marijuana from a Schedule I drug to a Schedule III drug.
It’s an important move toward reversing longstanding inequities. pic.twitter.com/mxNQqQg1s7
— Joe Biden (@JoeBiden) May 16, 2024
„Денес, Министерството за правда го прави следниот чекор за прекласификација на марихуаната од Категорија I во Категорија III според федералниот закон“.
Лековите спаѓаат во пет различни категории во САД. Досега марихуаната или канабисот беа во првата, а со тоа и најстрогата категорија, која вклучува хероин и ЛСД.
Американската влада сега побара таа во иднина да биде вклучена во третата категорија. Како резултат на тоа, марихуаната ќе биде на исто ниво со стероиди или парацетамол. Американските медиуми ја означија таа прекласификација како историска.
Со прекласификацијата се признава медицинската употреба на канабисот, но целосна легализација низ државата за приватна потрошувачка не е планирана.
Иако марихуаната е веќе легална за рекреативни и медицински цели во повеќе од 20 американски држави, а само за медицински цели во повеќе од десетина други држави, федералниот закон сè уште заостанува. Потегот на администрацијата на Бајден има далекусежни последици за истражувањето и оданочувањето и придонесува за понатамошна декриминализација на канабисот.
Свет
Роднините на израелските заложници се обратија до Советот за безбедност на ОН
Роднините на израелските заложници кои ги држеше палестинската милитантна организација Хамас во Појасот Газа се обратија на специјално свиканиот состанок на Советот за безбедност на ОН во Њујорк.
Меѓу другите на состанокот во четвртокот, Гили Роман, кој е германски државјанин, се потсети на својата снаа Кармел, која беше киднапирана од Кибуц Беери на 7 октомври минатата година.
„Ние малку знаеме за ситуацијата на Кармел“, рече Роман. „Се надеваме дека е жива. Но, не знаеме“.
Израелски проценки: 100 заложници веројатно се живи
Претставниците на Советот за безбедност и неколку други земји-членки на ОН присутни, вклучително и Германија, ветија дека ќе продолжат со напорите за да се обезбеди ослободување на сите заложници.
Хамас и неговите поддржувачи убија околу 1.200 луѓе, вклучувајќи околу 800 цивили, во нападите на 7 октомври. Тие киднапираа и повеќе од 200 жени, мажи и деца.
105 од нив беа ослободени речиси два месеци по договорот меѓу Израел и Хамас.
Судбината на преостанатите заложници е нејасна. Според израелските проценки, околу 100 од нив веројатно се уште се живи.