Свет
Талибанците презедоа одговорност за нападот врз авганистанскиот тренинг-центар
Талибанците презедоа одговорност за бомбардирањето на воениот центар за обука во провинцијата Хелманд во неделата, пренесува РТ.И покрај неуспешниот мировен процес, милитантното движење го обвинува Кабул дека ја забавува договорената размена на затвореници.
„Десетици припадници на непријателските сили беа убиени и повредени во нападот“, вели Кари Јусуф Ахмеди, портпарол на Талибанците, осврнувајќи се на бомбашкиот напад во неделата.
Во нападот со камион бомба во округот Нахри Сараџ, на југот од земјата, беа убиени најмалку пет припадници на авганистанските безбедносни сили, пренесе „ТОЛО њуз“, повикувајќи се на канцеларијата на провинцискиот гувернер.
Според извор од безбедносните кругови, експлозијата ја уништила базата и загинале дури 18 лица.
Ова е најновата епизода на насилство меѓу долгогодишните завојувани страни, кои би требало да бидат во мировни преговори по договорот потпишан од САД и Талибанците кон крајот на февруари. Талибанците велат дека владата не ослободила илјадници затвореници, што им било ветено на бунтовниците според условите на договорот.
По потпишувањето на договорот имаше почетен период со намалено насилство, но нападите се засилија оттогаш. Сè поголемата напнатост меѓу Талибанците и САД, што веројатно може да го поттикне Кабул да ги забрза работите, излезе во јавност минатата сабота во редок директен судир на Твитер.
Сони Легет, портпарол на американските сили во Авганистан, повика на деескалација, велејќи: „Нападите создаваат напади, додека воздржаноста создава воздржаност“.
Претставникот на Талибанците, Забихулах Муџахид, возврати на твитот, нарекувајќи ги ваквите изјави непромислени и провокативни и побара од САД да ги исполнат своите обврски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија.
„Со цел да се зголеми подготвеноста на нестратешките нуклеарни сили за извршување на борбени задачи, Генералштабот започна со подготовки за одржување вежби со ракетните формации на Јужниот воен округ“, се наведува во соопштението.
Како што се посочува, маневрите ќе се одржат во блиска иднина и ќе ги опфатат и авијацијата и морнарицата.
„Целта на вежбата е да се одржи подготвеноста на персоналот и опремата на единиците за борбена употреба на нестратегиско нуклеарно оружје за одговор и обезбедување на територијалниот интегритет и суверенитет на државата“, наведуваат од Министерството.
Тие додаваат и дека тоа е „одговор на провокативните изјави и заканите на одредени западни функционери“ против Русија.
Свет
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на Газа, објави израелското воено радио.
Според извештајот, евакуациите сега се концентрирани во неколку периферни квартови на Рафа, од кои се вели дека евакуираните лица се насочуваат кон градовите со шатори во блиските Кан Јунис и Ал Муваси.
Меѓутоа, во она што се чини дека е почеток на евакуација на цивили пред копнен напад, израелската армија ги повика Палестинците во источните делови на Рафах да се преселат во блиската „хуманитарна област“.
По седуммесечната офанзива против Хамас, Израел соопшти дека во Рафа се засолниле илјадници борци од палестинската исламистичка група и дека победата е невозможна без заземање на градот.
Со оглед на тоа што повеќе од еден милион раселени Палестинци се засолнети во Рафа, изгледите за операција со многу жртви ги загрижуваат западните сили и соседниот Египет.
Свет
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано да дадат заклетва за лојалност оваа година на неговиот роденден, соопшти јужнокорејскиот Институт за развој на југ и север (SAND) со седиште во Сеул.
Во петокот, институтот објави фотографии од текстот на заклетвата во папката, за која се верува дека е направена на 40-тиот роденден на Ким, 8 јануари, пренесува Ројтерс.
Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на родендените на неговиот татко и дедо, претходни севернокорејски лидери.