Забава
Македонските лото-играчи најмногу играат броеви во низа
Во вчерашното коло, 36-то по ред во оваа година, се радувавме на вкупно 166 (сто шеесет и шест) постигнати 6-ки.
Во над 1 000 извлекувања на лото-игрите на среќа во организација на Државна лотарија, од 3 мај 2010 г. досега, топчињата ни приредија безброј изненадувања. Едно од најитересните се случи токму вчера. Во тек на извлекувањето беа извлечени дури шест едноцифрени броеви и еден двоцифрен: 7, 6, 3, 2, 30, 4 и 5. Подредената добитна комбинација на екранот изгледаше вака: 2, 3, 4, 5, 6, 7, 30.
Од вкупно 166 (сто шеесет и шест) 6-ки, 11 (единаесет) се на добитници коишто играле на интерент-платформата на Државна лотарија, а останатите 155 (сто педесет и пет) 6-ки, се уплатени преку терминалите на продажни места ширум нашата земја.
Списокот на добитници на 6-ки уплатени преку термнинали на уплатно-исплатни места, по градови/населени места, изгледа вака: Скопје (43), Битола (7), Велес (6), Тетово (6), Кичево (6), Штип (5), Струмица (5), Охрид (5), Струга (4), Кавадарци (4), Неготино (4), Гостивар (3), Прилеп (3), Кочани (2), Делчево (2), Радовиш ( 2) Ново Село (2), Гевгелија (2), Ресен (2), Македонски Брод (1), Куманово (1) Крива Паланка (1), Чашка (1), Негорци (1), Пробиштип (1), Свети Николе (1), Пехчево (1) и Берово (1).
Вкупниот фонд за категоријата 6-ка, во коло 36 изнесуваше 342.864,70 денари, што поделено на 166 значи дека секоја поединечна 6-ка носи по 2.065,45 денари. Дел од нашите добитници освоиле и повеќе од една 6-ка, но и 5-ки и четворки коишто им ја зголемуваат вкупната добивка.
Од онлајн учесници освоени се 11 (единаесет) 6-ки, но и 30 (триесет) 5-ки и 304 (триста и четири) 4-ки, што досега е најголемиот број погодоци постигнат од страна на онлајн играчи на Лото 7.
Дел од нашите онлајн играчи добиле 6-ки користејќи ги придобивките од кампањата „300+100“ преку освоениот Бонус –промо ваучер.
Лото играчите коишто уплаќаа преку терминалите на уплатно-исплатни места ширум нашата земја, постигнаа вкупно 155 (сто педесет и пет) 6-ки, 247 (двесте четириесет и седум) 5-ки и 2.638 (две илјади шестотини триесет и осум) 4-ки.
По однос на системска игра, имаме повеќе примери на игра на скратени и полни системи. Меѓу примерите и една уплата реализарана во Детелинка – Кичево каде што е одигран полн систем од 8 броеви (вкупно 160 денари) и 1 Џокер од 20 денари и на него има 2 добивки со 6 погодоци и 6 добивки со 5 погодоци. Еден од примерите на скратен систем е одигран во уплатно место Толлакс Медиа Бисер Скопје, каде што играчот одиграл скратен систем – реден број 9 со 21 одиграни броеви (вкупна уплата од 800 денари) и има 1 добивка со 6 погодоци.
Очигледно е дека броевите во низа, што беа извлечени во коло 36 од играта на среќа Лото 7, внесоа голема возбуда и ни потврдија дека најголем дел од нашите играчи во своите омилени комбинации играат броеви во низа .
Фондот за седумка за наредното коло 37, изнесува близу 27.000.000 денари.
За онлајн играчите е актуелна кампањата „300+100“ за добивање Бонус-промо ваучер, а воедно ги покануваме сите играчи, да се вклучат во игра преку нашатa веб-страница за онлајн учество во игрите Лото 7 и Џокер www.loto.mk. За сите информации, на располагање е нашиот контакт-центар на броевите 02 323 7777 и вибер-бројот 076 313 052.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.